Hell University (PUBLISHED)

Chapter 44

Tinaasan ko sya ng kilay. Humalakhak silang lahat ngayon at tuwang-tuwa na badtrip na ako.

Mabilis na isinakbit ko ang bag  sa likod ko at inismira silang lima na humahalakhak pa rin.

Nasa pinto na ako nang makasalubong ko ang Teacher namin.

"Where are you go-"

"Somewhere!" Sagot kong pabalang.

Narinig ko ang muling paghalakhak nila kaya mabilis na umalis na ako roon. Grabe sila! Ako pa ang napagtripan.

Hindi ko maitago ang irita sa mukha ko at napagbuntungan ng galit ang isang bato. Umupo ako sa bench dito sa wide space at pinagmamasdan ang walang lamang lugar na ito dahil na rin sa class hour na.

"Oh My Ghad!"

Napatakip ako sa aking bibig nang maalala na class hour nga pala. Hindi ako pwedeng mag-stay dito baka makita ako ni Supremo. Kahit naman nasa taas na ako ay hindi pa rin ako exempted sa rule.

Dali-dali akong umalis ngunit naistatwa ako nang marinig ang boses ni Supremo sa likod ko.

"Where are you going?"

Inipon ko lahat ng lakas sa paa ko bago kumaripas ng takbo at hindi pinansin nang tawagin ako ni Supremo. Tumakbo lang ako ng tumakbo hanggang dalhin ako ng paa ko sa secret garden.

Hingal na  napaupo ako sa ugat ng malaking puno.

"Muntik na ako don ah!"

"Meow."

Tangina! Sinamaan ko ng tingin si Hoy na ikinikiskis ang balahibo sa binti ko. "You are not helping, Hoy." Iritang wika ko bago ito kinuha at ipinatong sa hita ko.

"Ano bang meron ngayon?" Tanong ko kay Hoy at umaasang sasagot ito ngunit wala akong narinig sa kanya kahit na meow man lang. Hindi ko alam pero nairita na naman ako. "Hindi ka sasagot?!" Gigil na wika ko.

Nanatili itong nakatitig lang sa akin.

"Pati ba naman ikaw isi-sikreto mo?" Inis na kinuha ko ito at ibinalik sa lupa. "I hate you! Humanap ka ng bagong amo!" Sigaw ko.

Humalukipkip ako at kinalma ang sarili ko. Nakakairita sila! Nakakainis! Nakaka--- Gigil!

Naramdaman kong muli ang pagkiskis ni Hoy ng balahibo sa binti ko kaya sinipa ko sya... mahina lang naman.

"Meow."

"Sorry... I need space. Hayaan mo muna akong mapag-isa, Hoy."

"Gusto kong isipin na hindi ka nababaliw pero baliw ka ba?" Natatawang tanong ni Supremo na nakahalukipkip sa harap ko. "Ganon ba talaga kalakas ang epekto ko sa'yo para mabaliw ka nang ganito?" Nakangising dugtong pa nito.

Aba! Matinde!

"Naku, Supremo. Lumayo ka ng konti sa 'kin, baka mahambalos kita."

Humalakhak ito at lumapit pa sa akin. Lumobo ang pisngi ko sa inis. Nananadya ba sya?! GHAD! Hindi ko na kaya! Nakakairita ang araw na 'to at parang gusto ko na lang na mahiga sa kama at matulog.

"Bakit ang init ng ulo mo?" Natatawang tanong pa nya.

Nagulat ako nang yakapin nya ako. Nakalimutan ko atang huminga at tumindig ang balahibo ko. "Better?" Bulong nya sa tainga ko.

OMG!

"S-Supremo... gusto mong masapak?" Nahihirapang tanong ko. Suminghap ako nang hangin dahil simot na talaga ang natitirang hangin sa loob ko.