Habang nililigpit ng mga lumang gamit
Nakita ko ang isang kahon ng mga larawan.
Mga nakangisi, nagtatawanan
Mga bata pa at puno ng pag-asa.
Ang sumunod na larawan nakita ko
Ang iyong mukha
Na sa sandaling panahon
Ay puso ko'y iyong pinasigla.
Ala-ala ng mga oras na ginugol
Sa mga walang kwentang usapan
Mga tawanan at halakhak
Na pawang walang katapusan.
Sa umpisa'y kaibigan na tunay
Ika'y natularan
Pero sa paglipas ng panahon
Iba na ang naramdaman.
Kaibigan nga ba talaga?
Para sakin ay oo
Pero bakit parang higit pa ron
Ang nakikita ko sayo.
May mga pahiwatig
Na hindi derechahan
Pero walang tapang na magtanong
Saan ba ang patutunguhan.
Sa tagal ng panahon
Wala kang sinasabi
Pero ramdam kong
Pagmamahal ang iyong ninanais.
Hanggang sa napagod ang puso
Sa paghihintay sayo
Nabaling ang tingin
Sa ibang umiirog.
Dahil sinabi nya saking
Ako'y mahal nya
Ni minsan ay hindi sayo narinig
Mula nung umpisa.
Gusto kong sumigaw
Mahal mo ba ako?!?
Pero hindi ko kaya
Dahil babae ako.
Madaming taon na ang lumipas
Sa edad ay dumagdag
Ngunit ala-ala mo
Ay parang walang kupas.
Sa aking palagay
Kahit dekada na ang nakalipas
Sa puso ko'y may puwang parin
Pag pangalan mo ay nabibigkas.
Ngunit tapos na
Ang yugto na iyon
Alaala na nalamang
Ng isang matamis na kahapon.
YOU ARE READING
Naaalala parin kita...
RomanceVice and Karylle after 10 years....not as Showtime actors but as regular people who also go through life just like us. Heartaches, disappointments, regrets....but things change. Sometimes when we least expect it.