Akin Ka [Published under Sizzle/Summit Media]

Chapter 18

"But I really really miss you baby, kung magkikita man tayo madalas pag matutulog na." Rinig ko sa boses niya ang pakikiusap kaya naman napangiti ako.

"Sige na nga, pero hanggang eight o'clock lang tayo, at maaga ang duty ko bukas," suway ko.

"YES! Sure baby, see you in a minute. Mahal kita." Napangiti ako dahil ligayang-ligaya ang boses niya.

"Mahal din kita, mag-ingat ka ha? Papakasalan pa kita!" satatawang sabi ko. Narinig ko ang pagsigaw ni Jade! Binato niya pa ako ng tissue.

"Haha. Yes, I will!"

Yun lang at pinatay ko na ang tawag.

"Grabe teh, cheesy ka na niyan? Haha! Medyo komorny ka na simula ng maging jowawers mo yang si Papa Kyle ha!" Natatawang sabi ni Jade.

"Ganyan talaga pag-ibig na ito!" Natatawang sabi ni Jelly. Napapansin ko kumukulit na rin siya.

Nandito na kami sa labas ng mall. Malapit na raw kasi si Kyle.

"Ang bait talaga ni Kyle," sabi ni Jelly.

Maya-maya lang dumating na siya. Bumaba siya ng kotse para halikan ako sa labi sandali, panay naman ang hagikhikan nila Jade. Kinuha naman niya yung mga dala ko.

"Hello girls, long time no see ah?" Bati ni Kyle kela Jade saka pinagbuksan niya ito ng pinto sa backseat.

"Let's go, misis ko," bulong niya at binuksan yung pinto sa passenger seat. Nginitian ko muna siya bago ako sumakay.

"Ang langgam teh nagkalat na naman!" sabi ni Jade.

"Tumigil ka nga jan!" natatawang sigaw ko. Umikot na rin si Kyle sa harapan para makasakay na rin siya, at nagmaneho na siya.

"Ang bango-bango mo Papa Kyle!" sigaw ni Jade saka inilapit ang ilong kay Kyle. Tawa na naman nang tawa si Kyle dahil sa kakulitan ni Jade.

"Papa Kyle, baka naman pagtagal-tagal magbago ka na!" pabirong sabi ni Jade. Tinignan ko siya ng masama pero tinawanan niya lang ako.

"Ako? Kay Kei? Hindi yata ako magbabago dito sa misis ko. Ang ikinatatakot ko lang baka siya pa ang magbago sa akin." Natatawang biro ni Kyle saka sumulyap sa akin at kinindatan ako.

Narinig ko naman ang malakas na tawanan nila Jelly.

"Korek teh! Baka si Kei pa ang magbago!" Natatawang sabi ni Jelly!

Ako? Magbabago? Bakit ko pa pakakawalan si Kyle?

Pagkahatid namin kela Jade, nagulat ako dahil sa tower ng condo namin kami pumunta.

"Oh teka? Akala ko ba magdi-dinner tayo sa labas?" pagtataka ko sa kanya.

"Uhm, yes baby, sa labas." Nakangiting sabi niya habang inaayos yung pag-park ng kotse niya.

"Let's go!" excited na sigaw niya saka sabay na kaming bumaba.

Tinignan ko siya ng buong pagtataka nang makasakay na kami ng elevator at nanlaki ang mata ko nang makita kong sa roof top ng tower ang pinindot niya.

"Dinner? Sa rooftop?" naguguluhang tanong ko.

Pero nginitian niya lang ako. Maya-maya lang hinila na niya ako palabas ng elevator. Pagkabukas niya ng pinto ng rooftop, nanlaki ang mata ko nang makita ko ang parents niya pati ang mga kapatid niya, nandito din si Felix at may iba pa.

"Kyle ano 'to?" tanong ko.

Pero hinila niya lang ako palapit sa table ng parents niya, may catering dito sa taas at may mahinang music.

"Kuya! Happy Birthday!" sigaw ng isang babae na sa tingin ko kapatid niya. Nanlaki ang mata ko at napahigpit ang kapit ko sa kamay niya.

Birthday niya? Ba-bakit hindi ko alam? Bigla akong nakaramdam ng hiya sa sarili ko. Sarili kong boyfriend hindi ko alam ang birthday?

"Thank you, Misha."

"Hi! Ikaw ba si Ate Kei?!" excited na tanong nito. Pinilit kong ngumiti at tumango. Nagulat ako nang yakapin ako nito.

"I'm Misha!" sigaw nito. Hinila niya ako palayo kay Kyle. Napalingon naman ako sa kanya tinanguan niya muna ako bago siya humarap sa parents niya.

Nagpunta kami sa isang table kung saan nandun yung tatlong kapatid niya pa.

"Girls, siya si Ate Kei! Ang pretty niya right? Ate meet my sisters, si Cassandra, si Anne and Kesiah!" ngiting ngiting sabi nito.

Nakipagkamay ako sa kanila. Nakakahiya nakasuot pa ako ng uniform ko, tapos feeling ko gulo-gulo yung buhok ko.

Napatingin ako sa apat na may edad na lumapit sa amin.

"Lolo! Lola! Si Ate Kei!" sigaw nung Kesiah.

Sobrang amo ng mukha nilang apat. Sila pala ang Lolo at Lola ni Kyle.

"So, ikaw pala yung kinukwento ng Mama ni Kyle." Nakangiting sabi ng isang magandang babae sa harap ko.

Napalunok ako. Hindi ako makahagilap ng tamang salitang sasabihin ko. Tumango na lang ako.

"Hey hey! Ano ginagawa niyo sa misis ko ha? Ikaw, Andres, anong pinaplano mo?! May evil plan ka ba?" natatawang sabi ni Kyle sa kapatid niya at pumulupot ang braso niya sa bewang ko.

Napansin ko naman ang panlilisik ng mata ni Cassandra kay Kyle.

"Kuya inaasar mo na naman si Cass kay Andres!" sigaw ni Anne. Tinawanan lang siya ni Kyle.

"Relax ka lang, hijo, pinapakilala lang naman nila Misha itong girlfriend mo." Nakangiting sabi ng isang Lola niya.

Tumungo ako. Kinakabahan kasi ako. Hindi ko expect na makakaharap ko silang lahat ngayon!