The way I was

11. Bad news

"Saan nag-stay si Lila?" Tanong niya nang nakaupo na kami sa waiting room.

"Sa b-bahay ni Eos..."

"Tell her to stay away from that man." Mariing sabi niya. He looked at the ring on my finger. "Ito ba ang rason kung bakit biglaan kang pumayaf sa pagpapakasal kay Eos Demitri? Lualhati, hindi moa lam kung gaano siya kasama."

"Hindi ba't magkamag-anak kayo? Bakit mo siya sinisiraan?" Nagtataka man ako. Ganito ba ang mayayaman? Hindi ba talaga sila nakukuntento sa kung anong meron sila?

"I never treat him as my blood. Eos is chaos and he's bound to wreck my life and my sister's. Kaya nga ginagawa ko ang lahat para hindi niya masaktan si Hyan at ang pamilya ko. Hindi ko lang talaga kayang makita na nasa kanya ka dahil kahit na noong umalis ako ng isla, nakatatak na sa utak ko na akin ka at walang pwedeng ibang magmay-ari sa'yo."

Kinilabutan ako sa mga sinabi niya. Hinawakan niya ang kamay ko at inalis ang singsing ni Eos.

"Walang ibang pwedeng suotin ang daliring ito kundi ang singsing na galing sa akin."

Napangiti ako.

"Uuwi ka na sa akin..."

"Ayoko."

"Bakit? Nagpapakipot ka pa ba? May nangyari na sa atin!" Nilakasan niya ang boses niya.

"Hindi. Sinabi ko naman na sa'yo na mahal kita, Hyron. Hindi na kita tatanggihan o itatanggi sa kahit na kanino pero hayaan mo naman ako na maging karapat-dapat para sa'yo."

"Ikaw ang para sa akin."

"Sa'yo, oo, pero sa pamilya mo hindi. I saw the way your sister and your cousin looked at me that day when Hunter took me to your house. Kakaiba kasi ako. Mahirap ako at alam kong iniisip nila na hindi ako bagay sa'yo. At siguro kapag nalaman nila na sa isla mo ako nakilala, iisipin nila na ako ang dahilan kaya hindi ka bumalik kaagad."

"Kailangan nilang malaman na ikaw ang dahilan ng pagbalik ko."

Umiling ako. Sa tingin ko ay hindi dapat na maging ganoon ang katwiran niya. Hindi siya dapat bumalik para sa akin. Hiniling ko lang naman iyon noon sa kanya dahil gusto kong itama niya ang mga mali niya.

"Mali ka diyan, Pangga. Dapat bumalik ka hindi para sa akin, kundi para sa pamilya mo. Hindi naman ako kasali sa nakaraan mo. Isa pa, utang mo iyon sa kanila. Sa nanay mo, sa tatay mo at doon sa kakambal mo na sumalo ng responsibilidad mo."

Hindi siya kumibo. Hawak niya pa rin ang kamay ko. Humilig ako sa kanya, hilig sa balikat na nauwi sa yakap. Noon ko lang naisip kung gaano ako nangulila sa kanya. Pakiramdam ko ay kulang ang oras na ito para makasama lang siya. Mamayang umaga, babalik na siya sa kanila, mami-miss ko siya but I'm also looking forward to his comeback.

Alas sais nang umaga nang magpaalam si Hyron na uuwi na muna. Hinagkan niya ako sa noo at saka nagpaalam kay Lila. Nang kaming dalawa na lang ay saka ako hinarap ng kapatid ko.

"Akala ko ba ayaw mo na?" Tudyo niya. "Galit ka sa kanya dahil tinaggalan niya ng trabaho si Tatay diba?"

"Mahal ko pa rin siya, Lila. Kahit na anong apelyido o pangalang gamitin niya, mamahalin ko si Dante, kahit na Hyron o kung sinuman ang maging pangalan niya."

"Pero paano si Eos?" Tanong niya. "Diba kahapon lang ay magpapakasal na kayo?"

"Hindi na. Mali na nanghingi ako ng tulong sa kanya. Siguro naman ay maiintindihan niya ang sagot ko ngayon."

Huminga ako nang malalim. Napansin kong natigilan ang kapatid ko at nakatingin siya sa gilid ko. I looked back and saw Eos Demitri looking so dignified in his suit. Kasama pa rin niya ang mga body guards niya.