الأصابع الشريفة.. طارق اللبيب

الحــلقة الرابع والعشرون

اولا انا باعتذر عن التاخير في تنزيل الحلقة بس كان عندي ظرف وفاة..
تانيا الشيخ يوم الجمعة ما بينزل حلقة فالحلقتين الجداد نزلوا امبارح
................

ﻫﻨﺪ ﻧﻮﺕ ﻋﻠﻰ ﻣﻮﺿﻮﻉ ﻋﺠﻴﺐ ﺟﺪﺍ .. ﻭﻣﺎ ﻣﺘﻮﻗﻊ .. ﻧﻮﺕ ﺍﻧﻬﺎ ..
ﺗﻤﺸﻲ ﻟﻲ ﺧﺎﻟﺪﺓ ﺗﻘﻮﻝ ﻟﻴﻬﺎ ﺍﻧﺎ ﺧﻠﻴﺖ ﺧﺪﺭ .. ﻭﺗﺤﻨﺴﻬﺎ ﺍﻧﻬﺎ ﺗﻘﺒﻞ ﺑﻴﻬﻮ ..
ﻭﺧﻼﺹ ﻧﻮﺕ ﺍﻟﻨﻴﺔ ﺍﻟﻄﻴﺒﺔ .. ﻭﺑﺪﺕ ﺗﻐﻴﺮ ﻓﻲ ﺍﻓﻜﺎﺭﻫﺎ ﺍﻟﺴﻮﺩﺍﺀ ..
ﻓﻲ ﻟﺤﻈﺔ ﻛﺪﺍ ﻫﻨﺪ ﺳﻤﻌﺖ ﻃﻖ ﻛﻮﺍﺭﻳﻚ ﻓﻲ ﺍﻟﺤﻠﺔ .. ﻗﺎﻟﻮ ﻓﻲ ﺷﺎﻓﻊ ﻏﺮﻕ ..
ﻭﺍﻟﻨﺎﺱ ﺩﻳﻞ ﻛﻠﻬﻢ ﻣﺮﻗﻮ ﻋﻠﻴﻬﻮ .. ﻭﻫﻨﺪ ﻃﻠﻌﺖ ﻣﻊ ﺍﻟﻨﺎﺱ .. ﺍﻟﻮﻟﺪ ﻛﺎﻥ ﻭﻟﺪ
ﺻﺎﺣﺒﺘﻬﺎ ﻋﻤﺮﻭ 13 ﺳﻨﺔ .. ﻭﺍﺛﺮ ﻓﻲ ﺍﻟﻨﺎﺱ ﺗﺎﺛﻴﺮ ﺷﺪﻳﺪ ﺧﻼﺹ .. ﺗﻼﺕ ﻳﻮﻡ
ﺍﻟﻨﺎﺱ ﺩﻳﻞ ﻛﺎﻳﺴﻴﻦ ﻟﻠﻮﻟﺪ .. ﻭﻫﻨﺪ ﻛﺎﻧﺖ ﻗﺎﻋﺪﺓ ﻓﻲ ﺑﻴﺖ ﻧﺎﺱ ﺍﻟﻌﺰﺍﺀ ﻟﻐﺎﻳﺔ ﻣﺎ
ﺍﺗﻠﻘﻰ ﺍﻟﻮﻟﺪ .. ﻗﺎﻟﻮ ﻗﺒﻀﻮﻫﻮ ﻗﺮﻳﺐ ﺍﻟﺒﺴﺎﺑﻴﺮ ..
ﻫﻨﺪ ﺭﺟﻌﺖ ﺍﻟﺒﻴﺖ ﺗﺎﻟﺖ ﻳﻮﻡ .. ﺍﻭﻝ ﻣﺎ ﻭﺻﻠﺖ ﺍﻟﺒﻴﺖ ﺟﺎﻫﺎ ﺗﻠﻔﻮﻥ ..
ﺍﻟﻮ ﻗﺎﻟﺖ ﻟﻴﻬﻮ ﻣﺮﺣﺒﺎ ﻣﻌﺎﻱ ﻣﻨﻮ؟ ﻗﺎﻝ ﻟﻴﻬﺎ ﺍﻧﺎ ﻣﻌﺘﺰ ﻳﺎﻫﻨﺪ .. ﺍﻧﺎ ﻣﻌﺘﺰ ..
ﻗﺎﻟﺖ ﻟﻴﻬﻮ ﻣﻌﺘﺰ؟؟ ﺍﻧﺖ ﻣﺘﺎﻛﺪ ﺍﻧﺖ ﻣﺘﻌﺘﺰ؟؟؟؟؟
ﺍﻧﺖ ﻭﻳﻦ ﻳﺎﻣﻌﺘﺰ؟؟ ﻗﺎﻝ ﻟﻴﻬﺎ ﺍﻧﺎ ﺟﻴﺖ ﺍﻟﺴﻮﺩﺍﻥ ..
ﻭﺳﻠﻤﺖ ﻧﻔﺴﻲ .. ﻻﻧﻮ ﺍﻋﻤﺎﻣﻲ ﺭﺳﻠﻮ ﻟﻲ ﻗﺎﻟﻮ ﻟﻲ ﺗﻌﺎﻝ ﻋﺎﻳﺰﻳﻦ ﻧﻌﻤﻞ
ﺗﺴﻮﻳﺔ .. ﻣﻊ ﺍﻟﻨﺎﺱ ﺍﻟﻄﺎﻟﺒﻴﻦ ﻣﻨﻚ ﻗﺮﻭﺵ .. ﻳﺎﻫﻨﺪ ﻭﺍﻟﻠﻪ ﺍﻧﺎ ﻣﻈﻠﻮﻡ .. ﺍﻟﻨﺎﺱ
ﺍﻟﻜﺎﻧﻮ ﺷﻐﺎﻟﻴﻦ ﻣﻌﺎﻱ ﻫﻢ ﺍﻟﻐﺪﺭﻭ ﺑﻲ .. ﻭﻛﺘﺒﻮ ﺍﻟﻤﺴﺘﻨﺪﺍﺕ ﺑﻲ ﺍﺳﻤﻲ .. ﺍﻧﺎ
ﻣﺤﺘﺎﺝ ﻟﻴﻚ ﺗﻘﻴﻔﻲ ﻣﻌﺎﻱ ﺣﺒﻴﺒﺘﻲ ..
ﻭﻣﻌﺘﺰ ﺍﻟﻤﺴﻜﻴﻦ ﻣﺎﻋﺎﺭﻑ ﺍﻧﻬﺎ ﻃﻠﻘﺘﻮ ﺑﺎﻟﻤﺤﻜﻤﺔ ..
ﻗﺎﻟﺖ ﻟﻴﻬﻮ ﻃﻴﺐ ﺍﻧﺖ ﻟﻴﻪ ﻣﺎﺑﺘﺘﺼﻞ ﻋﻠﻲ؟؟ .. ﻭﻟﻤﻦ ﺗﺘﻜﻠﻢ ﻣﻌﺎﻱ ﻛﻠﻤﺘﻴﻦ ﺗﻘﻔﻞ
ﻣﻨﻲ ﺍﻟﺨﻂ .. ﻟﻴﻪ ﻟﻴﻪ ؟؟؟ .. ﻗﺎﻝ ﻟﻴﻬﺎ ﻻﻧﻲ ﻣﺮﺍﻗﺐ ﻣﻦ ﺍﻟﺒﻮﻟﻴﺲ ﺍﻟﺪﻭﻟﻲ ﻳﺎﻫﻨﺪ
.. ﻣﺎ ﺑﻘﺪﺭ ﺍﺗﻜﻠﻢ ﺑﻲ ﺭﺍﺣﺘﻲ .. ﺍﻧﺎ ﺍﻣﻲ ﻣﺎﺑﻘﺪﺭ ﺍﺗﻜﻠﻢ ﻣﻌﺎﻫﺎ .. ﺍﻧﺎ ﻛﻞ ﻳﻮﻡ
ﺑﺘﻌﺬﺏ ﺑﻲ ﺷﻮﻗﻚ ﻭﻓﺮﺍﻗﻚ .. ﻭﺣﺎﺳﻲ ﺑﻴﻚ ﻭﺑﻲ ﻣﻌﺎﻧﺎﺗﻚ ﺑﻲ ﻭﺭﺍﻱ .. ﻳﺎﺭﻳﺖ
ﺗﻌﻔﻲ ﻟﻲ ﻭﺍﻥ ﺷﺎﺀ ﺍﻟﻠﻪ ﺍﻣﻮﺭﻱ ﺗﺘﺤﻼ ﻭﺍﻋﻮﺿﻚ ﻋﻦ ﻛﻞ ﻟﺤﻈﺔ ﺭﺍﺣﺖ ﻣﻨﺎ ﻓﻲ
ﺍﻟﺴﻨﻮﺍﺕ ﺩﻱ ..
ﻃﺒﻌﺎ" ﻫﻨﺪﻭﻳﺔ ﻣﺒﻬﻮﺗﺔ ﺑﻬﺘﺎﻥ ﻏﺮﻳﺐ .. ﻓﺮﺣﺖ ﻭﺧﺎﻓﺖ ﻭﺍﺭﺗﺒﻜﺖ .. ﻭﻣﺎﻛﺎﻧﺖ
ﻣﺘﻮﻗﻌﺔ ﺍﺑﺪﺍ" ﺍﻧﻬﺎ ﺗﺴﻤﻊ ﺑﻲ ﺻﻮﺗﻮ ﻗﺮﻳﺐ ﻻﻧﻮ ﻗﺎﻟﻮ ﻣﻄﺎﻟﺐ 3 ﻣﻴﺎﺭ ..
ﻭﻣﺴﺘﺤﻴﻞ ﻳﻘﺪﺭ ﻳﺴﺪﺩﻫﺎ ..
ﻃﺒﻌﺎ ﻓﺮﺣﺖ ﺍﻧﻬﺎ ﺍﺧﻴﺮﺍ ﺡ ﺗﻠﻘﺎ ﻟﻴﻬﺎ ﺭﺍﺟﻞ ﺗﺘﻠﻢ ﻋﻠﻴﻬﻮ .. ﻭﺧﺎﻓﺖ ﻻﻧﻮ ﻣﻌﺘﺰ
ﻣﺎﻋﺎﺭﻑ ﺍﻧﻬﺎ ﺍﻃﻠﻘﺖ ﻣﻨﻮ .. ﻭﺍﺭﺗﺒﻜﺖ ﻭﺍﻣﻮﺭﻫﺎ ﺍﺗﻠﺨﺒﻄﺖ ﻓﻮﻕ ﺗﺤﺖ .. ﻟﻜﻦ ﻓﻲ
ﺍﻟﻨﻬﺎﻳﺔ ﺍﺳﺘﻘﺮﺕ ﺍﻧﻬﺎ ﺗﻘﻴﻒ ﻣﻌﺎﻫﻮ ﺳﻮﺍﺀ .. ﺭﺟﻊ ﻟﻴﻬﺎ ﻭﻻﻻ ..
ﻗﺎﻟﺖ ﻟﻴﻬﻮ ﻫﺴﻲ ﺍﻧﺖ ﻭﻳﻦ؟ .. ﻗﺎﻝ ﻟﻴﻬﺎ ﺍﻧﺎ ﻓﻲ ﺳﺠﻦ ﺍﻡ ﺩﺭﻣﺎﻥ .. ﻟﻲ ﻳﻮﻣﻴﻦ ..
ﻗﺎﻟﺖ ﻟﻴﻬﻮ ﺍﻧﺎ ﺑﻜﺮﺓ ﺍﻟﺼﺒﺎﺡ ﺑﺠﻴﻚ .. ﻭﻓﻌﻼ ﺍﻟﺼﺒﺎﺡ ﻣﺸﺖ ﻟﻴﻬﻮ .. ﻭﺑﺎﻋﺘﺒﺎﺭ ﺍﻧﻬﺎ
ﺯﻭﺟﺘﻪ ﺩﺧﻠﻮﻫﺎ ﻟﻴﻬﻮ ﻓﻲ ﻏﺮﻓﺔ ﺑﺮﺍﻫﻮ .. ﻭﻟﻘﺘﻮ ﻟﻴﻚ ﺷﻜﻠﻮ ﺫﺍﺗﻮ ﺍﺗﻐﻴﺮ ﻣﻦ
ﺍﻟﻄﺸﻴﺶ ﻭﺍﻟﻤﻄﺎﺭﺩﻩ .. ﺳﻠﻢ ﻋﻠﻴﻬﺎ ﺑﺎﻻﺣﻀﺎﻥ .. ﻭﻫﻲ ﻃﺒﻌﺎ" ﺟﺴﻤﻬﺎ ﻛﺎﺷﻲ ..
ﻻﻧﻬﺎ ﻋﺎﺭﻓﺔ ﺭﻭﺣﻬﺎ ﻣﻄﻠﻘﺔ .. ﻭﻣﺎﻋﺎﻳﺰﺓ ﺗﻘﻮﻝ ﻟﻴﻬﻮ ﻫﺴﻲ .. ﻭﻫﻮ ﻳﺴﻠﻢ
ﻭﻣﺎﺳﻚ ﻳﺪﻳﻬﺎ ﺍﻻﺗﻨﻴﻦ ﻭﺑﻘﻮﻝ ﻟﻴﻬﺎ ﻋﻠﻴﻚ ﺍﻟﻠﻪ ﺗﻌﻔﻲ ﻟﻲ ..
ﻗﺎﻟﺖ ﻟﻴﻬﻮ ﺍﻧﺖ ﺫﺍﺗﻚ ﺍﻋﻔﻲ ﻟﻲ .. ﻗﺎﻝ ﻟﻴﻬﺎ ﺍﻋﻔﻲ ﻟﻴﻚ ﻓﻲ ﺷﻨﻮ؟
ﻗﺎﻟﺖ ﻟﻴﻬﻮ ﺍﻣﻲ ﻭﺧﺎﻻﺗﻲ ﺿﻐﻄﻮﻧﻲ ﻳﺎﻣﻌﺘﺰ .. ﺍﻃﻠﺐ ﺍﻟﻄﻼﻕ ﺑﺎﻟﻤﺤﻜﻤﺔ ﻭﻗﺎﻟﻮ
ﻟﻲ ﺗﺎﻧﻲ ﻣﻌﺘﺰ ﻣﺎﺑﺠﻲ .. ﻭﺍﻧﺖ ﻭﻛﺖ ﺍﺑﺖ ﺗﺘﺼﻞ ﻋﻠﻲ ﻭﺗﻔﻬﻤﻨﻲ ﺣﺎﺟﺔ
ﻃﺎﻭﻋﺘﻬﻢ ﻭﺍﻃﻠﻘﺖ ﺑﺎﻟﻤﺤﻜﻤﺔ .. ﻟﻜﻦ ﻳﺎﻣﻌﺰ ﻣﺎﻓﻲ ﺍﻱ ﻣﺸﻜﻠﺔ ﻣﺎﺩﺍﻡ ﺟﻴﺖ .. ﺍﻧﺎ
ﻣﺎﻋﻨﺪﻱ ﻏﻴﺮﻙ ﺍﻟﻤﻮﺿﻮﻉ ﻣﺎ ﻣﻬﻢ ﺷﺪﻳﺪ ﺍﻟﻤﻬﻢ ﺍﻧﺖ ﺗﻄﻠﻊ ﻣﻦ ﺍﻻﻧﺖ ﻓﻴﻬﻮ ﻭﺍﻧﺎ
ﺯﻱ ﻣﺎ ﺍﻧﺘﻈﺮﺗﻚ .. ﻭ ﺭﻓﻀﺖ ﺍﻱ ﺯﻭﻝ ﺍﺗﻘﺪﻡ ﻟﻲ ..
ﺍﻫﻮ ﺭﺑﻨﺎ ﺭﺣﻤﻨﻲ ﻭﺟﺎﺑﻚ ﻟﻲ ﺭﺍﺟﻊ .. ﻟﻜﻦ ﺑﺎﻟﺠﺪ ﻧﺪﻣﺎﻧﺔ ﻋﻠﻰ ﺍﻟﺘﺼﺮﻑ ﺩﻩ
ﻳﺎﺭﻳﺖ ﺗﺴﺎﻣﺤﻨﻲ ..
ﻗﺎﻝ ﻟﻴﻬﺎ ﻣﺴﺎﻣﺤﻚ ﺣﺒﻴﺒﺘﻲ ﺍﻧﺘﻲ ﺍﺻﻼ ﻣﻌﺬﻭﺭﺓ ﺩﻩ ﻗﺪﺭﻧﺎ ﻛﺪﺍ .. ﻭﺍﻧﺎ ﻓﻌﻼ ﻛﻨﺖ
ﺷﻐﺎﻝ ﺑﻮﻥ ﺗﺤﺴﺐ .. ﻭﻛﻞ ﺷﻲ ﻳﺮﺟﻊ ﻣﺎﺗﻨﺪﻣﻲ ﺍﻧﺎ ﺟﻴﺘﻚ ..
ﺑﺲ ﺍﻟﺤﻤﺪ ﻟﻠﻪ ﺍﻋﻤﺎﻣﻲ ﺍﺗﻜﻠﻤﻮ ﻣﻊ ﺍﻟﺴﻌﻮﺩﻱ .. ﻭﺍﺗﻨﺎﺯﻝ ﻟﻴﻬﻢ ﻣﻦ ﺗﻠﺘﻲ ﺍﻟﻤﺒﻠﻎ
ﺍﻟﻤﻄﻠﻮﺏ .. ﻭﺍﻋﻤﺎﻣﻲ ﺩﻓﻌﻮﻟﻴﻬﻮ .. ﻭﻫﺴﻲ ﺍﻋﻤﺎﻣﻲ ﺷﻐﺎﻟﻴﻦ ﺟﻠﺴﺎﺕ ﻣﻊ
ﺍﻟﻨﺎﺱ ﻭﺑﺴﺪﺩﻭ ﻟﻴﻬﻢ ﻓﻲ ﺍﻟﺪﻳﻮﻥ .. ﻭﺍﺳﺎﺳﺎ ﻣﺎﻓﻀﻞ ﻛﺘﻴﺮ ..
ﺑﺲ ﻓﻲ ﻭﺍﺣﺪ ﻋﺎﻳﺰ ﻣﻨﻨﺎ 120 ﻣﻠﻴﻮﻥ ﺣﺎﻟﻒ ﻣﺎﻳﻨﻘﺺ ﺗﻌﺮﻳﻔﺔ ..
ﻟﻜﻦ ﺻﺮﺍﺣﺔ ﺑﻘﻴﺔ ﺍﻟﻨﺎﺱ ﺍﺗﻌﺎﻣﻠﻮﺍﻟﻨﺎﺱ ﺍﺗﻌﺎﻣﻠﻮ ﻣﻌﺎﻧﺎ ﻛﻮﻳﺲ .. ﺍﻟﺤﻤﺪ ﻟﻠﻪ ﻳﺎ
ﻫﻨﺪ ﺍﻥ ﺷﺎﺀ ﺍﻟﻠﻪ ﻫﺎﻧﺖ ﻭﺡ ﻧﺒﺪﺍ ﺣﻴﺎﺗﻨﺎ ﺑﺎﻟﺼﺪﻕ .. ﻭﻋﻤﻲ ﻃﺒﻌﺎ" ﻣﻮﺭﺩ ﺣﺪﻳﺪ ..
ﻭﻗﺎﻝ ﺡ ﻳﻤﺴﻜﻨﻲ ﺍﻟﺸﻐﻞ ﻳﻌﻨﻲ ﺍﻥ ﺷﺎﺀ ﺍﻟﻠﻪ ﺍﻣﻮﺭﻧﺎ ﺗﺎﻧﻲ ﺡ ﺗﺘﺴﻬﻞ ﺑﺲ ﺭﺑﻨﺎ
ﻳﻔﻜﻨﺎ ﻣﻦ ﺍﻟﺰﻭﻝ ﺩﻩ .. ﺍﺳﻤﻮ ﺍﻟﻔﺎﺗﺢ ﻫﺎﺭﻭﻥ .. ﻭﺯﻭﻝ ﻣﻌﺼﻠﺞ ﻋﺼﻠﺠﺔ ﺷﺪﻳﺪﺓ
ﺧﻼﺹ ﻗﺎﻝ ﻣﻌﺘﺰ ﻛﺎﻥ ﻋﻔﻦ ﻓﻲ ﺍﻟﺴﺠﻦ ﻣﺎ ﺑﻨﻘﺺ ﻟﻴﻬﻮ ﺟﻨﻴﻪ ..
ﺍﻟﻤﻬﻢ ﺍﻃﻤﺄﻧﺖ ﻋﻠﻴﻬﻮ ﻭﺭﺟﻌﺖ ﺍﻟﺒﻴﺖ ﻭﺍﺑﺖ ﺗﻜﻠﻢ ﺍﻣﻬﺎ ﺑﺎﻟﻤﻮﺿﻮﻉ ﻻﻧﻬﺎ ﺧﺎﻳﻔﺔ
ﺗﺪﻕ ﻟﻴﻬﺎ ﺟﺮﺱ ﻭﺗﻘﻴﻒ ﻓﻲ ﻃﺮﻳﻘﻬﺎ ﺗﺎﻧﻲ ..
ﻗﺎﻟﺖ ﻣﺎﻓﻲ ﺯﻭﻝ ﺑﺪﻳﻨﻲ ﺍﻟﺮﺍﻱ ﺍﻟﺴﺪﻳﺪ ﺍﻻ ﺧﺎﻟﺪﺓ ﺍﻧﺎ ﺍﻣﺸﻲ ﻟﻴﻬﺎ ﻭﻣﺮﺓ ﻭﺍﺣﺪﺓ
ﺍﺛﺒﺖ ﻟﻲ ﺳﻼﻣﺔ ﺍﻟﻨﻴﺔ ﻭﺍﻗﻮﻝ ﻟﻴﻬﺎ ﺧﻠﻴﺖ ﻟﻴﻚ ﺧﺪﺭ ﺍﻥ ﺷﺎﺀ ﺍﻟﻠﻪ ﺑﺨﻴﺖ ﻭﺳﻌﻴﺪ
ﻋﻠﻴﻚ .. ﻫﻬﻬﻪ
ﺧﺎﻟﺪﺓ ﻃﺒﻌﺎ ﺍﺳﺘﺨﺎﺭﺕ ﻗﺒﻞ 4 ﻳﻮﻡ ﻭﻣﺎ ﺍﺗﻮﺻﻠﺖ ﻻﻱ ﻗﺮﺍﺭ ﻭﺑﻘﺖ ﺳﺎﻛﺘﺔ .... ﺍﻫﺎ
ﺑﺎﻛﺮ ﺍﻟﺼﺒﺎﺡ ﻛﺪﺍ .. ﺧﺎﻟﺪﺓ ﺑﺎﺑﻬﺎ ﺩﻗﻪ .. ﺍﻟﻜﻼﻡ ﺩﻩ ﺑﻌﺪﻗﺒﻞ ﺍﻟﻔﻄﻮﺭ ﺗﺎﻧﻲ ﻳﻮﻡ ﻣﻦ
ﺯﻳﺎﺭﺓ ﻫﻨﺪ ﻟﻲ ﻣﻌﺘﺰ .. ﻣﺸﺖ ﺧﺎﻟﺪﺓ ﻓﺘﺤﺖ ﺍﻟﺒﺎﺏ ﻟﻘﺘﻬﺎ ﺩﻱ ﻫﻨﺪﻭﻳﺔ ..
ﺳﻠﻤﺖ ﻋﻠﻴﻬﺎ ﻭﻗﻌﺪﺕ .. ﻗﺎﻟﺖ ﻟﻴﻬﺎ ﻳﺎﺧﺎﻟﺪﺓ ﺍﻧﺎ ﻋﺎﺭﻓﺔ ﺍﻧﻚ ﻛﺎﺭﻫﺎﻧﻲ ﻭﻣﺘﻀﺎﻳﻘﺔ
ﻣﻨﻲ .. ﻟﻜﻦ ﺍﻧﺎ ﺟﻴﺘﻚ ﻓﻲ ﻣﻮﺿﻮﻉ ﺿﺮﻭﺭﻱ ﺷﺪﻳﺪ .. ﻗﺎﻟﺖ ﻟﻴﻬﺎ ﻗﻮﻟﻲ .. ﻗﺎﻟﺖ
ﻟﻴﻬﺎ ﺍﻧﺎ ﺍﻭﻝ ﺣﺎﺟﺔ ﻋﺎﻳﺰﺓ ﺍﻛﻮﻥ ﺍﺧﺘﻚ ..
ﻭﺻﺪﻳﻘﺘﻚ .. ﻭﺑﻌﺘﺬﺭ ﻟﻴﻚ ﻋﻦ ﻛﻞ ﺍﺧﻄﺎﺋﻲ .. ﺧﺎﻟﺪﺓ ﻗﺎﻟﺖ ﻟﻴﻬﺎ ﺍﻟﻌﻔﻮ ﻳﺎ ﻫﻨﺪ ..
ﻭﺍﻟﻠﻪ ﻣﺎﺷﺎﻳﻠﺔ ﻓﻲ ﻗﻠﺒﻲ ﻟﻴﻚ ﺍﻻ ﺍﻟﺨﻴﺮ ..
ﻫﻨﺪ ﻗﺎﻟﺖ ﻟﻴﻬﺎ ﻭﻃﺎﻟﺒﺔ ﻣﻨﻚ ﻃﻠﺐ ﺗﺎﻧﻲ ﻭﺑﺎﻧﻴﺔ ﻛﻞ ﺍﻣﺎﻟﻲ ﺗﻠﺒﻴﻬﻮ ﻟﻲ .. ﻟﻮ ﺧﺪﺭ
ﺍﺗﻘﺪﻡ ﻟﻴﻚ ﻣﺎﺗﺮﻓﻀﻴﻬﻮ ﻋﺸﺎﻧﻲ ﺍﻧﺎ .. ﻻﻧﻲ ﺍﻧﺎ ﺧﻼﺹ ﺭﺍﺟﻠﻲ ﺟﺎ ﻭﺡ ﻳﺎﺧﺎﻟﺪﺓ ..
ﻣﻌﺘﺰ ﺟﺎ ﻳﺎ ﺧﺎﻟﺪﺓ ﺍﺣﻤﺪ ﺍﻟﻠﻪ .. ﺍﺭﺟﻊ ﻟﻴﻬﻮ .. ﻭﺧﺪﺭ ﺍﻧﺎ ﺗﺎﻧﻲ ﻟﻮ ﺑﻘﻰ ﺍﺧﺮ ﺭﺍﺟﻞ
ﻓﻲ ﺍﻟﺪﻧﻴﺎ ﻣﺎﻋﺎﻳﺰﺍﻫﻮ .. ﻭﻟﻮ ﺑﻘﻰ ﻋﺎﻳﺰ ﻳﻤﻮﺕ ﺩﻭﺍﻫﻮ ﻓﻲ ﻫﻨﺪ ﺗﺎﻧﻲ ﻣﺎﻓﻲ ﻟﻴﻬﻮ
..
ﺧﺎﻟﺪﺓ ﻗﻌﺪﺕ ﺗﻀﺤﻚ ﻗﺎﻟﺖ ﻟﻴﻬﺎ .. ﻭﻗﺎﻟﺖ ﻟﻴﻬﺎ ﺩﻗﻴﻘﺔ ﻳﺎ ﻫﻨﺪ ..
ﻣﺎ ﺗﺰﺣﻤﻴﻨﻲ ﺑﺎﻟﻜﻼﻡ .. ﺍﻧﺘﻲ ﺑﺮﺿﻮ ﺑﺘﻐﺸﻲ ﻋﻠﻲ ﺍﻧﻮ ﺭﺍﺟﻠﻚ ﺟﺎ ..ﻋﺸﺎﻥ ﻗﻨﻌﺘﻲ
ﻣﻦ ﺧﺪﺭ ﺻﺢ؟؟
ﻗﺎﻟﺖ ﻟﻴﻬﺎ ﺍﺑﺪﺍ ﻭﺍﻟﻠﻪ ﻣﻌﺘﺰ ﺟﺎ .. ﻭﺍﻧﺎ ﻣﺸﻴﺖ ﻟﻴﻬﻮ ﺍﻣﺒﺎﺭﺡ ﻓﻲ ﺍﻟﺴﺠﻦ .. ﻭﺑﺎﻗﻲ
ﻋﻠﻴﻬﻮ ﻗﺮﻭﺵ ﺑﺴﻴﻄﺔ ﻭﺣﺎﺻﻞ ﺣﺎﺻﻞ ..
ﺧﺎﻟﺪﺓ ﺻﺪﻗﺘﻬﺎ ﻃﺒﻌﺎ ﻭﻗﺎﻟﺖ ﻟﻴﻬﺎ ﺍﻭﻝ ﺣﺎﺟﺔ ﺣﻤﺪﻟﻠﻪ ﻋﻠﻰ ﺳﻼﻣﺘﻮ ﻳﺎﻫﻨﺪ ﺍﻥ
ﺷﺎﺀ ﺍﻟﻠﻪ ﺭﺑﻨﺎ ﻳﻔﻚ ﻛﺮﺑﺘﻮ .. ﻣﻮﺿﻮﻉ ﺧﺪﺭ ﻫﺴﻲ ﺧﻠﻴﻬﻮ ..
ﻗﺎﻟﺖ ﻟﻴﻬﺎ ﺍﻧﺎ ﺍﺳﺎﺳﺎ" ﺟﻴﺘﻚ ﻋﺸﺎﻥ ﺍﻟﻤﻮﺿﻮﻉ ﺩﻩ .. ﺍﻭﻻ ﺩﺍﻳﺮﺓ ﺍﺑﺸﺮﻙ ﺑﻲ ﺟﻴﺔ
ﻣﻌﺘﺰ ..
ﻭﺟﺎﻳﺎﻙ ﺗﻮﻋﺪﻳﻨﻲ ﺍﻧﻚ ﺗﻘﺒﻠﻲ ﺑﻲ ﺧﺪﺭ .. ﻻﻧﻮ ﺍﻧﺎ ﺧﺪﺭ ﺍﺗﺼﻞ ﻋﻠﻲ ﻭﻗﺎﻝ ﻟﻲ ﺍﻧﻮ
ﻳﺎ ﺍﻣﺎ ﻳﺘﺰﻭﺟﻚ ﺍﻧﺘﻲ ﻳﺎ ﺍﻧﻮ ﺡ ﻳﻘﻌﺪ ﻋﺰﺍﺑﻲ ﻟﻲ ﻳﻮﻡ ﺍﻟﺪﻳﻦ .. ﻭﺍﻧﺎ ﻋﺎﻫﺪﺕ ﻧﻔﺴﻲ
ﺍﻧﻲ ﺡ ﺍﻗﻴﻒ ﻣﻌﺎﻫﻮ ﻋﺸﺎﻥ ﻛﺪﺍ .. ﻭﻣﻦ ﻧﻮﻳﺖ ﺍﻟﻨﻴﺔ ﺍﻟﻄﻴﺒﺔ ﺟﺎﺗﻨﻲ ﺍﻟﺒﺸﺎﺭﺓ ﺑﻲ
ﻣﻌﺘﺰ .. ﻣﺎﻋﺎﻳﺰﺍﻙ ﺗﺨﺬﻟﻴﻨﻲ .. ﻫﻬﻬﻬﻪ ﺍﻫﺎ ﺷﻔﺘﻲ ﺍﻟﻌﻜﺲ ﺩﻩ ﻛﻴﻒ ﻳﺎﺧﺎﻟﺪﺓ ..
ﻭﺍﻟﺪﻧﻴﺎ ﺩﻱ ﻛﻴﻒ ﻏﺮﻳﺒﺔ؟؟
ﺍﻭﻝ ﺭﺳﻠﺘﻚ ﻟﻴﻬﻮ ﺗﻘﻨﻌﻴﻬﻮ ﻟﻲ .. ﻫﺴﻲ ﺍﻧﺎ ﺟﺎﻳﺔ ﺍﻗﻨﻌﻚ ﺍﻧﺘﻲ ﻟﻴﻬﻮ ﻫﻮ .. ﻗﺎﻟﺖ
ﻟﻴﻬﺎ ﺍﻧﺎ ﺍﺳﺎﺳﺎ ﻳﺎ ﻫﻨﺪ ﺧﺪﺭ ﻣﺎ ﺭﺍﻓﻀﺎﻫﻮ ﺧﺼﻮﺻﺎ ﺍﻧﻮ ﺍﻭﻻﺩﻱ ﻣﺘﻌﻠﻘﻴﻦ ﺑﻴﻬﻮ
ﻭﺧﺎﻟﺪ ﻭﻟﺪﻱ ﺭﻭﺣﻮ ﻣﻌﻠﻘﺔ ﻓﻲ ﺧﺪﺭ .. ﻫﻨﺪ ﻗﺎﻟﺖ ﻟﻴﻬﺎ ﻭﺍﻧﺘﻲ ﺫﺍﺗﻚ ﺑﻘﺖ ﺭﻭﺣﻚ
ﻣﻌﻠﻘﺔ ﻓﻴﻬﻮ ﺍﻋﺘﺮﻓﻲ ..
ﻗﺎﻟﺖ ﻟﻴﻬﺎ ﺍﻟﻨﺼﻴﺤﺔ ﻟﻠﻪ ﺻﺎﺡ ﻭﺍﻟﻠﻪ .. ﻗﺎﻟﺖ ﻟﻴﻬﺎ ﺧﻼﺹ ﺑﺲ ﻓﻲ ﺣﺎﺟﺘﻴﻦ
ﺣﺒﻴﺒﺘﻲ .. ﺍﻧﺎﻋﺎﻳﺰﺍﻙ ﺗﻜﻠﻤﻲ ﺧﺪﺭ ﻳﺴﺎﻋﺪﻧﺎ .. ﻭﻳﺴﺎﻋﺪ ﻣﻌﺘﺰ .. ﻫﻮ ﺯﻭﻝ ﻣﺎﺷﺎﺀ
ﺍﻟﻠﻪ ﺷﻐﻠﻮ ﻭﺍﺳﻊ .. ﺑﺲ ﺍﻥ ﺷﺎﺀ ﺍﻟﻠﻪ ﻳﺴﺎﻫﻢ ﻣﻌﺎﻧﺎ ﻋﺸﺎﻥ ﺧﺪﺭ ﻳﻄﻠﻊ ﻣﻦ
ﺍﻟﺰﻧﻘﺔ ﺩﻱ ..
ﻗﺎﻟﺖ ﻟﻴﻬﺎ ﺍﻟﺤﻘﻴﻘﺔ ﻳﺎ ﻫﻨﺪ ﺍﻧﺎ ﻣﺎﺑﻘﺪﺭ ﺍﻗﻮﻝ ﻟﻴﻬﻮ .. ﻛﺪﺍ ﻟﻜﻦ ﺑﻮﻋﺪﻙ ﺍﺗﺼﺮﻑ ..
ﻫﻨﺪ ﻗﺎﻟﺖ ﻟﻴﻬﺎ ﻃﻴﺐ ﻳﺎﺧﺎﻟﺪﺓ ﺍﻧﺎ ﻟﺴﻊ ﻣﺎﻛﻠﻤﺖ ﺍﻣﻲ .. ﻭﺧﺎﻳﻔﺔ ﺍﻛﻠﻤﻬﺎ ﺗﻘﻴﻒ ﻓﻲ
ﻃﺮﻳﻘﻲ .. ﻭﺍﻧﺎ ﻭﺍﻟﻠﻪ ﻋﺎﻳﺰﺓ ﻣﻌﺘﺰ ﺑﺎﻱ ﻃﺮﻳﻘﺔ ﺩﻩ ﺭﺍﺟﻞ ﻋﺮﻓﺘﻮ ﻭﻋﺸﺖ ﻣﻌﺎﻫﻮ
ﺍﺭﺑﻌﺔ ﺷﻬﻮﺭ ..
ﺍﻫﺎ ﺍﻧﺘﻲ ﺭﺍﻳﻚ ﺷﻨﻮ؟ ﺍﻛﻠﻤﻬﺎ ﻭﻻ ﺍﺻﺒﺮ؟ .. ﺧﺎﻟﺪﺓ ﻗﺎﻟﺖ ﻟﻴﻬﺎ ﺍﺻﺒﺮﻱ .. ﻟﻐﺎﻳﺔ ﻣﺎ
ﻣﺸﻜﻠﺘﻮ ﺗﺘﺤﻼ ﻭﻳﺠﻲ ﺑﺮﺍﻫﻮ ﻓﻲ ﺍﻟﺒﻴﺖ ..
ﻃﺒﻌﺎ ﻫﻨﺎﻙ ﺧﺪﺭ ﻣﺸﻰ ﻟﻲ ﻧﺎﺱ ﻧﺴﺮﻳﻦ .. ﻭﺣﻜﺎ ﻟﻴﻬﻢ ﻛﻞ ﺍﻟﺤﺎﺻﻞ ﺑﻴﻨﻮ ﻭﺑﻴﻦ
ﺧﺎﻟﺪﺓ .. ﻭﺍﻧﻮ ﺧﺎﻟﺪﺓ ﺭﺍﻓﻀﺔ ﺭﻓﺾ ﺷﺪﻳﺪ .. ﻭﺍﻟﺴﺒﺐ ﻫﻨﺪﻭﻳﺔ ..
ﻭﻧﺴﺮﻳﻦ ﻛﺎﻧﺖ ﻛﺎﻳﺴﺔ ﻟﻲ ﻭﻗﺖ .. ﺗﺮﻛﺐ ﺗﺠﻲ ﻟﻲ ﻟﻲ ﺧﺎﻟﺪﺓ ﺗﺘﻜﻠﻢ ﻣﻌﺎﻫﺎ ..
ﻛﻮﻳﺲ ..
ﻗﺒﻞ ﺯﻭﺍﺝ ﻟﺒﻨﻰ ﺑﻲ ﺗﻼﺗﺔ ﺍﻳﺎﻡ .. ﻧﺴﺮﻳﻦ ﺭﻛﺒﺖ ﻭﺟﺎﺕ ﻟﻲ ﺧﺎﻟﺪﺓ ﻓﻲ ﺍﻟﺒﻴﺖ ..
ﻭﻋﺎﻳﺰﺓ ﺗﺒﺬﻝ ﻣﺠﻬﻮﺩ ﺗﻘﻨﻌﻬﺎ ﺑﺎﻱ ﺍﺳﻠﻮﺏ ..
ﺍﻫﺎ ﻟﻤﻦ ﺟﺎﺕ ﺧﺎﻟﺪﺓ ﻓﺎﺟﺄﺗﻬﺎ ﺑﺎﻟﺘﻄﻮﺭﺍﺕ ﺍﻟﺤﺼﻠﺖ .. ﻭﻃﻠﻴﻖ ﻫﻨﺪﻭﻳﺔ ﺍﻟﺠﺎ
ﺍﻟﺴﻮﺩﺍﻥ .. ﻭﻫﺴﻲ ﻣﻮﺟﻮﺩ ﻓﻲ ﺍﻟﺴﺠﻦ ﻭﻛﺪﺍ .. ﻭﻗﺎﻟﺖ ﻟﻴﻬﺎ ﻋﻠﻰ ﻛﻞ ﺍﻧﺎ ﺧﻼﺹ
ﺍﻗﺘﻨﻌﺖ ﺑﻲ ﺧﺪﺭ ﻭﻣﺎﻓﻲ ﻣﺸﻜﻠﺔ .. ﺑﺲ ﺍﻟﻤﻔﺮﻭﺽ ﻧﺤﻦ ﻧﻘﻴﻒ ﻣﻊ ﻫﻨﺪﻭﻳﺔ ..
ﻓﻲ ﻣﺤﻨﺘﻬﺎ ﺩﻱ ﺍﻟﺒﺖ ﺩﻱ ﻣﺴﻜﻴﻨﺔ ﻳﺎ ﻧﺴﺮﻳﻦ ..
ﻧﺴﺮﻳﻦ ﻗﺎﻟﺖ ﻟﻴﻬﺎ ﻳﺎﺷﻴﺨﺔ ﺑﻼ ﻣﺴﻜﻴﻨﺔ ﺑﻼﻏﻢ .. ﻋﻠﻴﻚ ﺍﻟﻠﻪ ﺳﻴﺒﻲ ﺍﻟﻤﺴﻜﻨﺔ
ﻭﺍﻟﻌﺒﺎﻃﺔ ﺍﻻﻧﺘﻲ ﻓﻴﻬﺎ ﺩﻱ .. ﻭﺍﻛﺴﺒﻲ ﺯﻣﻨﻚ ..
ﻗﺎﻟﺖ ﻟﻴﻬﺎ ﺍﻧﺘﻲ ﻣﻮﺵ ﻫﺪﻓﻚ ﺍﻧﻮ ﺍﻧﺎ ﻭﺧﺪﺭ ﻧﺘﻠﻢ .. ﻋﻠﻰ ﻛﺘﺎﺏ ﺍﻟﻠﻪ ﻭﺳﻨﺔ
ﺭﺳﻮﻟﻪ ؟؟ﻭﺍﻧﺎ ﺍﻛﻮﻥ ﺳﻌﻴﺪﺓ ﻭﻣﻄﻤﺌﻨﺔ ؟؟ ﺍﻧﺎ ﻣﺎ ﺑﻄﻤﻦ ﺍﻻ ﺑﻌﺪ ﺍﻃﻤﻦ ﻋﻠﻰ
ﻫﻨﺪ .. ﺍﻧﺎ ﺳﺎﻣﺤﺘﻬﺎ .. ﻭﻧﺴﻴﺖ ﻛﻞ ﺍﻟﺤﺼﻞ ﻣﻨﻬﺎ .. ﻭﻻﺯﻡ ﺍﻛﻮﻥ ﺻﺎﺩﻗﺔ ﻓﻲ
ﻛﻼﻣﻲ ﺍﻧﻲ ﺍﻗﻴﻒ ﻣﻌﺎﻫﺎ .. ﺍﻗﻞ ﺣﺎﺟﺔ ﻣﻤﻜﻦ ﺍﻋﻤﻼ .. ﺍﻧﻲ ﻣﺎ ﺡ ﺍﻋﻤﻞ ﻣﻮﺿﻮﻉ
ﺯﻭﺍﺝ ﻫﺴﻲ .. ﻗﺒﻞ ﻣﺎﻫﻲ ﺗﺮﺟﻊ ﺑﻴﺘﻬﺎ ﻭﺗﺴﺘﻘﺮ ..
ﺑﻲ ﺍﺧﺘﺼﺎﺭ ..
ﻧﺴﺮﻳﻦ ﻣﺸﺖ ﺍﺗﺼﻠﺖ ﺣﻜﺖ ﻟﻲ ﺧﺪﺭ ﺍﻟﺘﻄﻮﺭﺍﺕ ..
ﺧﺪﺭ ﺩﻩ ﻣﻦ ﺍﻟﻔﺮﺣﺔ ﺑﺎﻟﺨﺒﺮ ﺍﺗﺒﺮﻉ ﺑﻲ 3ﻣﻠﻴﻮﻥ ﻟﻠﻌﻤﺎﻝ .. ﻗﺴﻤﻬﺎ ﻟﻴﻬﻢ ..
ﻭﺭﺟﻊ ﻟﻲ ﻧﺴﺮﻳﻦ ﻗﺎﻝ ﻟﻴﻬﺎ ﻣﻮﺿﻮﻉ ﺭﺍﺟﻠﻬﺎ ﺩﻩ ﺳﺎﻫﻞ .. ﺍﻧﺎ ﻟﻮ ﺑﻌﺖ ﻟﻴﻬﻮ
ﺍﻟﻘﺪﺍﻣﻲ ﻭﺍﻟﻮﺭﺍﻱ ﺑﻔﻜﻮ ﻣﻦ ﺍﻟﺤﺒﺲ .. ﻭﻳﺮﺟﻊ ﻟﻴﻬﺎ .. ﻣﻮﺵ ﻋﺸﺎﻧﻬﺎ ﻫﻲ ﻭﻻ
ﻋﺸﺎﻧﻮ ﻫﻮ .. ﺑﺲ ﻋﺸﺎﻥ ﺧﺎﻟﺪﺓ .. ﻻﻧﻬﻢ ﻭﺍﻗﻔﻴﻦ ﻋﻮﺍﺭﺽ ﻓﻲ ﻃﺮﻳﻘﻨﺎ .. ﻣﺮﺕ
ﺍﻻﻳﺎﻡ ﻭﺧﺎﻟﺪﺓ ﺟﺎﺕ ﻓﻲ ﺯﻭﺍﺝ ﻟﺒﻨﻰ ﻣﻦ ﺍﻟﺼﺒﺎﺡ .. ﻻﺑﺴﺔ ﺍﺣﺴﻦ ﻟﺒﺲ ﺍﻟﺤﺸﻤﺔ
ﻭﺍﻟﺠﻤﺎﻝ .. ﻭﺳﺎﻳﻘﺔ ﺍﻭﻻﺩﻫﺎ .. ﻭﻛﺎﻧﺖ ﺣﺪﺙ ﻓﻲ ﺍﻟﻤﻨﺎﺳﺒﺔ
ﻭﻋﻤﻚ ﺣﺴﻴﺐ ﺷﺎﻓﻬﺎ .. ﻭﻗﺎﻝ ﻟﻲ ﺧﺪﺭ ﻭﺍﻟﻠﻪ ﻓﻌﻼ ﺍﺑﻦ ﻓﺘﻠﻪ .. ﻭﻣﺎ ﻣﻤﻜﻦ ﺗﻘﻊ
ﻓﻮﻕ ﺣﺎﺟﺔ ﺳﺎﻫﻠﺔ ..
ﻭﺍﻧﺎ ﻟﻮ ﻣﺎﻋﺎﺭﻑ ﺍﻟﺮﺅﻳﺎ ﺍﻟﻤﻨﺎﻣﻴﺔ .. ﻛﺎﻥ ﺷﻜﻴﺖ ﻓﻲ ﻧﻴﺘﻚ ﻓﻲ ﻛﻔﺎﻟﺔ ﺍﻻﻳﺘﺎﻡ ..
ﺍﻫﺎ ﻳﺎﺯﻭﻭﻭﻝ ﺍﻟﺤﻤﺪ ﻟﻠﻪ ﺍﻟﺰﻭﺍﺝ ﺍﻧﺘﻬﻰ .. ﻓﻲ ﺍﻣﻦ ﻭﺍﻣﺎﻥ .. ﻭﻟﺒﻨﻰ ﻣﺸﺖ ﺑﻴﺖ
ﺭﺍﺟﻠﻬﺎ .. ﻭﺧﺪﺭ ﺍﺗﻔﺮﻍ ﻟﻲ ﻗﺼﺔ ﻣﻌﺘﺰ ﻃﻠﻴﻖ ﻫﻨﺪﻭﻳﺔ .. ﻛﻮﻳﺲ؟؟؟
ﺑﻌﺪ ﻳﻮﻣﻴﻦ ﺍﺗﺼﻞ ﻋﻠﻰ ﻫﻨﺪﻭﻳﺔ .. ﻗﺎﻝ ﻟﻴﻬﺎ ﺍﻧﺎ ﻭﻧﺴﺮﻳﻦ ﻭﻋﺒﺪﻭ ﺟﺎﻳﻴﻦ ﻋﻠﻴﻚ
ﺍﻃﻠﻌﻲ ﻟﻴﻨﺎ ﻓﻲ ﺍﻟﺰﻟﻂ ..
ﻭﺭﻛﺒﻮ ﺍﻟﺘﻼﺗﺔ ﻭﻣﺸﻮ ﺣﻠﺔ ﺣﻤﺪ .. ﺳﺎﻗﻮ ﻫﻨﺪ ﻣﻦ ﺍﻟﺸﺎﺭﻉ ﻭﻣﺸﻮ ﻭﻳﻦ؟
ﻣﺸﻮ ﺍﻟﺴﺠﻦ ﺑﺘﺎﻉ ﺍﻡ ﺩﺭﻣﺎﻥ ﺯﻳﺎﺭﺓ ﻟﻲ ﻣﻌﺘﺰ .. ﻭﻫﻨﺪ ﻋﺮﻓﺘﻮ ﺑﻴﻬﻢ ﺍﻧﻮ ﺩﻳﻞ
ﺍﻗﺮﺏ ﺍﺻﺤﺎﺏ ﻟﻴﻬﺎ .. ﻭﻣﺴﺘﻌﺪﻳﻦ ﻟﻠﺘﻀﺤﻴﺔ ﻭﺍﻟﻤﺴﺎﻋﺪﺓ ..
ﻭﻣﻌﺘﺰ ﺍﺗﻜﻴﻒ ﻣﻦ ﺧﺪﺭ ﺟﺪﺍ .." ﻭﺣﺲ ﺍﻧﻮ ﺍﻟﺰﻭﻝ ﻓﻴﻬﻮ ﺷﻬﺎﻣﺔ ﻏﻴﺮ ﻋﺎﺩﻳﺔ .. ﻭﺑﺪﺍ
ﻳﺤﻜﻲ ﻟﻴﻬﻮ ﻓﻲ ﺍﻟﺤﺎﺻﻞ .. ﺍﻟﻤﻬﻢ ﻭﺭﺍﻫﻮ ﺍﻟﺰﻭﻝ ﺍﻟﻤﻌﺼﻠﺞ ﺍﻻﺳﻤﻮ ﺍﻟﻔﺎﺗﺢ
ﻫﺎﺭﻭﻥ .. ﺧﺪﺭ ﻗﺎﻝ ﻟﻴﻬﻮ ﺷﻐﺎﻝ ﻓﻲ ﻣﺠﺎﻝ ﺷﻨﻮ ﺍﻟﺰﻭﻝ ﺩﻩ؟؟
ﻗﺎﻝ ﻟﻴﻬﻮ ﻣﻮﺭﺩ ﻟﺴﺎﺗﻚ ﺳﻴﺎﺭﺍﺕ ﻗﺎﻝ ﻟﻴﻬﻮ ﻭﺍﻟﻠﻪ ﺩﻩ ﺍﻻ ﻧﺴﺄﻝ ﻣﻨﻮ ﻧﺎﺱ
ﺍﺑﺮﺍﻫﻴﻢ ﻭﻋﺎﺩﻝ ﺣﺴﻴﻦ .. ﺍﻧﺎ ﻣﺎ ﺳﻤﻌﺖ ﺑﻴﻬﻮ .. ﻟﻜﻦ ﺍﻟﻤﻮﺿﻮﻉ ﺩﻩ ﺧﻠﻮ ﻋﻠﻲ .. ﻟﻮ
ﺭﺑﻨﺎ ﻣﻄﻠﻌﻚ ﺍﻟﺠﻤﻌﺔ ﺍﻟﺠﺎﻳﺔ ﺩﻱ ﺑﺘﻌﺪﻳﻬﺎ ﻓﻲ ﺍﻟﺒﻴﺖ ..
ﻭﻓﻌﻼ ﺧﺪﺭ ﺳﻜﻪ ﺍﻟﻤﻮﺿﻮﻉ .. ﻭﻣﺸﻰ ﻟﻲ ﻧﺎﺱ ﺍﺑﺮﺍﻫﻴﻢ ﻭﻋﺎﺩﻝ ﻭﺣﻜﻰ ﻟﻴﻬﻢ
ﺍﻟﺤﺎﺻﻞ ﻛﻠﻮ .. ﻭﻗﻔﻮ ﻣﻌﺎﻫﻮ ﻭﻗﻔﺔ ﺭﺟﻞ ﻭﺍﺣﺪ .. ﻭﻣﺸﻮ ﻟﻠﻔﺎﺗﺢ ﻓﻲ ﺑﻴﺘﻮ ..
ﻭﺍﻟﻔﺎﺗﺢ ﻫﺎﺭﻭﻥ ﻟﻤﻦ ﺷﺎﻑ ﺍﺑﺮﺍﻫﻴﻢ .. ﺍﻧﺪﻫﺶ .. ﻻﻧﻮ ﺍﺑﺮﺍﻫﻴﻢ ﺯﻭﻝ ﻣﺸﻬﻮﺭ
ﻓﻲ ﻣﺠﺎﻝ ﺍﻻﻋﻤﺎﻝ ..
ﻭﻗﺎﻝ ﻟﻴﻬﻢ ﻳﺎﺟﻤﺎﻋﺔ ﺍﻧﺎ ﻭﺍﻟﻠﻪ ﺯﻳﺎﺭﺗﻜﻢ ﻋﻨﺪﻱ ﺗﺴﺎﻭﻱ 120 ﻣﻠﻴﺎﺭ ﺧﻠﻲ ﻣﻠﻴﻮﻥ ..
ﻭﺍﻟﺰﻭﻝ ﺍﻟﻔﻄﻴﺴﺔ ﺍﻟﻔﻲ ﺍﻟﺴﺠﻦ ﺩﻩ .. ﺍﻧﺎ ﻣﺎﺑﻜﺴﺮ ﺧﺎﻃﺮ ﺭﺟﺎﻝ ﺯﻳﻜﻢ ﻋﺸﺎﻧﻮ ..
ﺍﻟﺒﺘﺴﻮﻭﻫﻮ ﺍﻧﺎ ﻗﺒﻼﻥ .. ﻏﺎﻳﺘﻮ ﻛﻞ ﻭﺍﺣﺪ ﻛﺘﺐ ﻟﻴﻬﻮ ﺷﻴﻚ .. ﻭﺍﺩﻭﻫﻮ ﻟﻴﻬﻮ ..
ﻣﺎﻗﺪﺭ ﻗﺮﻭﺷﻮ ﻟﻜﻦ ﺍﻟﻤﻬﻢ ﻣﺴﺎﻫﻤﺔ ﻛﺒﻴﺮﺓ ﻣﺎﺳﺎﻫﻠﺔ .. ﻟﻜﻦ ﺑﺎﻟﺠﺪ ﻣﺎﻋﺎﺭﻓﻬﺎ ﻛﻢ
ﻗﺎﻝ ﻟﻴﻬﻢ ﺧﻼﺹ ﺍﻧﺎ ﺑﻨﺘﻈﺮ ﺍﻫﻠﻪ ﻭﺍﺷﻮﻓﻬﻢ ﺍﻟﺒﺪﻓﻌﻮﻫﺎ ﻳﺪﻓﻌﻮﻫﺎ ﻭﺑﻔﻜﻮ ﻟﻴﻬﻢ ..
ﺍﺻﻠﻮ ﻗﺎﻟﻮ ﻣﺎﻓﻀﻞ ﺯﻭﻝ ﻏﻴﺮﻱ ﺍﻟﻨﺎﺱ ﻛﻠﻬﻢ ﻓﻄﺴﻮﻫﻢ ﻭﺍﻗﻨﻌﻮﻫﻢ .. ﻭﺍﻧﺎ ﺍﺑﻴﺖ
ﻭﺍﻟﻠﻪ ﻛﺎﻥ ﻣﺎ ﺍﻧﺘﻮ .. ﻟﻮ ﻣﺎﺕ ﻓﻲ ﺍﻟﺴﺠﻦ ﻣﺎﻳﻤﺮﻕ ﺍﻟﻜﻠﺐ ..
ﺍﻟﻤﻬﻢ ﺑﻌﺪ ﻳﻮﻣﻴﻦ ﻣﻦ ﺍﻟﻜﻼﻡ ﺩﻩ .. ﺧﺎﻟﺪﺓ ﺳﻤﻌﺖ ﺍﻧﻮ ﺭﺍﺟﻞ ﻫﻨﺪ ﺟﺎ ﻓﻲ ﺍﻟﺒﻴﺖ ..
ﻭﻗﺎﻝ ﻋﺎﻳﺰ ﻣﺮﺍﺗﻮ ﻳﺮﺟﻌﻬﺎ ﻭﻗﺎﻟﻮ ﻳﻮﻡ ﺍﻟﺠﻤﻌﺔ ﺍﻟﺠﺎﻳﺔ .. ﺟﺎﻳﺐ ﺍﻫﻠﻮ ﻭﻭﺟﺎﻱ
ﻳﺴﻮﻕ ﻣﺮﺗﻮ ..
ﺿﺮﺑﺖ ﻛﻠﻤﺖ ﻧﺴﺮﻳﻦ ﺑﺎﻟﺨﺒﺮ .. ﻭﻧﺴﺮﻳﻦ ﻓﺮﺣﺖ ﻓﺮﺡ ﺷﺪﻳﺪ .. ﻭﻃﻮﺍﻟﻲ ﺿﺮﺑﺖ
ﻟﻲ ﺧﺪﺭ .. ﻗﺎﻟﺖ ﻟﻴﻬﻮ ﻭﺍﻟﻠﻪ ﻳﺎ ﺍﻟﻔﺮﻩ ﺍﻣﻮﺭﻙ ﺍﺗﺴﻬﻠﺖ .. ﻭﻣﺎﺷﺔ ﻣﻌﺎﻙ ﺑﺎﺳﻄﺔ ..
ﺧﺎﻟﺪﺓ ﺍﺗﺼﻠﺖ ﺍﺗﺼﻠﺖ ﻋﻠﻲ ﻳﺎﺧﺪﺭ ﻓﺮﺣﺎﻧﺔ ﻗﺎﻟﺖ ﻫﻨﺪ ﺡ ﺗﺮﺟﻊ ﻟﻲ ﺭﺍﺟﻠﻬﺎ ﻳﻮﻡ
ﺍﻟﺠﻤﻌﺔ .. ﻭﻣﺎﻣﻌﺮﻭﻓﺔ ﺧﺎﻟﺪﺓ ﻓﺮﺣﺎﻧﺔ ﻟﻲ ﻫﻨﺪ .. ﻭﻻﻓﺮﺣﺎﻧﺔ ﺑﻴﻚ ﺍﻧﺖ ؟ ﺧﺪﺭ
ﻳﺘﺒﺴﻢ ﻳﺎﺯﻭﻝ ﻳﺘﺒﺴﻢ ﻓﺮﺣﺎﺍﺍﻥ .. ﻭﺧﻼﺹ ﻣﺎﻋﻨﺪﻭ ﺍﻱ ﻣﺸﻜﻠﻪ ﺗﻘﻴﻒ ﻟﻴﻬﻮ ﻓﻲ
ﻃﺮﻳﻘﻮ ﺑﻌﺪ ﻛﺪﺍ .. ﻟﻜﻦ ﻳﺎﺗﺮﻯ ﻫﻞ ﻛﻞ ﺷﻲ ﻣﺎﺷﻲ ﻋﻠﻰ ﻣﺎﻳﺮﺍﻡ؟
ﺍﻟﺤﺼﻞ ﺍﻟﻐﻴﺮ ﻣﺘﻮﻗﻊ ﺍﺑﺪﺍ" ﺍﻧﻮ ﻳﻮﻡ ﺍﻟﺠﻤﻌﺔ ﻣﻌﺘﺰ ﺧﻠﻒ ﻣﻮﻋﺪﻭ ﻭﻣﺎﺟﺎ ﻟﻲ ﻧﺎﺱ
ﻫﻨﺪ .. ﻭﺍﻟﻨﺎﺱ ﻛﻠﻬﻢ ﻣﻨﺘﻈﺮﻳﻦ .. ﻫﻨﺪ ﻭﺍﻫﻠﻬﺎ ﻭﺍﻋﻤﺎﻣﺎ .. ﻭﺧﻴﻼﻧﻬﺎ ﻭﺍﺻﺤﺎﺏ
ﺍﺑﻮﻫﺎ .. ﻭﺍﺻﺤﺎﺑﺎ ﻫﻲ .. ﻧﺴﺮﻳﻦ ﻭﺧﺎﻟﺪﺓ ﺑﻲ ﺍﻭﻻﺩﻫﺎ .. ﻭﻛﻞ ﺍﻟﻨﺎﺱ .. ﻟﻐﺎﻳﺔ
ﺍﻟﺴﺎﻋﺔ ﻋﺸﺮﺓ ﺑﺎﻟﻠﻴﻞ ﻣﻌﺘﺰ ﻣﺎﺟﺎ ﻭﺗﻠﻔﻮﻧﻮ ﻣﻘﻔﻮﻝ .. ﻭﻫﻨﺪ ﺩﺧﻠﺖ ﻋﻠﻰ
ﻏﺮﻓﺘﻬﺎ ﻭﺧﻠﺖ ﺍﻟﻨﺎﺱ ﺑﺮﺓ ﻭﻗﻔﻠﺖ ﻋﻠﻴﻬﺎ ﺍﻻﻭﺿﺔ .. ﺷﻮﻑ ﺑﺎﻟﻠﻪ ﺍﻟﻌﻮﺍﺭﺽ ﺩﻱ ..
ﺭﺑﻨﺎ ﻛﺮﻳﻢ ..
ﺍﻟﻰ ﺍﻟﻠﻘﺎﺀ