Dangerous Love

Chapter 14

Chapter 14

EVERYTHING is normal na simula nang matapos ang trial sa kaso ng mga Reyes laban sa mga Sanchez, but that’s Marina’s thoughts. Nakakausap na nila ng maayos si Hendrix at balik na sa pag-business ang family nito pero pansin pa rin ni Marina ang lungkot sa mga mata ni Hendrix, sa tuwing nakikita niyang ganu’n ang kaibigan ay naalala niyang nakipag-break na ito sa girlfriend na si Catherine. Wala man lang nakakapansin sa mga kasama nito.

That day was busy, ayaw man ni Marina na sumama sa mama niya ay kailangan na may mag-assist dito, invited lamang ang ina niya sa isang kasal bilang ninang. The motif of the wedding is earth color to beige, all of them are wearing filipiana as the dress code of the wedding.

As usual kailangan sumunod ni Marina sa tema, simple lang naman ang filipiana niya na may touch of modern style na maigsi ang palda sa harapan habang mahaba sa likod nito na kulay beige and white sandals na may two inches lang ang taas, ayaw niyang mag-suffer siya sa huli lalo na’t hindi naman siya sanay magsuot ng mga ganu’ng damit kung hindi lang dahil sa ina niya.

Napuno ng dried flower ang simbahan ng parokya nila na gawa sa makalumang bato lalo na’t noong panahon pa ito ng mga kastila nakatayo. Nakaupo lang si Marina sa mga bisita, hinanda niya ang camera ng phone niya nang isa-isa pumasok ang entourage para makuhaan niya ng litrato ang ina.

May isang pamilyar na mukha ang nakita ni Marina sa pila, dahan-dahan namilog ang mga mata niya nang tuluyang dumaan ito sa puwesto niya habang may kapartner na babae at hindi maiwasang mapatitig din ito sa kanya nang mapansin siya. 

Agad na umiwas ng tingin si Rina, bigla na lang nag-init at namula ang pisngi niya sa ayos ni Filan ngayon, not usual na porma nito mas lalong lumabas ang pagiging Sanchez ni Filan sa tindig niya ngayon, alam niyang hindi lang siya ang nakapansin dahil ang mga katabi niyang bisita sa gilid ay pinag-uusapan siya.

Pinapanood lang ni Rina ang mga nangyayari sa kasalan na iyon, doon niya nalaman na isa pala si Filan sa secondary sponsor sa kasal. Nang matapos ang kasal sa simbahan ay diretso silang pumunta sa reception na malapit lang din sa simbahan na may temang vintage garden.

Pakiramdam ni Rina mapapagod siyang bumati sa mga kakilala ng ina niya lalo na’t sikat sila roon, kailangan niyang ngumiti at magkunwaring okay kahit na alam niyang hindi siya sanay. Nang makaupo si Rina at ang kanyang ina sa nakalaang lamesa para sa kanila ay bigla na lang may tumawag sa phone nito kaya nag-excuse na muna sandali, natatakot si Rina na maiwanan ng ina sa party na iyon.

Nang bumalik ang ina niya’y agad na nilabas ang sobreng ampao nito at inabot sa kanya. “Para saan ito?”

“I need to go, importante lang…”

“Sasama na ako sayo,” nagmamadaling wika ni Rina pero pinigilan siya ng ina.

“Huwag na, dito ka lang and enjoy. Beside ikaw ang representative ko, ikaw na ang magsabit niyan sa bagong kasal, umuwi ka pagtapos na ang wedding for respect.”

Napangiwi si Rina. “What? I don’t know them.”

“Relax, hindi ka naman nila kakainin, bye, I’m going now.”

Tinignan lang ni Rina ang paalis na ina at napabuntong-hininga. Pagharap ni Rina sa kanan nabigla pa siya nang makita si Filan na maupo na dapat ay upuan ng ina niya.

“Anong ginagawa mo rito?” hindi aware si Rina na bumibilis ang tibok ng puso niya habang namumula na naman ang mga pisngi niya.

“Sinasamahan ka, bawal ba?” mapang-asar na tanong ng binata.

“Baka kung anong isipin nila, lumipat ka na sa upuan mo,” pasimpleng bulong ni Rina kay Filan.

“I know the feeling na iwan sa ganitong lugar, but I’m used to it. Alam ko kung saan pupunta ang mama mo for important meetings kasama ko para sa project na magaganap dito sa province, I’ll escort you habang wala siya hanggang sa matapos ang kasal,” sabay ngiti ni Filan sa kanya.