- زهراء
زهراء: مصطفى تعال اني ضايجة
مصطفى: شنسوي؟
زهراء: ما ادري
مصطفى: امممم شنو رأيج نطلع دفاتر اليوميات مالتج من جنتي صغيرة نقراهن؟
زهراء: اوك راح أجيبهم
ذهبت الى مكتبتي حيث أضع هناك العديد من الروايات و الدفاتر و الألبومات و اخذت عدة دفاتر و عدت
زهراء: هاي الدفاتر كل دفتر مال سنة
مصطفى: يلا شنو اول دفتر مال يا سنة؟
زهراء:2010 جان عمري 13
مصطفى: اوك اكعدي
و بدأنا بالقراءة (عودة إلى الماضي قبل 6 سنوات)
(يوم 2010/1/1)
سنة سعيدة يا مذكراتي العزيزة ... اليوم رأيت ذلك الولد الجميل(الحات😍) انه بجوار منزلنا اعتقد ان اسمه منتظر ... ذهبت الى بيت ملاك و قالت لي عن اسمه لان صديق اخوها... اوووف ليت لي اخ كي يكون صديقه .. يجب ان انام باكراً حيث غداً سنذهب الى المقبرة لزيارة امي و ابي.... تصبحين على خير
في اليوم التالي
مرحبا.. لقد كان يوماً متعباً لقد ذهبنا الى المقبرة انا و جدتي و جدي لقد اشتقت لهم مرت سنتين على وفاتهم في ذلك الحادث... احسد الأطفال لان لديهم اهل يعتنون بهم و يزودونهم بالحنان و هم يقولون لي انني سعيدة الحظ لان اهلي ليسوا موجودين .. نعم هي حقيقة .... فهذه فطرة الانسان ..... كل ممنوع مرغوب .... عندما عدنا الى المنزل صدمني جدي: زهراء لازم تشتغلين
زهراء: ليش جدو خير؟😳
جدي: لان راح اتقاعد و بعد الفلوس متكفينا
زهراء: ميخالف بس وين ألقى شغل و اني بعدني صغيرة محد يقبلني
جدي: هسة اندبرها
كنت سأخرج لأشتري بعض الأغراض رأيت منتظر😍
منتظر: هلو زوزو
زهراء بإرتباك:😳 أ أ هلو .. أ أ منين تعرفني؟
منتظر: ههه صار سنتين جيرانه شلون ما اعرفج!
زهراء: ايي يلا باي لازم اروح
منتظر: وين رايحة؟
زهراء: اريد اشتري
منتظر: امشي اني هم اريد اروح
زهراء: أ أ ... ممم
و بدأنا بالمشي
منتظر: عندج فون؟
زهراء: اي
منتظر: ممكن رقمج؟
لقد فكرت كثيراً في داخلي هل اعطيه ام لا؟؟؟
منتظر: اوك هذا رقمي ......0781 من تريدين رمشي
زهراء: ممم
اشترينا و عدت الى البيت
لا اعلم ماذا افعل الآن هل اتصل ام لا سأذهب غداً الى ملاك و أسألها
في اليوم التالي
اليوم سألت ملاك و بعد صدمتها الطويلة لانها لم تتوقع ان منتظر يتكلم مع الفتيات و هي طوال تلك السنين لم يتحدث معها رغم ان اخوها صديقه و انه يأتي الى منزلهم المهم قالت لي ان ان اتحدث معه اتصلت به فأجابني : زوزو مو؟
زهراء: اي
منتظر: شلونج؟
زهراء: زينة و انت؟
منتظر: تمام ... أممم انتي شكد عمرج؟
زهراء: 13 و انت؟
منتظر:😳 فدووة صغيرة اني اكبر منج بسنتين15
زهراء: مو هواي اكبر مني
و عندما كنت اتحدث معه ناداني جدي: زهرااااء
زهراء: جاية جدوو
زهراء: منتظر بعدين نحجي جدو يريدني
منتظر: اوك بس خلي ببالج احنا بس صدااااقة
زهراء: يي يلا باي
منتظر: بايات زوزو
نزلت الى الأسفل
زهراء: نعم جدو خير!!
جدي: لكيت شغل
زهراء: صدك؟
جدي: اي واحد من اصدقائي لكالج
زهراء: شنو الشغل؟
جدي: سكرتيرة بشركة
زهراء: ها اوك شوكت ابدي؟
جدي: من باجر اني ادليج شوفي الصبح تروحين للمدرسة و من الضهر لحد الليل انتي هناك بس آخذي واجباتج وياج لان عندج أوقات فراغ
زهراء: اوك
جدتي: حبيبتي هاي الفلوس بس الج لان اني عندي راتب و جدج هم بس هاي الفلوس الي انتي راح تحصيلها هي فلوسج يعني انتي تتصرفين بيها
زهراء: اوك بيدي بس لا تحجين هيج هم اذا ردتوا اطلبوا و تتدللون اصلا خلوها يمكم
جدتي: لا حبيبتي أريدج تعتمدينها على نفسج انتي ذكية و تعرفين تتصرفين و هسة راح تكونين مسؤولة عن نفسج
زهراء: اوك ان شاء الله ما أخيب ظنكم
(كنا نقلب في الأوراق يعني نقرأ الأحداث المهمة و بعض الأوراق حيث الروتين اليومي يعاد)
( يوم 2010/6/16)
لا اعلم ما به منتظر انه لا يبتعد عني و لا يحبني و يجبرني قربه ان احبه يقول انه متعلق بي و لكنه لا يحبني
اليوم جاء ولد وسييييييم جداااا 😍😍😍 اسمه مصطفى قال انه يريد مقابلة الاستاذ سامي فأدخلته بعد ان استأذنت من الاستاذ سامي
بعد قليل جاء منتظر الى الشركة كالعادة
منتظر: شلونها السكرتيرة؟
زهراء: شعجب اجيت من وكت اليوم!
منتظر: ما عندي شي
زهراء: ممم شنو تشرب؟
منتظر: كالعادة عصير برتقال ... كم مرة اكلج روحي للبيت بدلي ملابس المدرسة و تعاي للشغل
زهراء: والله ما الحك يلا خلي اجيبلك و اجي
و بعد دردشة قصيرة بيني و بين منتظر خرج ذلك الولد الذي دخل الى الاستاذ سامي
منتظر: هلااااو هاي شجابك؟
مصطفى: ياااا انت شجابك!!
منتظر: اعرفك صديقتي و بيت جيرانه زهراء هاي الي حجيت لك عنها😉..... زهراء هذا ابن خالتي مصطفى الي كتلج اسولفله كل اسراري
مصطفى: تشرفت
زهراء: الي الشرف
مصطفى: يلا اروح باي
منتظر: ع راحتك بعدين نحجي بالكلان
مصطفى: طلعت منه
منتظر: ليش ولك مو بالكوة دخلتك و خليتك قائد مساعد
مصطفى: رحت وية اصدقائي اريد اسولف وياهم يلا احجي وياية ع الفيس لو ع الواتس اب
منتظر: اوك براحتك
و بعد ان ذهب
منتظر: زهراء بديت احب وحدة
زهراء: منو؟
منتظر: بالكلان اسمها رقية
زهراء: ها انت شايفها؟
منتظر: لا بس اخلاقها حلوة
إذن ما بها اخلاقي!!😒
زهراء: اي
منتظر:انتي ليش متغارين انتي مو تحبيني؟!
زهراء: اريد سعادتك هذا هو الحب
منتظر: ممم انسيني
زهراء: شلون أنساك و انت يمي!
منتظر: شوية و ابتعد بس خلي اعترفلها و اذا تحبني اعوفج
زهراء: ممم
في اليوم التالي اتصل منتظر و اخبرني ان رقية قد خرجت من الكلان و لم يستطع ان يخبرها انه يحبها
الحب هو الاهتمام هو ان تسعد من تحب و ليس ان تحاول ان تجبره ان يحبك لأنك أحببته
و هل له ذنب في ان جعلك تحبه!!
ام انه ذنبك انت انك احببته!!
هناك مخطأ واحد و هو قلبك فما ذنب قلبه!! هل يجب ان يحرم من ان يحب؟
لذلك ان كنت تحبه فعلا فيجب عليك ان تسعده و تساعده
كي يبتعد ..... كي تنساه...... كي تتعلم من الخطأ و تحب من يحبك( و ليس ان لا تحب الى الأبد)
