The way I was

7. Crossroads

"Manahimik ka na lang diyan, Lualhati, baka kapag nagsalita ka nang nagsalita, halikan kita at kahit ayaw mo, makagawa ako ng bagay na gusto ko pero ikamumuhi mo sa akin." Tiim ang mga bagang niya. Lalong hindi ko siya maintindihan. Anong bagay naman iyon?

"Ano? Gagahasain mo ako?" Sinabayan ko ng pagak na tawa ang mga katagang iyon pero sa totoo lang ay kinakabahan naman ako.

"Bakit hindi? Ang laki ng space sa likod nitong Jaguar ko."

Nanlaki ang mga mata ko.

Totoong tao ba siya?

May tendency ba siyang ganoon? Sigurado ba siya sa sinasabi niya?

Hindi na ako nakasalita dahil sa takot at kaba. Hindi naman nagtagal ay pumasok kami sa isang exclusive village. Napanganga ako sa ganda ng mga bahay na iyon tapos ay napakamoderno. Sa pinakadulo ng village ay may isang mataas na burol. Sementado naman ang doon na tatahakin doon at sa tuktok noon ay may isang bahay na halos gawa sa salamin.

Bigla ay bumalik sa akin ang alaala ng isla at ang alaala ng bahay ni Dante. Natagpuan ko ang sarili kong naluluha na naman.

Hindi na ako nakadama ng pagkabigla nang pumasok kami doon. Siguro kaya ganoon ang bahay ni Hyron Demitri sa isla ay dahil dito siya lumaki. Bumaba ako matapos akong pagbuksan ni Hunter. Hinawakan niya ang kamay ko habang naglalakad papasok.

Nang nasa sala na kami ay nakita ko ang pamilyar na mukha ni Piedro at ng pinsan ni Hyron na bumugbog sa kanya noon sa isla. Si Artemis. May isa pang babae at lalaking naroon.

"Maaga pa para sa show, what the hell is that, Hunter?" Wika ng babaeng iyon na alam kong ako ang pinasasaringan. Noon ko lang naalala ang suot ko. Halos lumuwa ang dibdib ko sa blouse na uniform ko sa bar. Naka-push up bra din kasi ako at napakaikli naman talaga ng skirt ko. Nahiya tuloy ako. Nagsisi ako kung bakit hindi ako nakapagbihis ng maayos at ito namang si Hunter, hindi naman sinabi sa akin na pupunta kami dito, sana mas tumanggi ako.

"Hya..." Wika naman noong lalaki.

"Oh, what, Ignacio? Do you like what you're seeing? Hunter, you can do so much better than that pokpok!"

"Hoy! Grabe ka naman Hyacinth!" Sabi bigla ni Artemis. "Hindi siya pokpok, nurse siya parang si Mama Apol!"

"Nurse? What kind? A slutty nurse?"

"Hyacinth!" Wika muli noong katabi niyang lalaki.

"She's not what you're thinking she is, Hya. So shut up! Iggy, silence your woman!"

"Don't talk to Iggy like that! He's older than you!"

"So? Does that matter? He can't even make you marry him, why would I treat hi any less?" Nakangisi na naman siya. Hindi na nakasagot ang babae.

"Oh. Nandito na sila. Tama na iyan!" Sabi naman ni Artie. Tumayo si Piedro at hinubad ang jacket niya. Akmang ibibigay niya iyon s akin nang matigilan ang lahat – lalo ako dahil pumasok na sa sala ang ilang katao.

Ang una kong nakilala ay si Hyron Demitri. Mukhang hindi niya alam na narito ako. But when he looked at my direction – nakita ko agad ang galit at panibugho sa mga mata niya – lalo na noong hapitin ni Hunter ang baywang ko.

Iyong katabing babae ni Hyron – marahil ang kakambal niya. Magkamukha-magkamukha kasi sila. Mahaba lang ang buho noong babae. Siya marahil si Hyan.

At siguro, ang may edad na lalaki at babae sa likod nila ay ang kanilang mga magulang.

"Family, I want you to meet Lualhati Espiritu, she's my girlfriend and I'm gonna marry her someday."

Dahan-dahan akong napatingin sa kanya.