You Are Gold (COMPLETED)

Chapter X

Confrontation, Confessions

Umupo kami sa kahoy na upuan sa may garden na ipinagmamalaki ni Drin. Oo, ang ganda nun kung tutuusin. Pwede kang tumambay dun, mag-inuman kung nakikipag-inuman man ako, matulog kung may tulugan.

"Alam mo ba Gold, kung wala kong ginagawa, dinadayo ko pa talaga dito," panimula nya. "Pinagawa pa 'to ni Papa sa Mama ko sana, kaso iniwan kami ni Mama para sa business career nya sa ibang bansa. She is an American, just so you know," kwento nya.

Eto, nakikinig lang ako.

Nagpatuloy siya. "Hindi na ko naging interesado sa kanya, I never attempted to search for her. Masaya nako sa buhay ko kahit si Papa lang ang nandyan. Then came Nier. I thought ako lang ang unico hijo ng Papa, but hell no. Nung nalaman kong may Kuya ako, I was like no, I am the only spoiled brat in the clan. I wished before na may kapatid ako, pero hindi yung half-sibling. Sobrang, ewan ko. Ang pangit isipin na may pinagmanahan ako sa pagiging playboy. But I'm not like that. Kung mambubuntis ako, sisiguraduhin ko na yung babaeng yon yung magiging last. Hindi ako mambababae, hindi nako mambubuntis ng iba. Magkatuluyan o hindi, gusto kong iisang babae lang ang magiging Mommy ng mga anak ko. Ayokong maging katulad ni Papa, though he is the best and responsible Dad," aba, nagdadrama ang isang 'to. Anong dahilan bakit siya nag-oopen ng ganito sa akin?

Still, nakikinig ako. Good listener naman ako e.

"You okay? Tahimik ka ah. Magreact ka naman," sabi nya sakin. He is smiling at me.

"Yeah, go ahead. Mamaya na ko magrereact, pag tapos ka na." I smiled back. The feeling was awesome. Yung may ka-heart to heart talk ka.

Tumawa siya. "Nier is so kind to me, kahit sinisinghalan ko siya most of the time. Kaso hindi ko talaga siya matanggap sa ngayon. Nanggu-good shot siya alam ko. Tapos ngayon pang..." medyo natigilan siya. Tinitigan nya ko. And I don't even know why.

"This is bullshit, Gold. Nangako ako sayong hindi kita liligawan pero, UUUUGGGGGH! Paano ko ba 'to sasabihin sayo?" I think he is in a very deep confusion. Kung tama man ako. Pero bakit niya naungkat yung pangako nya samin dati ni Haru? May connection ba yun sa pinagdadaanan nya sa family nya?

"Naiiyak ka? Go ahead, nakikinig ako." I told him. I am reassuring him that I am really a good listener.

"No, hindi ako naiiyak. Hindi ko lang alam kung paano ko 'to sasabihin sayo..." alin, yung tungkol ba sa tunay nyang nararamdaman sa family nya o ano? I am really confused unless may iba pa siyang sasabihin.

"I like you Gold. I really, really, really like you."