Just The Benefits (PUBLISHED)

Kabanata 17

"Anyway, nandito na ba sina Carl?" she asked and I shook my head. Hindi pa nagpaparamdam iyong mga friends nila. Mga freeloader lang yata ang mga iyon, e. Akala naman nila okay na iyong monetary contribution. Ni hindi man lang mag-effort na magtanong kung ano ang pwede nilang maitulong.

Candy sighed. "Wait, tawagan ko lang. Mga pasaway talaga 'yun," she said before she dialed his number. "Hello? Where the hell are you? What? Can't hear you!" She briefly looked at me bago lumabas sa coffee shop. Ilang segundo pa ang lumipas nung bumalik si Shiloah. May dala siyang dalawang iced coffee at isang frappe.

I looked at him. Wala naman akong inorder.

"That's decaf," sabi niya.

Naalala pa pala niya na hindi ako nagkakape sa umaga. "Thanks," I replied. That was really thoughtful of him.

Hindi ko alam kung ano ang sasabihin ko. Hinihintay ko na bumalik si Candy para naman makapagsimula na kami. Ang tagal naman niya. Kung ayaw magcooperate ni Carl, e 'di fine. Akala niya ilalagay ko iyong pangalan niya sa mga members. Bahala siya sa buhay niya.

Tahimik lang kaming dalawa ni Shiloah. Hindi na ako nakatiis kaya naman kinuha ko na iyong frappe na binili niya para sa akin. I quietly sipped it. Bigla namang pumasok si Candy.

Pagpasok niya, nakakunot ang noo niya.

"Carl's stuck somewhere. Nagpapasundo. Sira daw iyong car niya."

Kumunot ang noo ko. "Wala ba siyang pera? Magtaxi siya," I said.

"I don't know about that turd! Anyway, sunduin ko muna siya," she said at saka bumaling kay Shiloah. "Baby, start na kayo without me. I'll be fast. Sunduin ko lang si Carl."

"Nasaan si Carl? Gusto mo sumama ako?" he offered. I felt like an outsider listening to their conversation.

Candy shook her head. "Medyo malapit lang naman. I'll be fine. I'll take a cab na lang," she said.

"I'll call my driver. Magpahatid ka na lang," Shiloah said.

Akala ko ay tatanggi pa si Candy pero mabilis lang siya na pumayag. She was all smiles. Sabagay, sino ba naman ang hindi matutuwa? Shiloah was practically spoiling her!

Sabi ko na nga ba. Swerte talaga ang magiging girlfriend ni Shiloah. Ang swerte ni Candy.

Candy was practically bouncing habang palabas ng coffee shop. Ako naman, huminga nang malalim. Kailangan na talaga naming magsimula dahil this week na ang pasahan ng final plans. Sa university week na kasi itatayo iyong mga business na gusto naming gawin. Parang dry run na rin talaga 'to kapag last sem na namin.

"May ilan na akong nagawa pero gusto mo basahin mo na muna kung approved ba sa 'yo," sabi ko. He nodded. Inabot ko naman sa kanya iyong laptop ko pero masyadong mabigat kaya nahirapan ako. Para naman kasing ilang kilo sa bigat itong laptop ko! Hindi ko naman mapalitan kasi wala pa akong budget.

Nung makita ni Shiloah na nahihirapan ako sa pag-ikot nung laptop, siya na lang iyong tumayo at umupo sa tabi ko. Saglit kong nahigit iyong hininga ko.

Inilagay niya iyong dalawang daliri niya sa track pad. He was seriously reading. Inadjust niya pa iyong salamin niya. Bumalik din pala siya sa pagsasalamin niya... Honestly, mas gusto ko kapag nakasalamin si Shiloah. Para kasing ibang tao siya kapag wala iyon. Mas gusto ko iyong totoong siya.

"Okay ba?" I managed to ask him kahit na naiilang ako sa sobrang lapit namin.

Medyo lumayo siya sa laptop at saka inalis iyong salamin niya. Hinilot niya iyong bridge ng ilong niya at saka humigop sa kape niya.