Galawang Breezy

Part 5

Breeze

Nandito kami ngayon sa gym, kaming sampu na kasali sa Human Calculator. Pinagpartner-partner kami kasi mixed ballroom and ballet ang gagawin naming performance. At ang natapat sa akin...

"Ayusin mo naman!" reklamo ni Aero. Oo, siya nga.

"Ikaw kaya itong ayaw humawak sa bewang ko!" bulyaw ko sa kanya. Kanina pa kami away nang away, ang arte niya kasi!

Dark Horse ang napili naming tugtog. 'Yung kaklase kong si Patricia naman ang nagtuturo ng sayaw. Grabe, may pahawak-hawak pa dapat sa mukha! Feeling ko tuloy, para na akong kamatis dito.

"Guys! Eye contact! Last na 'to!" sabi sa amin ni Ced. Buti naman at makakauwi na kami! Halos 7pm na kaya. Kahit enjoy akong kasayaw si new crush (shet hindi ako sanay), baka hinahanap na ako ng aking mudra.

Gaya ng sabi ni Ced, tumingin ako sa mga mata ni Aero at gayundin siya sa akin. Super nakakailang, to the highest level!

Nagfocus na lang ako sa steps. Ganyan, ikot. Then taas kamay. Slide. Takbo papunta sa partner. Hawak sa mukha. Wew, ang kinis.

Nang matatapos na 'yung kanta, humawak ako sa batok ni Aero at saka nagbend backwards. Naglean naman siya palapit sa akin habang nakasuporta ang kamay niya sa likod ko. Ito yung finale pose namin pero biglang nanlaki ang mga mata ko dahil sa gulat.

ISANG MALAKING PAK. AT ISANG MALAKING SHET.

Hinalikan niya ako. Putspa. Hinalikan niya ako! Mga one second! Mabilis lang kaya sa tingin ko, walang nakapansin. Pero naramdaman ko talaga! Peksman, hindi ako nag-iilusyon lang!

Umayos na kami ng tayo dahil tapos na 'yung tugtog. Naglakad na si Aero palapit sa kinalalagyan ng bag niya habang ako, tulala pa rin.

Iyon na 'yon? Wala man lang 'sorry' or whatever? Siguro nga hindi niya sinasadyang magkadikit ang labi namin at nasobrahan lang siya ng liyad kanina pero fudge! FIRST KISS KO YUN!

Hindi ko akalaing makukuha ko ngayong high school ang una kong tuka―este first kiss. Buti si Aero ang nakauna sa aking virgin lips. Help! Kinikilig ako! Hahaha!

Hoy Aero! Panagutan mo ako ngayon!

Tae. Narinig ba niya iniisip ko? Lumapit kasi sa akin si Aero pagkakuha niya ng bag niya. 'Di nga? Seryoso? Mind reader ba siya? Pananagutan na niya ako? Now na? Agad-agad?

"ID ko," sabay lahad niya ng kanyang palad. Awtsu. 'Yun lang pala kailangan niya.

Kinuha ko naman sa bulsa ng palda ko ang kanyang ID. Baka sisihin niya kasi ako kapag hindi siya pinapasok ng guard bukas. 'Di bale, nakunan ko naman ng litrato ang ID niya sa cellphone ko. Mga galawan ko, siyempre!

Nang makuha na niya, umalis na siya.

"Nang makuha na niya, iniwan ka na." Napalingon ako sa nagsalita at nakita ko si Margo. Hinampas ko nga.

"Hahaha! Obvious ka kasi masyado, Bree!" Heto na, magsisimula na siyang mang-asar. "Si Aero bago mong crush noh?" pabulong pa niyang tanong habang sinisiko ako. Sabi ko na nga ba, malalaman niya kahit 'di ko sabihin! We're bestfriends afterall.

Tumango ako kay Margo. At ang bruha, ang lakas ng tili!

"Tumigil ka nga!" awat ko sa kanya. Paano pa kaya kapag sinabi ko kay Margo na hinalikan or should I say, nahalikan ako ni Aero?

* * * *

Ang bilis ng araw! December na! Two months na ang nakalipas simula nung naganap ang first kiss ko. Na ako lang ang nakakaalala. Wala naman kasing nakakita saka kahit si Aero, mukhang kinalimutan lang. Ang sakit po kaya! Kahit kay Margo, hindi ko pa kinekwento. For sure kasi, pipilitin niya akong makipag-usap kay Aero tungkol sa nangyari. Naduduwag ako, sorry naman! Takot kasi akong masabihan ng, "Ha? Big deal ba yun?" o hindi naman kaya, "Anong sinasabi mo? Ikaw? Hinalikan ko?"

Ghad. So complicated!

'Start twerking like Miley' 

Kinuha ko 'yung cellphone ko para tingnan kung sino nagtext. Yes, Twerk It Like Miley ang ringtone ko. Bakit ba! Kanya-kanya tayo ng trip.

From: Storm

Good morning Bree! Nakauwi ka na? ;)

Ha? Anong sinasabi ni Storm? At bakit may pakindat? Wala naman akong pinuntahan ah? Nandito lang ako sa kwarto ko, nakaupo sa kama at iniistalk sa facebook si he-who-must-not-be-named.

To: Storm

Nakasinghot ka ba ng katol? Hindi naman ako umalis ng bahay!

Sinend ko na sa kanya ang reply ko at ilang sandali lang, nagtext ulit siya.

From: Storm

Ha? Bakit buong gabi kang nasa panaginip ko?

Shems! Biglang banat daw ba! Kung crush ko pa rin sana itong si Storm, siguradong naglulupasay na ako sa kilig ngayon. Pero napangiti pa rin naman ako doon.

To: Storm

Ikaw ah! Mukhang nahuhulog ka na sa karisma ko! Ang diyosa ko talaga. XD

Dinaan ko na lang sa biro. Hindi ko naman alam na seseryosohin pala niya.

From: Storm

Kasalanan ko bang mahulog ako?

Err. Ayaw pa ring magsink in. Ano bang pinaparating niya? Nahulog daw siya? C...crush niya ba ako? Paker.

Patuloy pa rin akong nakatingin lang sa screen ng aking cellphone nang biglang may text na namang dumating.

From: Storm

Oo, gusto kita Bree. :)