Galawang Breezy

Part 2

Breeze

'Fire up that loud

Another round of shots!

Turn down for what?'

I moved my body to the beat of the music. Ang astig talaga sayawin nitong 'Turn Down For What'. Freestyle lang ginagawa ko na may kasamang ilang steps na natutunan ko sa Youtube.

Sa sobrang talented ko kasi, pinilit nila akong sumali sa Dance Troupe ng high school namin. Hahaha! Kidding. Actually, nabalitaan kong member si Storm kaya sumali rin ako. Ako pa!

Mag-isa lang ako ngayong nagsasayaw dito sa dance studio. May practice kami tuwing Sabado, from 1 pm to 5 pm. 11 am pa lang kaya wala pang ibang tao rito. Early bird? Nah. Tinulungan ko kanina si Margo na mag-ayos ng bulletin board sa corridor. Student Council Vice President kaya 'yun. Umalis din siya agad dahil sa dental appointment niya, kaya loner ako ngayon. Psh.

'Fire up that loud

Another round of shots!

Turn down for what?'

Nagbackflip ako. Whoo! I feel so light! Naisip ko ring magsplit kaso 'wag na. Masakit sa singit at isa pa, hindi ko kaya. Hahaha!

Nang mapagod na ako, pinatigil ko na yung tugtog at saka nagpunas na rin ng pawis. Grabe, kahingal!

"Tubig." PACKING TAPE.

Feeling ko nagbukas 'yung langit nang marinig ko ang malalim niyang boses. Shems! Fudge! Ang bilis ng tibok ng puso ko! Hindi ko alam kung dahil ba ito sa pagod o talagang kinakabahan lang ako. Bree, relax! Chill! Keep calm!

Dahan-dahan akong humarap kay Storm. Nanginginig kong inabot ang binibigay niyang tubig. I swear, hindi ko itatapon ang boteng ito. Itatago ko forever.

"S...salamat. K...kanina ka pa?" tanong ko sa kanya.

"Medyo. Ang galing mo pala talagang magsayaw."

Putspa. Nag-init bigla 'yung pisngi ko. Nahihiya eke enebe.

"Ah hehe hindi naman," pa-humble effect ko. Binuksan ko na 'yung bote ng tubig at saka uminom. Ito na yata ang pinakamasarap na tubig na natikman ko. Landi hahaha! Inartihan ko pa nang kaunti ang bawat paglagok ko. Paano ba naman, nakatingin pa rin siya sa akin!

Naalala ko yung kahapon. Nasa labas si Storm ng classroom namin tapos bigla kaming nagkatinginan. Ang awkward kaya umiwas din ako agad.

"Naglunch ka na?" tanong niya. OMG! Date na ba ituu?

"H...hindi pa. Ikaw?"

"Hindi pa rin. Tara, sabay na tayo?"

"Tara," casual kong sagot pero deep inside, gusto kong sabihin, 'Yes! Of course! Gora! Tapos diretso na tayong simbahan ah!'

Oo na. Ang feeler ko.

Pasimple kong tinago sa bag ko ang bote ng tubig na binigay niya. Saka ko na iisipin kung ipapaframe ko ba o ilalagay sa glass box, 'yung parang sa museum.

Lumabas kami ni Storm ng university at napagdesisyunang sa McDo na lang kumain. Habang nakapila kami sa counter, napansin kong pamilyar ang taong nasa harapan ko.

"Aero?"

Lumingon siya sa akin at hindi ako nagkamali. Si Aero nga.

"O, Bree!" masigla niyang bati sa akin. Tumingin si Aero sa likuran ko at mukhang nakita niya si Storm. "So, magkasama pala kayo." Tumango lang ako. Ewan ko ba pero parang naging nakakailang 'yung atmosphere. Arrgh! Ang gulo ko! Pakialam ko ba sa mokong na 'yan!

Tumingin na lang ako sa menu at pumili ng order. "Kung burger steak kaya?" bulong ko sa sarili ko.

"Libre na kita," sabay na sabi sa akin ng dalawa. Tumingin sila sa isa't isa and for a moment, parang may nakita akong sparks. Joke!

"Thanks. Pero wag na," sagot ko sa kanila. Baka mag-away pa. Bakit kasi ang haba ng hair ko!

Oo na. Ang feeler ko ulit.

Pinilit pa nila na sila na lang daw magbayad. Sus, mga gentleman. Dahil makulit ako, hindi ko sila hinayaan. Humanap na kami ng table pagkatapos. Sumama na rin sa amin si Aero dahil mag-isa lang siya at ang resulta, siyempre siya ang third wheel! Tsk. Masosolo ko na sana si Storm.

Pumwesto sila sa magkabilang side ng table at saka sila parehong tumingin sa akin. "Tabi tayo, Bree!" sabi ni Aero habang tinatapik 'yung upuang katabi niya. Napasulyap naman ako sandali kay Storm. May bakante ring upuan sa tabi niya at naisip ko, pagkakataon na 'yan oh! Kaso nakakahiya naman kay Aero. Kahit may sayad 'yan, medyo close kami. Buong four years ko kasi sa high school, kaklase ko siya.

Shet. Kanino ba ako tatabi?