𝗗𝗮𝗯𝗮𝗻𝗴𝗴 𝗗𝗶𝗹

𝗣𝗮𝗿𝘁-𝟭 𝗗𝗲𝗲𝘄𝗮𝗻𝗮 𝗯𝗻𝗮 𝗹𝗶𝘆𝗮

Subh ke 8 baj rhe the. Ek ladki apne kamre mein sheeshe ke samne baithi tayiyar ho rhi thi. Apne honthon pr nude colour ki lipstick lga vo apne chote chote earrings pehenti hai. Haath mein watch pehen vo apna bag utha neeche chali jati hai. Living room mein pade chote se sofe par baith vo chilla kar kehti hai.

??:-NIYATI MERA BREAKFAST

Vo ladki chillati hai ki tabhi uske samne naashte ki tray aa jati hai. Vo ek nazar Niyati ko dekhti hai aur phir use kehti hai.

??:-Mere srr pr rakhogi kya. Table pr rkh do aur jao yhn se.

Niyati uski baat sun tray table par rkh deti hai. Aur vhin baithe akhbar padh rhe apne papa se kehti hai.

Niyati:-Papa aap bhi naashta kar lijiye

Uske papa Harish ji akhbaar se nazrein utha use dekhte hue kehte hai:-Nhi abhi mai thoda bahr se walk krke aaunga uske baad naashta krunga.

Niyati apna srr hn mein hila deti hai. Aur kitchen mein jane ko hoti hai tabhi ek aawaz uske kaano mein padti hai.

??:-Meri coffee le aao

Ye Niyati ki maa Sandhya ji thi. Niyati unki sakht aawaz sun peeche mud kehti hai.

Niyati:-Abhi laayi Maa

Sandhya ji koi jawab nhi deti. Niyati kitchen mein ja Sandhya ji ke liye coffee banane lagti hai. Kuch der baad Niyati ki behen Reema bhi apni scooty par college ke liye nikal jati hai. Reema Niyati se sirf do saal choti thi par phir bhi saari cheezein Reema ke liye kharidi jaati thi. Niyati ki college ke baad padhayi rukwa di gyi vhin Reema ko uski manmarzi krne ki aazadi thi.

****************

Naashte ke baad Niyati apne baaki kaamo lag jati hai. Iss vkt vo kapde dho rhi thi. Tabhi Sandhya ji ki aawaz uske kaano mein padi.

Sandhya ji:-Niyati yhn aao

Niyati jaldi se apne haath dho bahr chali gyi jhn uski do dost Kavya aur Swati baithe the.

Niyati ne Sandhya ji ko dekh kaha:-Jii maa

Sandhya ji Niyati ko ghoor kr dekha aur kaha:-Ye tumhe le jane aaye hai. Jana chahti ho

Niyati ne bina soche samjhe na keh diya. Sandhya ji ne Kavya ko dekh muskurate hue kaha:-Dekho beta vo nhi jana chahti

Kavya Sandhya ji ki harkaton se bakhubi wakif thi isliye usne kaha:-Aunty please bhej dijiye mai jaldi ghar chod dungi. Koi pareshani nhi hogi

Sandhya ji ne kuch soch kaha:-Hmm thik hai par sham 6 baje se pehle ghar aa jani chahiye.

Swati ne khush ho kaha:-Bilkul aa jayegi aunty

Niyati bhi khush thi. Vo jaldi se apne kapde badal Kavya aur Swati ke saath bahr ghumne chali gyi. Niyati ne gulabi rang ka boht hi pyaara suit pehna tha.

Teeno Banglore ke sabse bade mall mein ghumne ja rhe the. Kavya aaj unko khudke paison se treat dene wali thi.

**************

Pura mall ache se ghumne ke baad teeno ek ek icecream liye bahr aate hai. Niyati ko bhi ab thoda acha mehsus ho raha tha. Teeno ne kaafi maza kiya. Kavya,Niyati ko ghar chodne ja rhi thi. Tbhi raste mein unhe ek jgh boht bheed dikhi. Log kaafi the. Kavya ka jee machalne lga janne ke liye ki kya ho raha hai. Usne side mein activa khadi krte hue kaha.

Kavya:-Aa dekhte hai kya ho raha hai

Niyati ne use mna krte hue kaha:-Nhi yrr ghar chal na kyu dekhna hai tujhe.

Niyati ke mna krne ke bavjood Kavya use apne saath uss bheed mein le gyi. Logon ke beech mein se nikal jab unhone samne ka nazara dekha to Niyati ki ankhein hairaani se fail gyi. Ek aadami puri zakhmi halat mein zameen pr pda hua tha. Aur vhin ek ladka lagbhag 27 ya 28 saal ka use gusse se ghoor raha tha. Usne kaale rang ki tshirt aur pants pehne hue the. Acchi khaasi kad kaathi ka ladka. Uski tshirt uske biceps ko jakde hue thi. Paseene se uski tshirt uske badan se chipak rhi thi. Uski tez tarar aankhein ,bikhre baal aur gora rang logon ko apni trf aakarshit krne ki vjh thi. Uske honthon ke kone se halka khoon bhi beh raha tha. Vo neeche pda aadmi boht koshish kar uthta hai aur use punch marne ke liye haath uthata hai tabhi vo ladka uska haath pakad mod deta hai. Apne samne ye sab dekh Niyati ka dil ghabrane lagta hai vo baar baar Kavya se vhn se chalne ke liye keh rhi thi. Use ladai jhagda bilkul bhi pasand nhi tha.

Niyati se un dono ladko ke beech ki ladayi ab dekhi nhi ja rhi thi. Vo Kavya se kehti hai:-Kavya kon hai ye aur ye ladka use itni berehami se kyu maar raha hai.

Kavya, Niyati ki baat sun dheere se kehti hai:-Ye iss shehr ka sabse mashoor gunda hai.

Niyati uski baat sun uska haath pakad kehti hai:-Chal na mujhe ye ladayi jhagda nhi dekhna.

Vhin,Vo ladka ab ek ke baad ek uss aadmi ke muh pe mukke jad raha tha.
Vo aadmi use vinti krta hai par vo ladka usse nhi chodta. Gusse se uski aankhein laal ho chuki thi,uski nasein saaf nazar aa rhi thi. Uss ladke ne uss aadmi ke paet par akhri baar ek laat maar use adhmara bna diya tha. Vo ladka vhn jami bheed ko dekh zor se chillata hai.

??:-Tamasha khatm niklo ab yhn se

Uski nazrein vhn jami bheed mein khade har ek insaan ko ghoor rhi thi. Har ek insaan uske gusse ko dekh sehma khada raha tha. Tabhi uss ladke ki nazar bheed mein khadi Niyati par ja tehri. Uski gusse se laal aankhon mein narmi cha gyi. Aur vo shnt ho gya. Uske haath ki mutthi dheere se khuli aur uski nasein bhi ab ubharna band ho gyi.
Niyati ki darr se sehmi aankhein use kahin aur dekhne hi nhi de rhi thi. Ek ek kar vhn se bheed jane lagi par uss ladke ko kisi halchal ka ehsaas nhi hua. Uski duniya to mano tham si gyi thi. Mano vo ladka khud use apni nazron se aujhal nhi hone dena chahta tha. Niyati ne to uspe dhyan hi nhi diya aur vo Kavya ke saath vhn se chali gyi. Vo nhi janti thi ki uski khubsurti, uski masumiyat ne kisi ko apna deewana bna liya hai. Kavya uski baat maan vhn se use lekr chali gyi. Use apni nazron se dur jata dekh vo ladka uske peeche jane lagta hai ki tabhi koi use peeche se aawaz de use rok leta hai. Vo ladka man hi man uss insaan ko boht kosta hai aur apne aadmi ko bula kehta hai.

??:-Uss activa par ja rhi gulabi rang ka suit pehne jo ladki hai uska pta kar.

Uska aadmi hnn mein srr hila vhn se chala jata hai. Tabhi ek aur ladka vhn aata hai.

??:-Abe oo kabse bula raha hu sunayi nhi de raha kya

So,this was the first part of my story Dabangg Dil. Comments mein zarur batana aapko ye chapter kaisa laga. Kaisi lagi unki pehli mulaqaat. Kya aapko maza aaya ye padhke?
Chalo jaldi jaldi comments mein batao!!
Are you excited for this one??