" ဘယ်တစ်ခုကို အရင်ဖြေရမလဲ "
ဦးက သူ့အမေးကြောင့် မျက်ခုံးပင့်ကာ ခဏကြောင့်ကြည့်ပြီးမှ အသာလေးပြုံးပြီး နာမည်ကိုအရင်ဖြေပေးဖို့ ပြောလာသည်။ အဲ့ဒီအပြုံးက ပိုပိုပြီးကြိုက်မိစေမည့်ပြသနာကို စမွှေးတဲ့မီးတောက်ငယ်။ ရင်ဘတ်ကလေးကို အသာပြန်ဖိလိုက်၏။
" နာမည်က ဂျီမင်း
ကားဝပ်ရှော့မေးတုန်းက တစ်ခါတွေ့ဖူးတယ် "
" အိုး ဟုတ်သားပဲ ကလေးက ဉာဏ်ကောင်းသားပဲ "
" ဒါပေါ့ "
လွန်ခဲ့တဲ့လေးလလောက်ကကိစ္စအား အတိအကျမှတ်မိနေတာ မရိုးမှန်းသိသာပါသည်။ ဖြေပြီးခါမှ ရှက်နေခဲ့သော်လည်း ဉာဏ်ကောင်းသည်ဟု သူ့ဘက်ကအရင်လမ်းကြောင်းပေးလာသဖြင့် ကိုယ့်ဘက်ကလည်း ပြန်ဖောရှောလိုက်ရသည်။ စကားပြောတာတော်လို့ တစ်မှတ်ပေးလိုက်ဦးမယ်။ အားလုံးပေါင်း တစ်ရာ့တစ်မှတ်။
" ဘာမှာမလဲ လမ်းညွှန်ပေးထားတဲ့ကျေးဇူးနဲ့ ကိုယ်တိုက်ပါ့မယ် "
" ရပါတယ် မေမေက သူများပေးတိုင်း လွယ်လွယ်လက်မခံရဘူးလို့ မှာထားတယ် "
အဟက်! ရယ်လိုက်တာ ယုန်သွားတွေအပြင် ပါးချိုင့်ပါးပါးလေးလည်း မြင်လိုက်ရတော့ ဂျီမင်းစိတ်တိုသွားသည်။ သူထပ်ပြီး ပိုကြိုက်မိပြန်ပြီလေ!
" ဘာရီတာလဲဗျ! "
" ဘာမှမဟုတ်ပါဘူး အဟမ်း.. ဘာမှာမလဲ ဒါဆို "
ကော်ဖီမှာပြီး မရသေးခင် ဂျီမင်း အင်တာဗျူးမသိသာလုပ်ဖို့ ကြံစည်တော့သည်။
" ဦး.. အမ်း ဦးကို အရင်က ဒီဆိုင်မှာ မတွေ့ဖူးပါဘူး "
" ဟုတ်တယ် ဒီဆိုင်က ကိုယ့်ညီမလေးဆိုင်လေ ဒီရက်ပိုင်း နည်းနည်းပျင်းတာနဲ့ ဒီကို လာဖြစ်နေတာ ချာတိတ်ကရော ဒီကို ခဏခဏလာတာလား "
" လာတာပေါ့ "
" ဒီဆိုင်က လက်ရာတော်တော်ကောင်းတယ်လေ ကျွန်တော် ဆိုင်အတော်များများသောက်ဖူးတယ် ဒီဆိုင်လက်ရာသောက်ပြီးတော့မှ တခြားဆိုင်ထပ်မပြောင်းဖြစ်တော့တာ "
ESTÁS LEYENDO
ဦး
Fanfictionပန်းကလေးတွေက အချစ်ခံဖို့ မွေးဖွားလာတာ ဦးသိလား။ ကျွန်တော်ကလည်း မိသားစုပြီးရင် ဦးချစ်ဖို့ ဦးကိုချစ်ဖို့ မွေးဖွားလာတာဗျ။
💌 02 💌
Comenzar desde el principio
