"ရပြီ သွားတော့"
"နေအုံး...ခင်ဗျား ဒီဘက်လှည့်စမ်း"
ရှင်းဟန် ကားပေါ်ရောက်ရောက်ချင်း အရှေ့ဘက်ရှိ ဟန်လင်းသန့်အား ကားထွက်ရန်ပြင်ခိုင်းလိုက်ချိန် ရာစု၏တားမြစ်သံကိုပါတစ်ဆက်တည်းကြားလိုက်ရသည်။
"ခင်ဗျား ထိလာတာပဲ"
"အနည်းနဲ့အများတော့ ခံရတာပေါ့ဟ"
ကားအနောက်ခန်းထဲတွင် ရာစုနှင့်ရှင်းဟန် ထိုင်နေကြသည်။ရှင်းဟန်၏ နှုတ်ခမ်းထက်ရှိပေါက်ပြဲဒဏ်ရာအား ရာစုအသေအချာစိုက်ကြည့်ကာ မရိုးမယွဖြစ်နေမိသည်။
"အရမ်းများသွားတာပဲ"
"သင်တိုင်းရှင်းဟန် အတွက်ကဒီလောက်နဲ့ စာမဖွဲ့တတ်ဘူး။အသေးအမွှားလေး။သက်တော်စောင့်တစ်ယောက်လုပ်နေပြီး ဒါလေးမှခံနိုင်ရည်မရှိရင်လည်း..."
"ရော့...ဖိထားလိုက်"
ရာစု မိမိအိတ်ကပ်ထဲရှိ လက်ကိုင်ပုဝါကိုထုတ်ပေးသော်လည်း ငြင်းဆန်ကာ နှုတ်ခမ်းထက်ရှိဒဏ်ရာကိုလက်ခုံဖြင့်ပွတ်ဆွဲလိုက်သူ။
"ဒါ...ဒါက?"
"အင်း...အဲ့ဒီလူဆီကရလာတာ"
ဟန်လင်းသန့် ကားအရှေ့ခန်းထဲမှ အနောက်ဘက်သို့လှည့်ကာ ရှင်းဟန် ပြနေသောဆွဲကြိုးကိုယူလိုက်သည်။ထို့နောက် အသေအချာကြည့်နေမိသည်။မြွေလော့ကတ်သီးနှင့် ဆွဲကြိုးမှာ ကြိုးကိုသေချာကြည့်တော့ သာမန်ကြိုးများနှင့်မတူဘဲ အနုစိတ်လှသည်။
ဟန်လင်းသန့် ရာစုကိုသေချာတယ်ဟူသောအကြည့်ဖြင့်ကြည့်ပေးလိုက်သည်။ဟန်လင်းသန့်နဲ့ရာစုတို့အချိတ်အဆက်ကို ရှင်းဟန် နားမလည်သော်လည်း ဒီဆွဲကြိုးလိုပုံစံကိုတစ်နေရာရာမှာမြင်ဖူးသလိုဖြစ်နေသည်။သို့သော် သူ စဉ်းစားမရ။မြင်တော့မြင်ဖူးတယ်။ပုံဖော်လို့ကလည်း လုံးဝမရ။
ဒီလိုဒီဇိုင်း၊ဒီလိုလော့ကတ်မျိုးက တစ်နေရာတွင်သာရှိသည်။
ထိုနေရာကား.....
မက်ဒူဆာ ဂိုဏ်း။
"ဒါက မက်ဒူဆာ ဂိုဏ်းရဲ့သင်္ကေတ။မက်ဒူဆာ ဂိုဏ်းဆိုတာ မြေအောက်လောကသားတွေရဲ့ ရှင်ဘုရင်လို့တောင်သတ်မှတ်ကြတယ်။လွန်ခဲ့တဲ့ ၂နှစ်ကတည်းက ဂိုဏ်းရဲ့အစအနကိုရှာလို့မတွေ့တော့ဘူး။အခု ပြန်ပေါ်လာပြီထင်တယ်"
![](https://img.wattpad.com/cover/350062674-288-k290819.jpg)
YOU ARE READING
Love Behind The Complexity
Romance"ငါတို့ကယောက်ျားအချင်းချင်းလေ...ပတ်ဝန်းကျင်အမြင်မှာ..." "ပတ်ဝန်းကျင်ကိုဂရုမစိုက်ဘူး။အဓိက က ကျွန်တော်တို့တစ်ယောက်ကိုတစ်ယောက် နားလည်မှု၊ယုံကြည်မှု၊သစ္စာရှိမှုတွေနဲ့ အပြန်အလှန်ချစ်နေကြဖို့ပဲလေ"