"ကလေးတွေအတွက် ဒီတစ်ပတ် ဘယ်နှစ်ကြိမ်ရေပြောင်းပြီးပြီလဲ"
"မနေ့ကပဲ ပြောင်းထားပါတယ် boss"
"ပေး ဒီကို"
ရာစု မိမိဘေးနားရှိ ညာလက်ရုံးထံမှ Turtle pellets များထည့်ထားသည့် ခွက်ကို ယူ၍ အစာကိုရေထဲသို့ပစ်ချလိုက်သည်။ထိုအခါ တဖြေးဖြေးနှင့် အစာရှိရာသို့ ချဉ်းကပ်လာသည့် မိကျောင်းတစ်ကောင်။
"ဒီကောင်ကြီး အတော်ထွားလာသားပဲ"
ရာစု ပြောရင်းနှင့်ပင် လက်ထဲရှိ အစာများကိုချကျွေးနေသည်။မိကျောင်းမွေးရတာ ဝါသနာပါသူမို့ သူ့ထံတွင် မိကျောင်းများ အများအစားရှိသည်။မိကျောင်းများကို အလွန်ချစ်သူ ဖြစ်သည့်အတွက် အထူးတလှယ်လည်းဂရုစိုက်သည်။
"ဉတွေကရော ဘယ်လောက်ရှိပြီလဲ"
"ဒီနေ့တော့ ဉတာမတွေ့သေးဘူး boss။ ၈ ဉ တော့ရှိပါပြီ"
"အင်း သေချာဂရုစိုက်လိုက်"
"ဟုတ်ကဲ့ boss"
"ဒီတစ်ခါ သားပေါက်လာရင် maxico ကိုပို့ပေးရမှာ။ အသိတစ်ယောက်ကို လက်ဆောင်"
"ဟုတ်ကဲ့ boss။ ကျွန်တော်တို့ သေချာဂရုစိုက်ပါမယ်"
"ရာစု!"
ရာစု တို့ရှိရာ မိကျောင်း tank ဆီသို့ ရောက်လာသူမှာ ဟန်လင်းသန့်။ရာစု မိမိ၏ညာလက်ရုံးကို ခေါင်းတစ်ချက်ငြိမ့်ပြလိုက်သည်။
"သွားခွင့်ပြုပါအုံး boss"
"မင်းကောင်ကြီး အတော်ထွားလာတာပဲ"
"အင်း ငါ ဒီကောင်ကြီးကို တစ်ခြားကောင်တွေထက် ပိုဂရုစိုက်မှဖြစ်မှာ"
"ဘယ်သူက ကိုယ့်အချစ်ဆုံးကို တစ်ခြားသူထက် ဂရုမစိုက်ဘဲနေမလဲ"
Marine အမည်ရှိသော မိကျောင်းမှာ ဗာမာန်ရာစု၏ အချစ်တော်ဖြစ်သည်။ရာစု ငယ်စဉ်ကတည်းက အတူရှိခဲ့သည်မှာ ယခုအရွယ်ထိပင်။
"ကလောကို ဘယ်နေ့သွားမှာလဲ။မင်း လိမ္မော်ခြံကို မရောက်ဖြစ်တာကြာပြီမဟုတ်လား။"
"အင်း ဒီခေါက်သွားဖြစ်မယ်ထင်တယ်။အဲ့ဘက်က ငါမရှိလည်းအဆင်ပြေတယ်မလား။"
