ومِثل نار بگطن مابيّنت مَهموم
بارد بالوجه وآنهَأحترگ سڪتَة!
صهيب: تنهدت بحسره واني اشوف سامر شون نايم على كبر ابوي كعدت بصفه بعدت شعره عن عيونه تعبانه كد ما باجي حته جفن
عينه مورم وصاير احمر اخ يابه تعال شوف حال ولدك شون معذبين اني الي كل هم لحياة على كلبي لو هذا الي الله وحده يعلم بحاله
صرت امسح على شعره بحنيه فز مرعوب باوعلي وباوع لنفسه ضرب ايدي وكام نكث نفسه بدون ماينطق بحرف كعدت يم قبر ابوي قريتله لفاتحه وشغلتله قرآن
غيوم: بعد مراح صهيب شمرت نفسي على قبر امي واني اتذكر ذاك لحلم لخذ روحي جانت امي واكفه وتعتب عليه تكلي عفتي اخوج ورحتي تزوجتي وعشتي حياتج وهوا مخليته هيج متعذب نزلت
دموعي واني امسح على قبرها يمه والله ماعفته ولا نسيته كلشي صار غصب عني يمه هددني بيه اعرفه شنو من بشر هو لقتل اخوه
ومرته كدام عين اطفاله يصعب عليه يقتلهم سنينن واني متعذبه وصلت لهنا بس علمود اخذ حقكم ورجعه محد حس بيه بيكم
عفتوني ورحتو ماسئلتو شون راح تعيش شون راح تحمي نفسها وعفتوه طفل عمره سنتين مايعرف شي ربيته بديه هاي بحضني
كبرته مو بس اخوي ابني هذا ضحيت بكلشي خاطر مايضره شي وعد والله ارجع واخذ حقكم وحقق كل احلامه وعوضه عن كلشي
خسره لا تحجين هيج يمه دخيلج محد شاف عذاب كلبي صرت اشهك وابجي حته غصيت بالبجي اجه صهيب جرني لحضنه غسلي
وجهي وشربني مي وشالني ضميت روحي بصدره وشهك وصلني لسياره فتح لباب وكعدني وهوا مقابلي واكف يمسح بدموعي
صهيب: كافي بويه عذبتي كلبي ومرمرتيه بسج لتبجين كتلج قبل اني امج واني ابوج وكل اهلج ماريد هل عيون لحلوه تبجي بس مو
يعني تكتمين حزنج عني لا انسي وتقبلي لواقع دموعج وحزنج
مراح يرجعنهم بدل متبجين اقري الهم قرآن دعيلهم اطعمي فقراء
فرحي يتيم بثوابهم هم محتاجين هاي الاشياء منج ميردون حزنج يتئذون من يشوفونج هيج مكسوره وتبجين عليهم
غيوم: هزيت راسي حته مابيه احجي وكعدت زين هوا سد لباب واجه يسوق رجعت نفسي ليورا ايدي على كلبي حيل يوجعني
وجسمي احسه نار غفيت ومن كعدت لكيت نفسي بالغرفه كمت من مكاني فتحت لباب وطلعت ادور صهيب لكيته كاعد بصاله مشيت
اله ولميت نفسي بحضنه شلت راسي خليته بركبته وهمست تعرف تعبانه حيل وراسي يوجعني احس نفسي دايخه
صهيب: تلمست جبينها حار شبيج بويه شنو لمتعبج امشي اخذج للمستشفى
غيوم: مابيه اكوم ولا الي خلك اروح بس خليني بحضنك
YOU ARE READING
جمرة عاشق
Mystery / Thrillerسكن ذاك الاثأر عقلها وقلبها تسعى من اجل ان تأخذ بثأرها منهم وشاء القد أن يعشق قلبها من ذاك الذي سيهدم قلبها وتجد بطريقها من سيئخذ بثارها وثأره ... ✨🤎
