هذا چتفي و هذا تعبي وأنتَ إلي بسٍ 🤍'
غيوم: ضايعه ضياع محد يكدر يطلعني منه اوراق مطشره بكل مكان حالتي حاله انيي المن درست وتعبت وصلت لهذا لمكان غير
حته احقق حلمي ارجع حكي واخذ اخوي اريد الكه دلليل عليه و على جرائمه ماكو ملفاته كلها نضيفه شون انسان بكل هاي لقذاره
وجرائم هيج ملفاته نضيفه صداع صداع قوي براسي تعبت صار سنين واني اشتغل على قضيته خفيه اجمع عنه معلومات ومدا
اوصل شي ربي تعبت شوكت يرجعلي حقي شوكت اخذ حبيب روحي بحضني شتاقيتله حيل مدا يروح من بالي ولا لحضه شنو
حاله كلبي واجعني عليه مو بخير هوا اعرف اعرف هذا لنذل يعامله معامله مو زينه صار سنين واني كلبي متلوع عليه وصلت لهذا
لمنصب وهاي لفلوس ولبيت كله لخاطره اجيت لهنا بنيه تخلص لليل بشوارع تشتغل لليل نهار وتدرس بنفس لوقت كل مرا بمكان
شكل من شقه الى مخزن الى..... هواي اماكن عشت بيها وشويه شويه بنيت نفسي ومستقبلي صرت محاميه شاطره شتريت بيت
وشتريت سياره وكل هذا ما غيرني بقيت نفسي هذيجه لكلبها متروس حقد وثار صوت جرس لباب يدك براسي لميت اوراقي
مسحت دموعي رسمت ابتسامتي لمصتنعه لعايشه بيها من سنين رحت فتحت لباب جان صهيب الي جايني بتسم اليه ومد ايده اليه
جان بيها كاكو بلعت غصتي هه نفسه لكاكو ليحبه باهر كلشي يذكرني بيه شون انسه لو يروح لحضه من بالي اخذته من ايده و
دخلت للمطبخ كعدت على لكرسي وخليت لكاكو كدامي على طاوله و باوعله بروح مكسوره همست ليش هذا نوع تحديداً جبت منه وهوا كلش قديم
صهيب: كعدت مقابيبلها وخرت خصلات شعرها من وجها صار كم سنه بكل مرا جنت اطلع وياج اشوفج توكفين يمه وعينج عليه وماتشترينه هل كثر متئذيه بسببه وكل ذاك لحزن ولحسره بداخلج
من شوفينه ليش تكتمين بداخلج ليش ما شاركيني همج الاشياء الي كلبج تعبان منها ليش ماتحجينها اليه تعرفين شنو يصير بحالي
من اشوف كل هذا الحزن بعيونج تهشمين كلبي تمردينه مرد انتي موبس حبيبه لا انتي بنيتي ابوج اني الأب من يشوف بنته حزينه
ومهموه هو هم يحزن ويهم اني هاي دنيه كلها ماتهمني وحدها انتي الي تهميني تعب كلبي انتي سنين متلوع بحبج اول عشك لكلبي
يمج اعيش مراهقتي واني زلمه تحسبله الزلم الف حساب من ينذكر اسمي هذا كلبي يمج طفل يفرح بشوفتج يفرح لفرحج لو شنو
يصير وياج راح تلكيني اني الي واكف ساند ضهرج هاي لعيون ماريد الحزن يلوحها شنو الي اسويه ويفرحج كلشي ترديه طايحلج بس ماشوفج هيج
YOU ARE READING
جمرة عاشق
Mystery / Thrillerسكن ذاك الاثأر عقلها وقلبها تسعى من اجل ان تأخذ بثأرها منهم وشاء القد أن يعشق قلبها من ذاك الذي سيهدم قلبها وتجد بطريقها من سيئخذ بثارها وثأره ... ✨🤎
