وذا شح الوصل متشح الطيوف
نسد عيونه وب احلامنه نشوفك ♡
بعد مده من الزمن♡
صهيب: يوم اصعب من يوم يمر عليه كل ما احاول اوصله يرجع يضيع مني بخطواطت بعيده اريد افهم شنو سر هل عداوه متقصدني شخصياً كل ماتقدم خطوه بشغلي تزيد لعداوه ويرجعني
لصفر تعبت واني اكرض وتعب من دون مجهود اخ اخ فوك ضيم شغل ضيمها على كلبي صار فتره كلش مشايفها مشغوله بمتحاناتها
هاي اخر سنه وتتخرج ومنا شغل وكلش ضغط عليه يوميه اتصل بس اطمن على اخبارها وسده ليوم شوك جاس كلبي كلش شفت
ساعه خلص دوامي كلت اروحلها اكيد هسا بشغل خليت سلاحي بحزامي وخذت جكايري وسويج سياره وطلعت بوجهي للمطعم
ورثت جكاره وطريق كله تفكيري وكلبي يمهاا شنو الي بيج وهيج حبيتج صارر اكثر من سنه اعرفج وقريب عليج مافهمتي مشاعري
كل ذاك اهتمامي وكلامي معقوله ماحسيتي انو اني عاشكج اخ الله يعينك يكلبي وصلت للمطعم نزلت دخلت كعدت بمكاني المعتاد
شويه وجتي بتسمت بوجهي سلمت عليه طلبت اكل خفيف شفت رائد منتجي على باب المكتب مالته ويباوع الها ومبتسم احس چن
واحد شمر عليه تيزاب حتركت حرك وهياا شكد فطيره هاي فطاريتها شكت كلبي شك شايفه ناس كله هيج مثلها على نيتها
بيضه شويه واجتي قدمت اليه طلب مالتي خزرتها رافعه شعرها وضيم الله كله مبين احممم نزلي شعرج لو تغيرين ملابسج مو حلو
ناس هيج تشوفج ماشي بويه حسيتها نحرجت ودكمت قميصها اكثر بتسمت وراحت ضليت اكل وارقب بيها وين تروح وين تجي شويه وجه رائد كعد يمي
رائد: مساء الخير اليوم منورنه حضرت الاواء صهيب شونك شخبارك
صهيب: مساء نور، شنو جن وجودي مضايقك بشي لو اني غلطان
رائد: لاا يابه شنو مضايقني بالعكس سيدي لمكان مكانك بس نكول صار فتره ماكو مانشوفك
صهيب: اممم مشغول هل فتره بالمركز مثل ما تعرف بعد هذا عملنه
رائد: المهم اني جايك بشغله حسب ما اعرف لست غيوم تقرب الك
صهيب: بلعت ريكي وتوترت اي نعم تفضل
رائد: احم غيوم خوش بنيه وانسانه محترمه وطيبه ومثابره كل مواصفاتها تعجب هوايه شباب واني من ضمن هذوله شباب وحاب
اتقدم الها بسنت الله ورسوله كلت نشوفك تحجينه ويا اهله ع اقل احد نعرفه يتوسط النه فا اجيتك
صهيب: كتمت غضبي ورصيت على اسناني بقوه شبكت اديه وخليتهن على طاوله وحجيت تريد تجي تخطبها مو صح بس تعرف هيا شنو ضروفها حته تجي تخطبها حجيت وياها هيا موافقه لو لا
YOU ARE READING
جمرة عاشق
Mystery / Thrillerسكن ذاك الاثأر عقلها وقلبها تسعى من اجل ان تأخذ بثأرها منهم وشاء القد أن يعشق قلبها من ذاك الذي سيهدم قلبها وتجد بطريقها من سيئخذ بثارها وثأره ... ✨🤎
