🧑⚕️Chapter 104
နောက်ဆုံးတော့ သာယာလှပသည့်ညနေခင်းအချိန်အခါလေး ရောက်ရှိလာပြီဖြစ်သည်။
ကျန်းချန်နှင့်ဆက်သွယ်ရန် ကျရှုံးသွားပြီးနောက် ဟော်ချန်ချွန်း တမင်တကာပင် သူ၏လေယာဉ်လက်မှတ်ကိုရှေ့တိုးကာ တရုတ်ပြည်သို့ပြန်ရန် နှစ်ရက်ရှေ့တိုးလိုက်သည်။ လေယာဉ်ပေါ်မှဆင်းသည်နှင့် လီယာလေ့နှင့် ကျီဟွား၏ပြင်ပလူနာဌာနတွင်စုံကာ လူနာကြည့်ပြီးပြန်လာသော ရှန့်ဖန်းယွိကို လမ်းတွင်ပိတ်ဆို့ထားခဲ့ကြသည်။
ဂျပန်နှင့်ကိုရီးယားစတိုင်ဝတ်ဆင်ထားပြီး အစိမ်းရင့်ရောင်ဦးထုပ်ဝိုင်းကို ဝတ်ထားသူမှာ ဟော်ချန်ချွန်းဖြစ်ပြီး စီးပွားရေးဆန်ဆန်အနောက်တိုင်းဝတ်စုံဖြင့် စိမ်းပြာရောင်နက်တိုင်စည်းထားသူမှာ လီယာလေ့ဖြစ်လေသည်။
အချိန်အတော်ကြာခွဲခွာခဲ့ရပြီးနောက် အခန်းဖော်သုံးဦးမှာ ပြန်လည်ပေါင်းစုံသွားကြပြီဖြစ်သည်။ ရှန့်ဖန်းယွိ သူတို့ကိုကြည့်ကာ မျက်ခုံးကိုပင့်၍ နှုတ်ဆက်လိုက်သည်။
" မတွေ့တာကြာပြီနော် မင်းတို့ကအစိမ်းရောင်တွေ တိုက်ဝတ်ထားကြတာဆိုတော့ ဒါကနွေဦးရဲ့ခေတ်ပေါ်အရောင်အသစ်များလား…"
ဟော်ချန်ချွန်းနှင့်လီယာလေ့ : "...."
" မင်းဒီညအားလား…" ဟော်ချန်ချွန်းမှ လည်ချောင်းကိုရှင်းကာ ခြိမ်းခြောက်သည့်အပြုံးဖြင့် မေးလိုက်သည်။
" မစ်စတာလီက မင်းကိုညစာဖိတ်ကျွေးချင်နေလို့လေ…"
" ကားထဲဝင်တော့…" လီယာလေ့ မျက်လုံးကိုမှေး၍ အံကြိတ်လျက်ဖြင့် ပြောလိုက်သည်။
" မာစတာဟော်ကလည်း မင်းအတွက်ဝိုင်နီတစ်ပုလင်းပါလာတယ်တဲ့…."
ရှန့်ဖန်းယွိ သူတို့နှစ်ဦးကို တစ်ချက်ကြည့်ကာ သေစေနိုင်လောက်သော ထိုးနှက်ချက်တစ်ခုပေးလိုက်သည်။
" ဟင့်အင်း ငါကျန်းရွှိကို အိမ်ပြန်ပို့ရဦးမယ်…"
" သောက်ကျိုးနည်း…"
" မင်းသောက်ကောင်…" ဟော်ချန်ချွန်း ပြိုလဲကျသွားပြီး " မင်းတို့နှစ်ယောက်တကယ်ကြီးတွဲသွားကြပြီလား…"
YOU ARE READING
Dr.ကျန်း (ဘာသာပြန်)
RomanceTranslation တစ်ပတ်သုံးပိုင်း update တင်ပေးပါမယ်နော် ဖတ်ပေးကြပါဦး ???????? All credit to Original Author and E translator. Thanks for reading ????
