جنون من طبقة مُخملية

part 3

بسم اللّٰه الرحمٰن الرحيم
_________________
يا بُغْيَةَ القلْبِ لو تدرينَ ما مَلَكَتْ
‏عيناكِ في الفتكِ؛ لاستَغْنَيْتِ بالنَّظِرِ
___________

حجيت بخوف ، ليلى : شـ شنو تريد مني !

_ بت سلوى الـ**** اريد أطلع بروحج

فتحت عيوني من وصف أمي بهلوصف القذر ، حجيت بانفعال وغضب ، ليلى :  عفواً خليني محترمتك إياك ثمَ إياك تجيب طاري امي واذا أكو نفس الوصف القذر الوصفته ف أكيد أحد بناتك هيج .

فتح عيونه بغضب وماحس اله وسحبني من شعري يمشي ويسحلني وياه بلگاع صرخت بألم حسيت شلع شعري من جذوره

_ الواضح سلوى ماعرفت تربيج سهلة انا أعيد تربيتج ***** 

دفعته بقوة ارتد ورا ، گمت بسرعة من الگاع قبل ليرجع يسحلني 

ليلى : رغم سنك ورجليك واصلة للگبر بس مع هذا عديم الأخلاق ولا كانُ الي بعمرك مخلصينها عبادة بأجر عگبة يدفنوك خاف الله

_ بت الـ***** تعلميني شسوي شو اليوم مخلي عقلي بعقلج

قبل ليقترب صرخت صرخة مستحيل المنطقة ماسمعتها ، بقيت اشيل نفسي وارگعها بلگاع واصرخ بقه صافن علية بقيت على هل حال لدقايق لحد مالتموا البيت على صوتي بقوا يتسائلون شكو وشكو

إيهاب : هدي خوية هديي

دار وجهه على الرجال بسرعة حجه بانفعال ، إيهاب : شسويتلها هاااا شسويتتت

_ چذابة ماسويت شي تمثل شبيكم

رولا : والله عيب عليك جان استحيت على شيباتك مخلي عقلك بعقل هلطفلة مو حتى اصغر من بناتك حسبي الله ونعم الوكيل

_ اششش كضي لسانج لا

قاطعه إيهاب بصياح ، إيهاب : لا شنووو هاا !؟

_ عمو إيهاب خلي مرتك تلزم لسانها شفتها شون تتجاوز ولا عبالك بگد ابوها انا

أيهاب : جان استحيت على نفسك من تضرب وحده بگد بناتك

_ هههههه مصدگين انتم ولكم بابا ماسويت شي هلـ**** تمثل

صرخت بخوف مصطنع ، ليلى : يتحرش بيه ولج يمهه الحگيليي

كل الموجودين بقوا يباوعون بصدمة على هلشايب القذر ، صاح بصوت رج مخي رج

_ هو امج ****** شطلعين قابل نبي بت **** تريد تبليني

حجت وحده من الموجودين  : عمو نعرف عدكم عداوة وي امها بس ماتوصل تتحرش ببت اخوك استغفرالله العلي العظيم

إيهاب : شسوالج ليلى احجي

بقيت ساكته واباوع على الاسمه عمي أمثل الخوف بنظراتي ، لمست نظرة عطف من الموجودين ابتسمت بداخلي هسه بدينا اللعب