﴿ بسم اللّٰه الرحمٰن الرحيم ﴾
_________
إن العيون التي سلت لواحظها
لم تدرِ عن مغرمٍ أودى بهِ النظرُ
كأنما السهمُ عيناها رمتهُ بِنا
فشق قلبًا بهِ من فعلها أثرُ ..
__________________________
خلصت محاضراتي بعد مانهلكت هلاك اكره الجامعه بس المصبرني مستقبلي ، رحت اتمشه للكراج جنت هناك صافه سيارتي دامشي واحس احد وراي بلعت ريگي ودرت وجهي بسرعة اخذت نفس من شفت ماكو احد
رحت بسرعة صعدت سيارتي وانطلقت للبيت مرت مده قصيرة ووصلت للبيت صفيت السيارة گدام الباب على كيف ماريدها تنخدش لأن وراها راح ادفع تكاليفها، فتحت الباب ونزلت أخذت نفس بقوة جان الجو بداية الربيع كلش حلو
فتحت الباب ودخلت للبيت وعلى ثغري ابتسامة هادئة
من وإني طفلة أبتسم بوجهه الكل حتى لو ماعندي عرف بيه راح ابتسم تلقائيًا اكو بيهم يردولي الإبتسامة واكو لا يگلبون عيونهم ، دخلت داخل البيت امشي وادندن بكلمات من يمي
عيونه اخ ياعيونه ياريته يگابلني احبه وأعرف شلونه
حبيبي مرلي بس مرلي حبيبي اههه بس مرلي
سلوى : يمرلج ليش لا
درت وجهي على مصدر الصوت ، ابتسمت بمكر : ميمرلي ادبسزز
سلوى : افف واني امچ ياليلى ياهو هذا ولچ
حجيت بدلع ، ليلى : نسيبج المستقبلي
سلوى : بعد عيني عينج بايعتها شو انتِ
ليلى : يااا غير انتِ أمي يعني مثل صديقتي وصندوق أسراري
حجت باستهزاء ، سلوى : أسرارج ؟ بنتي واعرفج مامخليه لزمه عليج
ليلى : الحذر واجب يوم
سلوى : عفتي الوادم كلها وتحذرين من امج خفه لهل وجه أي واللّٰه
دارت وجها زعلانه ، رحت حضنتها من ورا وصحت بصوت عالي
ليلى : ولچ يوم
سلوى : لچلاچة بعضامج
ليلى : ولچ يمه
سلوى : ها وغمه
ليلى: ولچ مامااا
سلوى : ها يماما هاااا
ليلى : يابوية يايابة ولج يمهه
سلوى : بت الزربة مسويتني مضحكة دوخري وخري
دفعتني وراحت متعصبة ، ضحكت ولحگتها ،ليلى : هايشبيج سلوو شو متتحملين شقة
( شقة لو بيت، اللّٰه بلخير حبيبيني🦦)
سلوى : دولي ولي خلصبح الغده جوعتيني شگد متلغين
ليلى : يااا
سلوى : وجعا ، عوفج من السوالف وتعالي سوي زلاطه
رحت يمها أسوي زعلاطه وإني ساكته مثل الحبابة ، كملنه صب وگعدنا ناكل بهدوء تام لأن مأحب احجي على الاكل ولا هيه صفه مشتركه بينا
YOU ARE READING
جنون من طبقة مُخملية
Mystery / Thrillerهدوء وراءهِ عاصفة انهيار، مضاهر مُخادعة، إبتسامة صفراء ،حب مُغلف بالكراهية ، برائة مُزيفة، حقد وغل في أعماقهم طغيان وتسلُط ....!
