بسم اللّٰه الرحمٰن الرحيم
______________
لتحَاول تلعب عليه
اني اللي علمتك
عاللعب
الأكبر مَنك ندمته تريدني
اتندم عليك؟
___________
واكفة على المرايا بكل فخر وسعادة غامرتني ، رحت متوجهه للجرباية اخذت الروب لبسته ، اليوم انتهت مسيرة كاملة حققت أمنية أمي وحلمي فرحانة ما انطي فرحتي الأحد ، درت وجهي من انفتح الباب شفتها أمي رحت امشي يمها
ليلى : حلوة ؟
حجت بدموع ، سلوى : تخبلين يمه تخبلين عين الله تحرسج دكتورتي
ليلى : هاي شنو راح تخليني ابجي ويخرب الميكب
مسحت دموعها ، سلوى : ماريد ولا دمعة حتى دموع فرح ماريد هذا أهم يوم بحياتج حتى أهم من عرسج ماريد شي يقهرج
ليلى : يبوو سلو فدوة للّٰه
سلوى : ديلا خلصتي ؟
ليلى : امم ، بس اخلي عطر اسبقيني للسيارة انتِ
عافتني ونزلت ، رحت خليت عطر بسرعة ونزلت لاحگتها لگيتها گاعدة بالاستقبال منتظرتني
ليلى : يلا عينيي أم الدكتورة شرفينا للسيارة
ضحكت وطلعنا سوه صعدنا بلسيارة وانطلقناا ، شغلت اغاني حماسية
ليلى : ولچ يومم اريدج اذبين لحم اليوم
سلوى : يا دهر صابج
ليلى : دهزي يمعودة اوييي
بقيت أسوق واهزلها جتف ، خلصنا الطريق ضحك ورگص ، صفيت السيارة بعد ماوصلنا نزلت وقفلت السيارة تمشينه باتجاه باب الكلية
ابتسمت من شفت رولا كذلك بروب التخرج ماشاءالله تجنن تجنن ، لوحت النا من بعيد واجت بسرعة باتجاهنا
رولا : هلو خالة
سلوى : هلو حبيبتي
رولا :ههههه شگد حلوة طالعة خالة
بخجل ، سلوى : حبيبتي عيونج الحلوة
ليلى : هاي شنو خجلتي سلوو ماقبل ولتتغزلين بيها أغار ها
رولا : عيني إسفين اسفين ، بس مزوجة امج؟
سلوى : دهر دهر ولج
رولا : هههههه يلا امشونا ندخل
رحنا وكفنا حتى ياخذولنا صور وي الدفعه ، وين يلا خلصنا كل الوقت عيني على أمي تباوع بفرحة عليه وساعة تباوع للسما واضح جانت تحجي شفتها جانت تتحرك على كيف
بسرعة رحتلها أول ماخلصنا الصور ، لزمت أيدها ورحت باتجاه المصور
سلوى : وين ماماتي
ليلى : برائيج بهيج يوم مهم وماخذ وياج صورة ؟
اكتفت ان تبتسم ، حاجيت المصور ياخذلنا صورة ، اشرلنا نوكف على جهه
أنت تقرأ
جنون من طبقة مُخملية
Mystery / Thrillerهدوء وراءهِ عاصفة انهيار، مضاهر مُخادعة، إبتسامة صفراء ،حب مُغلف بالكراهية ، برائة مُزيفة، حقد وغل في أعماقهم طغيان وتسلُط ....!
