Red String

എട്ട്

ഋതു അവളുടെ ഓഫീസിൽ പുതിയ ട്രൈനീസിനെ നിയോഗിക്കുന്ന തിരക്കിലാണ്. മെയിൽ അയച്ചവരിൽ നിന്നു ക്വാളിഫിക്കേഷൻ ഉള്ള അപ്ലിക്കേണ്ട്സിനെ സെലക്ട്‌ ചെയ്തു അവരെ ഇന്റർവ്യൂനു വരാൻ നിർദേശിച്ചു കൊണ്ടും, സെലക്റ്റ് ആകാത്തവരോടു ആ വിവരവും ധരിപ്പിച്ചു മെയിൽ അയക്കണം...

രാഹുലും അവരുടെ ടീം മെമ്പറായായ ആശയും ഉണ്ട് കൂടെ...

ആശ : ഈ കൂട്ടി കൊള്ളാലോ... വന്നു കഴിഞ്ഞ ഇവിടുത്തെ കോഴിക്കുഞ്ഞിങ്ങൾ എല്ലാം ഉണരൂ....

ഒരു പ്രൊഫൈൽ നോക്കി അവർ പറഞ്ഞു...

രാഹുൽ : അങ്ങനെ look നോക്കി മാത്രം നമുക്ക് ആളെ എടുക്കാൻ പറ്റുവോ ആശ ചേച്ചി...

രാഹുൽ ചിരിയോടെ പറഞ്ഞതും ഋതുവും ചിരിച്ചു...

ആശ : അയ്യോ മോനെ... നി പേടിക്കണ്ട ആ കോഴികളുടെ ഇടയിൽ നി പെടില്ല...

ഋതു : അത് ശെരിയാ... ക്യു നിക്കുവല്ലേ ആൾകാർ എന്നാലോ രാഹുൽ തിരിഞ്ഞു നോക്കില്ല...

രാഹുൽ : നിങ്ങൾക്കു ഇതല്ലാതെ വേറെ ഒന്നും പറയാനില്ലേ... പോയി വർക്കിൽ ഫോക്കസ് ചെയ്‌...

ആശ & ഋതു : ഓക്കെ രാഹുൽ സർ....

ചിരിയോടെ പറഞ്ഞു ഋതു അവളുടെ സ്ക്രീനിലേക്കു നോക്കി... പക്ഷെ പെട്ടന്നു അവളുടെ മുഖത്തു നിന്നും ആ ചിരി മാഞ്ഞിരുന്നു...

ഋതുവിന്റെ കൈകൾ എന്തോ വിറച്ചു, ചുണ്ടിൽ ചെറിയ വിയർപ്പു പൊടിഞ്ഞു...

സ്ക്രീൻ തെളിഞ്ഞു വന്നത് കാവ്യയുടെ ബിയോഡേറ്റ ആയിരുന്നു...

ആശ : അണ്ടർ ക്വാളിഫൈഡ് ആണല്ലോ.. ഇവരൊക്കെ എന്തിനാണോ വെറുതെ മെയിൽ അയച്ചു സമയം കളയുന്നത്...

ഋതുവിന്റെ സ്‌ക്രീനിൽ തെളിഞ്ഞു വന്ന ബിയോഡേറ്റ കണ്ടു ആശ പറഞ്ഞു...

വീണ്ടും അവർ അവരുടെ ജോലികളിലേക്കു തിരിഞ്ഞു അപ്പോഴും ഋതു ആ സ്ക്രീനിലേക്കു തന്നെ നോക്കിയിരുന്നു....

പറഞ്ഞറിയിക്കാൻ പറ്റാത്ത എന്തോ ഒന്ന് അവളുടെ മനസിലോടെ കടന്നുപോയി....

ഹോസ്റ്റൽ റൂമിൽ നിന്നു പുറത്തേക്കുള്ള ജനൽ തുറന്നു അവിടേക്കു നോക്കിയിരിപ്പാണ് കാവ്യാ.. വേറെ പ്രത്യേകിച്ചൊന്നും ചെയ്യാനില്ല. ശീതൾ രാവിലെ തന്നെ ജോലിക്കിറങ്ങി...