''စိတ်ဆိုးနေသလား''
''ဘာလို့လဲဗျ''
''ကျုပ်မနက်ကနှုတ်မဆက်သွားမိတာလေ''
ဆက်ထင်ပြောလိုက်သည့်စကားကြောင့်မောင်ခတ္တာရဲ့ရယ်သံလွင်လွင်လေးဟာထွက်ပေါ်လာပြီးခေါင်းခါရမ်းသည်။
''ကျွန်တော်ကကလေးမှမဟုတ်လေဦးထင်ရယ် ထိုင်ပါဦးဗျ''
သူ့အရှေ့မှကုလားထိုင်ဆီသို့ လက်ညိုးထိုးပြ၍ထိုင်စေသည့်အတွက် တွေဝေခြင်းမရှိပါပဲထိုခုံတွင်ဝင်ထိုင်လိုက်သည်။ ထိပ်ဆံပင်လေးများကိုစု၍စည်းထားပြီးခါတိုင်းလိုပင် ဒီနာနတ်သီးလူသားလေးမှာချစ်စဖွယ်လေးဖြစ်နေ၏။
မျက်နှာလေးကြည့်လိုက်ရသည်နှင့်တဖက်လူအားအေးချမ်းသွားသည်အထိ မောင်ခတ္တာမှာဆုတောင်းကောင်းလွန်းသည်။
''ဦးထင်ဂစ်တာတီးတတ်လားဗျ''
''သိပ်တော့အကျွမ်းတဝင်မရှိပါဘူး မောင်ခတ္တာ အပေါ်ထပ်ပစ္စည်းတွေတောင်ကျုပ်ဘာမှမလုပ်တတ်လို့ဒီအတိုင်းသိမ်းထားရတာ''
''ကျွန်တော်တွေ့ပြီးပါပြီဗျ အားလုံးဟောင်းပြီးနည်းနည်းပျက်စီးနေပြီ နှမြောစရာအကောင်းဆုံးက Pianoကြီး''
မျက်နှာလေးရှုံ့တွလျက်ပြောလာသည့်အခါ ဆက်ထင်ခေါင်းသာငြိမ့်နေမိသည်။
''ကျုပ်မင်းဂစ်တာတီးတာနားထောင်ချင်ပါရဲ့မောင်ခတ္တာ''
''ဗျာ''
အံ့တကြီးနှင့်ကြည့်လာပြီးနောက် မောင်ခတ္တာက ခေါင်းခါလာသည်အခါ ''ဘာလို့များလဲ''ဟုမေးလိုက်သည်။ ထိုသို့မေးလိုက်သောကြောင့် နားရွက်လေးနှစ်ဖက်ဟာအနည်းငယ်နီသွားဟန်ရှိ၍ နှုတ်ခမ်းလေးကိုဖိကိုက်ကာ။
''ကျွန်တော်ဦးထင်ရှေ့ဂစ်တာတီးရမှာတော့ရှက်လို့ဗျ''
မောင်ခတ္တာ တူရိယာတော်တော်များများကိုကျွမ်းကျင်စွာတီးတတ်သည်ကို ဆက်ထင်သိသည်။ ဘယ်လိုမျိုးတတ်မြောက်လာသည်ကိုတော့မမေးမိ မေးလိုက်သည့်အခါတိုင်းနေရခက်စွာနှင့်စကားလမ်းကြောင်းများမြန်မြန်လမ်းလွဲတတ်သည်မလို့ ထူးထူးဆန်းဆန်းရှိသော်လည်း မောင်ခတ္တာအားအတင်းအကြပ်မမေးတော့ချေ။အနီးကပ်နေသည့်အခါမှသိရသည်က မောင်ခတ္တာမသိမတတ်သည့်အရာတွေမရှိသည့်အပြင် သင်ပြလိုက်တိုင်းနားလည်တတ်မြောက်လွယ်လွန်းသည့်ဦးနှောက်ကလေးကိုတော့မချီးကျူးရမနေနိုင်။
DU LIEST GERADE
Rebirth As Khattar (ခတ္တာအဖြစ်ပြန်လည်မွေးဖွားခြင်း)Completed
Romantikနေညိုသွေးဆိုတဲ့ကောင်လေးတစ်ယောက်ဟာအောင်မြင်တဲ့အဆိုတော်ဘဝကနေမထင်မှတ်ပဲဝေဖန်တိုက်ခိုက်မှုတွေကိုခံခဲ့ရတာကြောင့် သူ့ဘဝကိုလက်လျော့လိုက်ပြီး သေကြောင်းကြံစည်ခဲ့တယ် သို့ပေမယ့် အချိန်ကူးပြောင်းပြီး ၂၀ ရာစုကခတ္တာဆိုတဲ့ ကောင်ငယ်လေးရဲ့ခန္ဓာကိုယ်နဲ့ပြန်လည်မွေးဖွ...
အပိုင်း ၆၆
Beginne am Anfang