#قصة_المراءة_اللي_تزوجها_زوجها_غصب
جزء 13
في قفطان أخضر قصيرر وكت من فوق نحط فيه عليا ونقيس فيه نشوف فيه كيف ف شفت للباب لقيته يشوفلي قالي يطلع عليك اللون هدا انحس فيه
تفاجأت بكلامه
قتله معليش بنغير حوايجي قالي تمام نراجي فيك برا
غيرت حوايجي وتيت قفطاني اللي بنلبسه واكسسوارتي وطلعت رفعني للمزين ومكيجت ودارتلي شعري فلو ومحلول خلاته
ب أمانة شفت روحي ف المراية طلعت احلي حت من عرسي 🥺❤️
لبست خماري وعبايتي وطلعت
قالي تمام نروح بيك توا قتله اي نروح نلبس ونمشو
اول ماوصلت هوا قعمز ف صالون واني خشيت نلبس لبست ووصلت ف سريته من الخلف ماعرفتش نديرها بروحي 🥲
ناديت عليه قتله معليش تسكرلي سريته ؟
جي قعد يشبحلي
قتله خيرك تسكرهلي ولالا ؟
قالي اي اي توا نسكرهلك
حولي شعري القدام وقعد يسكرر فيها
ورجعلي شعري قالي ماتبي شيء قتله لا صحيت
قالي متغيرة هلبا ❤️
سكتت وكملت باقي اكسسوارتي ولبست عبايتي خماري وخديت الهدية وطلعنا
وخدالي ف طريق كيكه وحلويات قالي خشي بيهم
وصلنا ونزل شدني من ايدي قالي ماتشوفيش بالخمار بالك اطيحي وصلني لعند الباب وجتني حماتي لما شافته هكي فررررررحت
وقالي امتي ماتبي تروحي رني عليا توا نجيك
قتله تمام
قامتلي خماري حماتي قاتلي وين طايحه ف هالمزين تهبلييي قتلها والله صدفه خشيتله مانعرفاش من قبل
عطيتها الحاجات وخدت عبايتي وخشيت ع الضيوف سلمت وحماتي قعدت تعرف بيا
وحدة من الضيوف شكلها قريبتهم درجة اولي قاتلها هادي الاولي ولا التانيه
ضروري الغصة ف كل مكان
قعمزت وجتني عزوزتي قعمزت بحداي قاتلي صحه طالعه قنينه قتلها سلمك عمتي صحيتي
تعشينا ووجي وقت قص الطورته عطيت بنت حماتي الهدية وصورتها وكلينا حلو ونسكافي وبدو ناس يروحو وقعمزت معانا حماتي وقعدنا نهدرزو وماحسيتش بالوقت لين جاني مسج منه قالي نجيك ؟
قتله تعال ماحسيتش بالوقت خدتنا الهدرزة
قلت ل عمتي بتروحي معاها ؟
قاتلي لا بايته
قلت ل حماتي ترا عبايتي بيجيني
ناضت عمتي قالت بناخذ دواي اني
خدتني حماتي ع جنب وسألتني صار شيء بينكم ؟
قتلها لا بس متحسن معاي شوي
لكن هديكا مش مخلياته يتحسن معاي تتصل بيه وسمعتني كلام اخيييه
قاتلي مادوريهاش وع فكرة راهو اتصل بيا وقالي ندمت اللي تزوجت طلباتها هلبا ومنكدة عليا ولامهتمه بيا ديما عند اهلها واني غداي وعشاي من برا وترقد لظهر مادرليش ففطور
شكالي منها هلبا انتي مادا
