#قصة_المراءة_اللي_تزوجها_زوجها_غصب
جزء 6
نضت صبح وقررت نمشي لاهلي وتيت كل لبسي وحاجاتي وطلعت من دار قعدت نطلع ف شناطي متعي وهوا مقعمز ف صالون ويشبح قتله هيا ارفعني لاهلي قالي نازل بنولع سيارة قعدت انزل ف شناطي بروحي ننزل ونعاود لقيت عمي بو زوجي ف جنان قالي خير مافيش سوء ؟
قتله المي والملخ خف ياعمي
ومشاله ف سيارة وحلف ايمين طلاق كان اني نمشي لاهلي تبدا امك مطلقه
سي السيد ماعجباش الكلام وطلع بسيارة يسطرب
واني دخلني للحوش وكلم سلفي يرقي شناطي فوق
جمعتهم عمي وعمتي وقتلهم اني خلاص المي والملح خف بينا مافيش داعي نقعد مع واحد مايبينيش حرام عليكم زوجتوه وحذه مايبيهاش طلمتوني والله طلع عمي ووجهه احمر
وعمتي قعذت تكلم فيا ومعليشي وتوا مع الوقت تتعودو ع بعضكم ولما تجيبله الصغار يتغير
قتلها اي صغار عمتي راهو اني قاعذه بنت من غير الكلام اللي يحطلي فيه زي السم مش طايقكك ومانبيكش ومتقزز منك راهو عندي كرامة وكذبت ع اهلي وتوا حت كان نمشيلهم كيف بنواجههم كيف
انصدمت عمتي قاتلي كيف هالكلام والله غر مايروح توا نوريه حسابه وركبتني لشقتي وقاتلي استهدي بالله وتوا اني نكلمه ونوعييه
قعدت حاطه شناطي ف الممر مادسيت شيء مقعمزه ونطقطق ف صوابعي ومتوتره كنت خايفه من ردة فعله وخايفه من كلامه القاسي معاش عندي حيل نتحمل روح مع المغرب ونسمع ف دوشة تحت شفت من روشن لقيت سيارته وبعد شوي سمعت خطاويه ف درج جريت قعمزت ف صالون
فتح الباب وقربعه بقوووة قالي تحرشي فيا ف امي تقوليلها انك قاعده بنت انتي كان تتحشمي حاجه بينا ماطلعيهاش
قتله لحظه بس .. بينا !؟
ولانقولك ماخاطريش نتكلم ولا نتناقش
تعبت نفسياً وجسدياً وذهنياً وكل شيء
اني مش طايقتك مانكدبش عليك ف الاول حبيتك وفرحت بيك وكنت خاطري نفرح زي اي بنت لكن الله غالب ربي قدرلي نعيش مكسورة الخاطر
وتوا نحب نبشرك اني مش طايقتك ولاعاد نحب نشوفك ولانسمع صوتك اني عندي كررررررامه ولو مش حلفة بوك اليوم كنت اتصلت ب خوي رفعني الموضوع هدا بينحل ماتخافش كان مش اليوم غضوة
وخشيت لدار كررررررهتها حاسه روحي ف حبس كل مانطلع يقلب ف وجهه عليا تعبتتت والله تعبتتتت
بدي يرفع فيا لاهلي مرررره ف شهر وعايشين عالحال هذا نحاول ناكل قبل مايروح بيش لايشوفني لانشوفه ولانطلع قدامه ف يوم رافعني لاهلي..
