#قصة_المراءة_اللي_تزوجها_زوجها_غصب
جزء 4
نقهرت من وسط خاطري ووين شافني خشيت المطبخ قعد يقوللها نحبك ياعمري والله نحبك ولاتحلم غيرك توصل فيا
بـ أمانة نسدت نيتي قعمزت ع طاولة المطبخ وقعدت نبكي خديت شيشة ميه وخشيت لدار وشديتها بكاء للفجر نضت توضيت وصليت وحصلت غفوة شوي مع ساعه 10 نضت حوست ع الحوش شوي ولبست ونزلت لقيت بنات خالاته قاعدات وقعدو يضحكو يقولولي في عروسه تنزل لعزوزتها من ثالت يوم خيرك انتي ؟؟
ولامش عروسه ههههههههههه
قتلها لو عندك عماء ف عيونك قوليلي
واموري حاجه تخصني سكتن ونا خشيت شوي ل عمتي صبحت عليها وقعمزت شوي وبعد روح هوا لان كان طالع استأذنت من عمتي وركبت لحقني ف درج وقالي ليش نازلة قتله قلت نصبح عليهم قالي قتلك اطلعي من الحوش نا قتله مش لازم تقولي وعديت لشقة وهوا لحقني كيف بيتكلم
دموعي نزلن وقتله اسمع نا مش راعية مشاكل وماشيه ف حالي ولانحب نجرح حد نا مادرتش عيب نزلت صبحت ع امك والحوش تحتي ليش نشاور فيك ع تصبيحة امك
ونضت بدري وملييييت ف شقه بروحي قلت ننزل نصبح عليهم خلاص خليني ف حالي 💔
سكت ونا خشيت داري وهوا قعد اليوم كله ف الحوش ومانزلش ونا قعدت للمغرب ف دار بلا وكال
المغرب صبيت قلت ندير حاجه ناكلها ليا كم يوم مانأكلش كويس كيف خشيت مطبخ لحقني قالي نا بايت برا مع صحابي ومش لازم هالكلام توصليه ل اهلي وطبعاً نا مانشاورش فيك ولاناخذ الاذن منك بس عشان اهلي مايحسوش علينا انه مافي شيء بينا ويستغربو اني بايت برا
قتله بات وين ماتبي وخشيت مطبخ شفت وراي لقيته يشوفلي ماعدلتش عليه درت سفرة وقعدت نأكل قدام تلفزيون وهوا طلع
كانت ليلة صعبه عليا حوش غريب وبروحي مع نفسيتي اللي تاعبة كنت خايفة رغم انه اهله يسكنو تحتي بس خفت ندور ونسكر ف البيبان
تاني يوم روح صبح بدري ممكن ساعه 8 بيش ماحدش يلاحظه من هله
كنت راقده سمعت الباب ينفتح وعيت ونا خايفة وبعدين قعد يقربع ويطق بسرررعه
كنت راقدة ف روب طلعت بسرعه مخلوعه جيت للباب نقول من من يقولي اني افتحي ليش مسكرة امه الباب من داخل فتحتله وقعد يشوفلي قتله خايفة خايفه سكرته من داخل
قالي ليش لابستيه هدا
قتله راقده بروحي وكان لبسته واللي قلبه مع غيره لو يقعدوه مع عشر نساوين مش حايشوفلهم وانت قلبك مع غيري 💔🥲
قالي كويس انك عارفه يكلم فيا ونا نشوف لرقبته …. يتبع تفاعلو وديرو دعوات للقروب. 🙂🙂🦥🦥
