#قصة_المراءة_اللي_تزوجها_زوجها_غصب
جزء 1
اني انخطبت وفرحت زي كل هالبنات ماعمريش حد خطبني ولادق بابي خواتي كلهم تزوجو الا اني جمالي جمال عادي جوني خطبوني والفرحة مش سايعتني وشفته وفرحت بيه وكان جماله الله يبارك قنين وسبحان الله حبيته من اول ماشفته حددنا الفرح وبديت نبتت وفرحانه بكل قطعه نشريها جي الفرح وهوا لا كلمني ولا حت شفته من رؤية شرعية ف الفرح يوم الخميس جت اخته دخلتني قلت شكله متحشم ركبوني ف سيارة قلت السلام عليكم رد وعليكم السلام كنت نراجي فيه يفتح موضوع يقول كلمة أقل شيء يقولي مبروك علينا شيء لعند ماوصلنا لأهله خشيت شوي وباركولي العيلة وبعدين طلعوني لشقة خواته وهوا مش موجود خشيت قعمزت ع السرير شوي ونسمع ف باب الحوش انفتح خش جي وكلمني قالي نبيك ف موضوع
قتله تفضل ان شاءالله خير
قالي اني مانبيكش اني نبي وحدة امازيغيه اهلها رفضو لانهم مايعطوش لغيرهم واني اهلي رفضو وخطبولي واني مش راضي واني مش متقبلك نقولهلك هكي من الأخير حت لما شفتك ف رؤية شرعية ماحبيتكش ولاتقبلتك ووافقت بيش نرضي اهلي مش اكثر لان امي بتغضب عليا معليشي ممكن كلامي جارح ليك بس هادي الصراحة حاتقعدي فترة لباس بيها ف الحوش ممكن ثلاته اشهر ممكن اكثر عشان كلام الناس عليك وبعدها حانطلقك وكل حد يمشي ف حاله وياريت الكلام هذا يقعذ بينا ومش طالب منك حت حاجه لاطيبيلي ولاتغسلي حوايجي ولا حت حاجه ماتحاوليش تتقربي مني وتقولي توا نغيره نلبسله نغريه ومن هالكلام نقطة وانتهي كلامي ومشي 💔
تصدقو الكلام صاعقه نزل عليا فرحتي ماكملتش هدا من غير الكلام اللي قاله جررررح جرررح مستحيل ننساه دموووووع يجرن ع وجهي وهوا طلع ولا كأنه ولاعنده احساس اصلاً نضت حولت الفيلو وخشيت تحت مية ساخنه ونبكي بالصوووووت انكسر خاطري ف ليلة عمري 💔💔
طلعت لبست بجامتي وخشيت انخمدت ف سرير رقدت بدون مانحسس مشيت فيها نضت صبح ع صوت الهاتف متعي لقيت الاتصال من …. يتبع
