﷽
#بين سلاسل العادات
بقلمي: kefeyah
لاتنسون متابعة الحساب🧡
التصويت والتعليق بين الفقرات...
"؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛"
يا نجمة صبح يانورك الغبشة
يابوسة محطه موازيه الممشة!!
محسن الخياط 🖤
"؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ "
سرى'
كاعدة وحدي بالبيت اتصل ومحد يجاوب القلق نهش گلبي اتذكر كلامة من يگول اعدائنا هواي خفت لاصار شي بسيلي لو بيه..
مر وقت طويل واني على نفس الكعدة من الخوف نسيت اخذ علاجي كوة كمت حسيت الدنيا تفتر بية
وصلت لباب الثلاجة وكعت...
هاي حالتي اذا ماخذ العلاج جسمي يموت بقيت على وكعتي بس عيوني تتحرك ودموعي تنزل بالكاع احس بروحي تحتضر اريد واحد بجانبي حسيت روحي تطلع وعيوني شوية شوية ينسدن..
لمسات خفيفة على خدي وهمسات قريبة مني اريد افتح عيوني ماكدر بين الوعي والا وعي حركت شفتي اليابسة:-اريد مي
ماعرف منو الشربني المي رجعت غفيت كعدت بعد فترة راسي يأذيني باوعت لديناتي زرگ مزرفات وكانولة ومغذي بايدي ...
-يا الله واخيراً كعدتي
دورت بعيوني الذبلانة اله كاعد بصفي وشكلة مخربط اول مرة اشوفة هيج ماكدرت احجي بس هزيت راسي..
-الحمدلله على سلامتج قلقتينة عليج.
اشوف الخوف بعيونة نزلت دموعي وميلت راسي للغطة ضميتة احس روحي غريبة بهذا العالم ماعندي سند لو متت منو يغسلني منو اليزور قبري شعور الغربة يذبح وين اهلي عني صفيت بطرگ روحي التعبانة والناس الغربة تهتم بية...
كل مايحجي واسمع نبرة صوتة المليان خوف ازيد بجي اسمع سيلي اجتي تهمس قريب مني وتطبطب على ضهري بحنية تذكرت نهى احس گلبي ورم لا اخت ولا اخو الناس الغربة احن منهم علية...
سلينا:-نعتذر منج لان عفناج وحدج بس صدكي مجان بيدنا لا ارداي صار التاخير حقج علينة
-على شنو تعتذرين اني الي اعتذر لان زدتكم وياريتني صاحية
-لتكولين هيج سراوي الله يشهد انتي مثل اختي اذا متشيلج الكاع نشيلج فوك روسنا
كلماتهم اهتمامهم دوة لجروحي بوقت شحت الادوية...
العلاج حسن من حالتي شوية كاعدة على القنفة وسيلي بضهري واكفة تمشط بشعري احس ايدية بايدة..
أنت تقرأ
بين ًسًـــلاسل العادات
General Fictionالعادات هي سلاسل قيدت العديد منا.. أما القدر فلة كلمة لاتتجزأ.. رواية جميلة تستحق القراءة متنوعة فلا تتوقف في بداية سطورها.. تعالو معي لنرى كيف تسير الاحداث ومن منهم ينتصر ؏ الاخر.. بقلمي:kefayah 2023/8/23
