بين ًسًـــلاسل العادات

آلَبًآرتٌ 7

بًسِمً آلَلَهّ آلَرحًمًنِ آلَرحًيَمً

#بين سلاسل العادات _وحكم القدر
بقلمي: kefeyah

كرزاتي لاتنسون التصويت +التعليق بين الفقرات +قراءة ممتعه 🌸🌸..

‏ما مرتاح
‏الحـزن نفس الحـزن
‏و الجـاي نفس الراح
‏ما مرتاح ..

‏لـ كاظم اسماعيل الكاطع

♕_________________________________♕

-يااااا شبيييجن عوووفنهااا يمااااا اخخخ ايددي خرمشتيننني العگررروگة

-اطلعي منهااا لا اجي اسحلج لو مو حياااوي يطلع وراج

شروق:-نووڤ امشي للغرررفة لاتنكتللين

-ما ماااا

-ووولج امشي

-ما اعووفج

دخلت افاككهن واندفرت دفرة دخلتني بالغرفة لزمت بطني متألمة مو عيشة هاي كل يومية عركة هاي اذا مو كل ساعتين طلعت روحي  وين بيتنة وين هنا.. كعدت بالزاوية ابجي ادية شخطنها شكد حقيرات ويحبن المشاكل كل شوية يطلعن شي بس يدورن شغلة حتى يتعاركن..

بعد دقايق طلت شروق وجهها احمر ومشخط وشعرها مكفش جانت بمعركة طاحنة اجت كعدت بصفي تشوف شبية مسحت وجهي وبلعت حسرتي ..

-اسفة والله اسفة عوفيني نوڤ ليش تدخلين اني متعودة لا تحاملي بعد

-هم صوچي امداني هاي بدال ماتگليلي عفية خوش فزعتيلي

-نوڤ يأذنج والله ماريد يشدن وياج من وراي

-هنا من البداية شادات وياي من اول يوم شافني

-هه هاي لا شي عوفيهن نوڤ ترى ذني يخوفن

-ليش يتعاركن وياج كولي.. بسبب رحمان موو

سكتت تلم بشهرها المتكفش نزلت دمعة من عينها مسحتها وابتسمت ابتسامة جانبية..

-محد يستاهل ابجي علمودة ولا اخوض معركة بس اني غبية نوڤ لا تأمنين باي احد غير اخوانج لو مدري منو

-هاا

-تتأذين والله وتعيشين بتعاسة طول عمرج

-فهميني حبابة يعني رحمان ماعندج وياة شي شلووون

سدت حلگي ماعرف ليش انفعلت بس مدا اگدر اربط شي كامت سدت الباب وكعدت گبالي تربعت جرت حسرة وشبكت اصابع ايدها وعيونها بالگاع منزلتهن..

-من جنا صغار جنت اني ورحمان حيل مقربين من بعض لدرجة ناكل سوى ونلعب وحتى نام سوى من جان يجينة لو نروحلهم، كبرنا وكبرت مشاعرنا الفطرية والله العظيم حبنا على الفطرة ماتجاوزنا شي.. حبيته وحباني بجنون واكيد واعدني نتزوج
بس اخ اخخخ الطرف الثالث المحد حاسبلة حساب