သူမရဲ့ အချစ်

Chapter 2 🚨🚨🚨

တရေးနိုးတော့ သူ့ကိုကျောခိုင်းအိပ်နေသည့် သူ့ရဲ့ ချစ်ရပါသောပျိုက နောက်ကျောပြောင် night dress လေးကြောင့် စောင်လွတ်နေသည့် ကျောနေရာလေးကအပြောင်သားလေးနှင့်မို့ သူ့စိတ်တွေကို မရိုးမယွဖြစ်လာစေသည်။
အိပ်ပျော်နေချိန်လေးတစ်ချိန်သာ သူမလေးမျက်နှာပေါ်မှာ တွေးဆွေးနေတာတွေ၊ သူ့ကိုရှိသည်မရှိသည်ကို စိတ်ဝင်တစားမရှိတာတွေမမြင်ရတာမို့ သူမလေးရဲ့အိပ်ပျော်နေချိန်ကို ​​နှောက်ယှက်ဖို့တော့ သူ့မှာ အစီအစဥ်မရှိပါ​​သော်ငြား။ အနားကို အသာလေးတိုးသွားပြီး ခါးသိမ်သေးသေးလေးအပေါ်သို့ သူ့လက်ကိုအသာအယာတင်ရင်းပွေ့ဖက်ထားလိုက်သည်။ ဖြူဝင်းအိစက်နေတဲ့ သူမလေးအသားအရည်တွေနဲ့ night dress အနီရဲရဲလေးကြောင့် ယဥ်လှပါသည်ဆိုတဲ့ အမျိုးသမီးလေးက ဒီညမှာတော့ တစ်မူထူးခြားစွာလှနေပြန်ပါတော့သည်။ ကြိုးတစ်ချောင်းအောက်လွတ်နေသည့် ပခုံးစွန်းလေးကို တစ်ချက်ဖွဖွလေးနမ်းရင်းက လက်ပြင်လေးသို့ ​လျှောဆင်းသွားကာ ကျောပြောင်လေးရောက်မှ သူ့အနမ်းတွေကို အဆုံးသတ်လိုက်ကာ သူမလေးကို ငေးကြည့်လိုက်မိသည်။ မျက်လုံးတွေမှတ်ထားသော်လည်း မျက်တောင်ရှည်ကော့​ကော့လေးတွေရဲ့လှုပ်ရှားမှုလေးတွေကြောင့် သူမလေးနိုးသွားတာ သေချာသွားပြီ။