၂။ ဗျူဟာခင်းတဲ့ အစ်မကြီးဇွန်ဘီ (Myanmar Translation)

YOU ARE READING

Fantasy

Title - Zombie Sister strategy Author - A wisp of Netherworld Inferno Credit to all

#action #adventure #comdy #fantasy #josei #zombieapocalypse

212

Start from the beginning

by MayHoney127

ရှောင်ယွင့်လုံသည် နောက်သို့တစ်လှမ်းဆုတ်လိုက်ကာ ဇွန်ဘီမလေးကို ကြည့်လိုက်သည်။ သူမ၏ မျက်လုံးအောက်က မျက်ကွင်းနက်များအရ ဇွန်ဘီဖြစ်သည်မှာ သေချာသည်။ သူမ၏ မျက်လုံးများကို မြင်သည့်အခါ သူမသည် အင်အားကြီးသဖြင့် ရင်ဆိုင်ရခက်မည် ဖြစ်ကြောင်းကို သိလိုက်သည်။ အရှိန်အဝါသည်လည်း သူ့ထက်တောင် ပိုသန်မာနေသည်။

သူမသည် ရှားပါးသည့် သန္ဓေပြောင်းဇွန်ဘီဖြစ်သည်။ မျက်နှာတစ်ဝက်ကို ထူးဆန်းသည့် အကြေးခွံဖြင့် ဖုံးနေကာ မျက်လုံးများသည် စိမ်း၍ မျက်စံများက မြွေများလို ကန့်လန့်ဖြစ်နေသည်။ ခြေသည်းလက်သည်းများသည် သာမန်ဇွန်ဘီများနှင့်မတူပေ။ သာမန်ဇွန်ဘီများသည် လက်သည်းရှည်ကြီးများ ရှိသည်ကလွဲ၍ သာမန်လူလိုပင်။ သို့သော်လည်း ဒီမြွေမျက်လုံးဖြင့်ဇွန်ဘီ၏ လက်သည်းများသည် သားရဲကောင်များ၏ခြေစွယ်လက်စွယ်များလို သတ္တုလိုမာကြောပုံရသည်။

ဇွန်ဘီမငယ်သည် တံခါးကိုပိတ်ထားသည့် သံကွန်ရက်များကို ဆွဲလှုပ်နေသော်လည်း မရပေ။ ထို့နောက် သူမသည် နောက်သို့ တစ်လှမ်းဆုတ်လိုက်ကာ လက်သည်းများကို ဖြည်းဖြည်းချင်းမြှောက်လိုက်၍ ရိုက်ချလိုက်သည်။

ဘန်း!

ဒီလိုဖြင့် ခိုင်မာသည့် သံကွန်ရက်တွင် အပေါက်ကြီးဖြစ်သွားသည်။ သူမသည် ပြတင်းပေါက်ကိုကြည့်ရင်း စိုးရိမ်နေသလိုပုံဖြင့် သံကွန်ရက်ကို ဆက်တိုက်ရိုက်နေသည်။

မုန့်ယွဲ့သည် လေးလွှာကနေ ခုန်ချလိုက်ပြီးနောက် ပြန်မော့ကြည့်လိုက်သည့်အခါ ရှောင်ယွင့်လုံက လိုက်ဆင်းလာသည်။

လင်းလင်းကို ခေါ်သွား! ငါလုပ်လိုက်မယ်

ရှောင်ယွင့်လုံသည် လက်နှစ်ဖက်ကို မြှောက်လိုက်သည်။ သူ့လှုပ်ရှားမှုနှင့်အတူ အနားက ပြတင်းပေါက်တိုင်းမှ သံဘောင်များသည် ပြုတ်ကျလာကာ လေးလွှာ၏ပြတင်းပေါက်ကို ကာလိုက်သည်။

မုန့်ယွဲ့သည် အချိန်ဖြုန်းမနေဘဲ ဝူယွဲ့လင်းကိုပွေ့ကာ အဆောက်အဦးရှေ့မှ ကွင်းထဲသို့ ပြေးသွားသည်။ သူမသည် ကားမောင်း၍ ထွက်သွားနိုင်ရန် ကားပါကင်ထိုးထားသည့် ကွင်းထဲသို့ သွားနေတာဖြစ်သည်။ သူမသည် ခြေဖြင့်ပြေးလျှင် အဝေးသို့ သိပ်မရောက်နိုင်သောကြောင့် ဖြစ်သည်။