ရန်မင်းက တဲထဲသို့ ပြန်ဝင်မည်အလုပ်တွင် ချန်ရုံက အနောက်သို့ပြေးလိုက်သွားလိုက်သည်။
ရန်မင်းဆီသို့ ချန်ရုံရောက်သွားသောအခါ ရန်မင်းသည် တပည့်များ၏အကူအညီဖြင့် သံချပ်ကာဝတ်စုံကို ဝတ်ဆင်နေပြီဖြစ်သည်။ လေးလံသော အမည်းရောင်သံပြားများ တစ်စပြီးတစ်စ ရန်မင်းပေါ်သို့ တပ်ဆင်နေကာ သံပြားများ တစ်ခုနှင့်တစ်ခု ထိခိုက််သည့်အသံက ကြောက်မက်ဖွယ်ကောင်းစွာ အေးစက်နေကြသည်။
ချန်ရုံသည် လျှောက်သွား၍ ရန်မင်း၏ရှေ့၌ ရပ်လိုက်သည်။ ရန်မင်းအားတစ်ချက်ကြည့်လိုက်ပြီးမှ ခါးညွှတ်၍ အရိုအသေပေးလိုက်သည်။ ရန်မင်းသည် ပုံမှန်ကပင် ဟိတ်ဟန်ကြီးမားလွန်း၍ တုန်လှုပ်ဖွယ်ဖြစ်နေရကာ ယခုကဲ့သို့ သံချပ်ကာနှင့် ခေါင်းဆောင်းဝတ်ဆင်ထားသည့်အခါ သူ၏သွေးဆာမှုက ပို၍ပင် ကြောက်မက်ဖွယ်ကောင်းနေတော့သည်။
ချန်ရုံသည် နှုတ်ခမ်းကိုကိုက်၍ ခေါင်းကိုမော့ကာ ဒေါသတကြီးပြောလိုက်သည်။
"တပ်မှူးရန် ဒါက ဘာသဘောပါလဲ...အရှင့်ရဲ့ စစ်တပ်က ပြောင်းရွှေ့တော့မယ်ဆိုတာကို ဘာဖြစ်လို့ ကျွန်မကို မပြောရတာပါလဲ...'
ချန်ရုံသည် သူမ မည်မျှဒေါသထွက်နေသည်ကို ရန်မင်းမြင်စေရန် ဦးထုပ်ကိုပင် ချွတ်ပြလိုက်သည်။
ရန်မင်းက သူ၏ခေါင်းဆောင်းကို စစ်သည်တစ်ဦးက ချည်ပေးရန် ခေါင်းကိုမော့ပေးလိုက်သည်။ ချန်ရုံ၏စွပ်စွဲမှုကိုကြားသောအခါ ချန်ရုံ့အား တစ်ချက်လှမ်းကြည့်၍ ပျင်းရိပျင်းတွဲ ပြန်ဖြေလိုက်သည်။
"ငါက ဘာဖြစ်လို့ မင်းကိုပြောရမှာလဲ..."
ချန်ရုံ၏ ရန်မင်းစအရှိန်အဝါကို ကြောက်လန့်နေမိသော်လည်း ရန်မင်းပြောလိုက်သည့်စကားကြောင့် ဒေါသမီးများက အသစ်တစ်ဖန် တောက်လောင်သွားကြသည်။ ချန်ရုံသည် အံကိုကြိတ်၍ အသက်ပြင်းပြင်းရှူကာ ဒေါနဲ့မောနှင့် ပြောလိုက်သည်။
"တပ်မှူး...ရှင့်ရဲ့စစ်သည်တွေအပြင် မိန်းကလေးတစ်ယောက်ကိုလည်း ရှင့်ရဲ့ ဧည့်သည်အဖြစ်လက်ခံထားတယ်ဆိုတာ မမေ့ပါနဲ့..."
![](https://img.wattpad.com/cover/341643955-288-k388154.jpg)
ESTÁS LEYENDO
မေကုန်းချင်
Ficción históricaNew Normal တစ်ပတ် သုံးရက် update ပါရှင် ... Paid gp က နောက်အပတ်လောက်မှစပါမယ်ရှင် ... Title- Mei Gongchin သူမကိုယ္သူမ မီးရွို့၍ သတ်သေသွားပြီးသည့်နောက်တွင် ချန်ရုံသည် အတိတ်မှ ၁၄ နှစ်အရွယ်၌ ပြန်လည် နိုးထလာခဲ့သည်။ ဂုဏ်သရေကြီးမြင့်သော်လည်း သူတော်ကောင်းယ...
chapter 136
Comenzar desde el principio