တရားဝင်သမီး လက်ထပ်ထိမ်းမြားခြင်း

Part 39.1

ကျိရှုရန်က ကျိရှုရန်ရဲ့ ခြုံထည်ကို အစားထိုးလိုက်ပြီးတော့ သေသေချာချာ သိမ်းလိုက်ကာ၊ ကျန်းယွမ်ပိုင်ကို ဆေးဖက်ဝငလက်ဖက်ရည်တစ်ခွက်ကို ကမ်းပေးခဲ့တယ်။ အဲ့ဒီနောက်မှာ သူမက အသံတိုးတိုးလေးနဲ့ မေးလိုက်တယ်။

"သခင်ကြီး ဘာကြောင့် မျက်မှောင်ကြုတ်နေရတာလဲ၊ သခင်ကြီး စိတ်ထဲမှာ တစ်ခုခု ဖြစ်နေတာလား"

ကျန်းယွမ်ပိုင်က သူ့ခေါင်းကို မော့ပြီးတော့ သူမကို ကြည့်လိုက်တယ်။

ရီကျန်းကျန်းရဲ့ ရိုးရှင်းပြီးတော့ ကောင်းမွန်တဲ့ အသွင်အပြင်နဲ့ မတူဘဲ၊ ကျိရှုရန်က ထူးခြားတဲ့ အသွင်အပြင်နဲ့ မွေးဖွားလာခဲ့တယ်။ ကျိရှုရန်က စာပေပညာတတ် မိသားစုရဲ့ တောက်ပပြီးတော့ ရည်မွန်တဲ့ သခင်မလေးနဲ့ တူနေခဲ့တယ်။ သူမရဲ့ စကားလုံးတွေနဲ့ အပြုအမူတိုင်းက ချစ်စရာကောင်းပြီးတော့ သူမနဲ့ သင့်တော် လိုက်ဖက်တယ်လို့ တခြားသူတွေကို ခံစားမိစေခဲ့တယ်။ နည်းနည်း ပွန်းပဲ့နေတဲ့ လက်ချောင်းတွေနဲ့ ကြက်သွန်စိမ်းလိုမျိုး နူးညံ့သိမ်မွေ့နေတဲ့ ကျိရှုရန်ရဲ့ လက်ချောင်းတွေမှာ ကျန်းယွမ်ပိုင်ရဲ့ အကြည့်တွေက ရှိနေခဲ့တယ်။ ဘေးနားက စားပွဲပေါ်က ခြင်းတောင်းထဲမှာ၊ မပြီးသေးတဲ့ အပ်ချုပ်ထည်တစ်ခု ရှိနေခဲ့တယ်။

ကျိရှုရန် က သူ့အတွက် အဝတ်အစားတွေကို ချုပ်ပေးနေခဲ့တယ်။

ကျန်းယွမ်ပိုင်ရဲ့ နှလုံးသားက ပျော့ပျောင်းသွားခဲ့တယ်။ ဒီရက်တွေ အတွင်းမှာ၊ ကျိရှုရန် အပေါ် စိတ်အနှောင့်အယှက် ဖြစ်နေတာတွေ အားလုံးက မီးခိုးလိုမျိုး ကွယ်ပျောက်သွားခဲ့တယ်။ သူက ကျိရှုရန် ရဲ့လက်ကိုဆွဲလိုက်ပြီးတော့ မေးလိုက်တယ်။

"မင်းက ဘာကြောင့် အနာခံနေရတာလဲ၊ ဒီအရာတွေကို တစ်ခြားသူတွေကို လုပ်ခိုင်းလိုက်လို့ရတာပဲ"

ကျိရှုရန်က ပြုံးပြီးတော့ ပြောလိုက်တယ်။

"သခင်ကြီးက မေ့သွားပြီပဲ၊ ဒီကိုယ်လုပ်တော်က သခင်ကြီးရဲ့ကိုယ်ပိုင် အဝတ်အစားကို တခြားသူတွေကို ဘယ်တုန်းကမှ လက်လွှဲပေးခြင်း မရှိပါဘူး"

ကျန်းယွမ်ပိုင်က မွေးနေ့ အခမ်းအနား အတွင်းမှာတုန်းက မတော်တဆမှု ဖြစ်ရပ်တွေကြောင့်မို့၊ ကျိရှုရန်ကို အေးတိအေးစက် ဆက်ဆံခဲ့ပုံ ကို တွေးတောမိရင်းနဲ့ သူမရဲ့ ရှက်ပြီးတော့ ညင်သာနေတဲ့ အပြုံးလေးကို ကြည့်ခဲ့တယ်။ ကျန်းယွမ်ပိုင်က သူ့နှလုံးသားထဲမှာ အပြစ်ရှိစိတ်ကို ခံစားလာရပြီးတော့ ပြောလိုက်တယ်။

"မင်းကို ခက်ခဲစေမိပြီ"

"ဒီကိုယ်လုပ်တော်က အဲဒါကို ခက်ခဲတယ်လို့တော့ မခံစားရဘူး။ သခင်ကြီးက တကယ်ကို အလုပ်ကြိုးစားတဲ့သူ တစ်ယောက်ပဲ"

ကျိရှုရန်က ပြောလိုက်တယ်။