တရားဝင်သမီး လက်ထပ်ထိမ်းမြားခြင်း

Part 39.1

ရလဒ်အနေနဲ့ အိမ်တော် တစ်ခုလုံးမှာ ကျိရှုရန်ရဲ့ နေရာကို မလှုပ်ရှားနိုင်ခဲ့ဘူး။

သခင်မကြီးကျန်းက ကျန်းယွမ်ပိုင်ရဲ့ မျိုးဆက်မှာ အမွေဆက်ခံသူ မရှိတာနဲ့ ပတ်သတ်ပြီးတော့ စကား တစ်ချို့ ပြောခဲ့ဖူးတယ်။ ဒါပေမယ့် အသက်၈နှစ်သာ ရှိသေးတဲ့ ကျန်းလီက ကျိရှုရန်ကို တွန်းပြီးတော့ ကိုယ်ဝန်ပျက်စေတဲ့အခါတုန်းက၊ ကျိရှုရန်က ဒီကိစ္စကို မငြင်းခုံဘဲ၊ ကျန်းလီအတွက် အသနားခံပေးခဲ့တယ်။ ဒါက သခင်မကြီးကျန်းကို ကျိရှုရန်အပေါ် တောင်းပန်စိတ်တွေ ဖြစ်လာစေခဲ့တယ်။ ကျိရှုရန်က ကျန်းပင်းကျီကို မွေးပြီးတဲ့ နောက်မှာတော့၊ သခင်မကြီးကျန်းက ဘာတစ်ခုကိုမှ မပြောခဲ့တော့ဘူး။

အဲ့ဒီနောက်မှာတော့၊ တရားရုံးရဲ့ အဆင့်နှစ်မှူးမတ်တစ်ယောက်ဖြစ်တဲ့ အပြုအမူတိုင်း စကားလုံးတိုင်းက စောင့်ကြည့်ခံနေခဲ့ရတယ်။ အိမ်တော်ရဲ့ အမွေဆက်ခံသူတွေက လူတွေကြားမှာ ရှုပ်ထွေးတဲ့ဆက်ဆံရေးနဲ့ ပတ်သက်ပြီးတော့ ထေ့ငေါ့ အပြောခံခဲ့ရတယ်။ ကိုယ်လုပ်တော် အများကြီးရှိခြင်းက ကောင်းတဲ့ အရာတစ်ခုလို့တော့ မဆိုလိုနိုင်ခဲ့ဘူး။ အဓိကမျိုးဆက်က အမျိုးသားတစ်ဦး ရှိနေသရွေ့ ကာလပတ်လုံး၊ သူမက တစ်ခြား အရာတွေကို လျစ်လျူရှုထားနိုင်ခဲ့တယ်။

ကျိရှုရန်က သခင်မကြီးကျန်းရဲ့ အပြန်အလှန်ထောက်ခံမှုကို ရရှိထားခဲ့တယ်။ ကျန်းယွမ်ပိုင်က သူမကို အလွန်အမင်း စွဲလန်းနေခဲ့ပြီးတော့ အဲဒါက ရေထဲက ငါးတစ်ကောင်လိုမျိုး ဖြစ်နေခဲ့တယ်။ သူ့သမီးနဲ့ သားနှစ်ယောက်လုံးကိုလည်း အရမ်း ချစ်ခင်ခဲ့တယ်။ နှစ်ပေါင်းများစွာကြာအောင် သမီးယောင်းမတွေ ကြားထဲမှာ၊ ယန်ရှီ မပြောနဲ့၊ လူရှီတောင်မှ သူ့ကို ခေါင်းငုံ့ထားပေးခဲ့ရတယ်။

ဒါပေမဲ့ ကျန်းလီရဲ့ ပြန်လာမှုကြောင့်မို့ ဒါတွေအကုန်လုံးက ပျက်စီးသွားခဲ့ရတယ်။ ကျန်းလီက အိမ်တော်ကို ပြန်ရောက်လာတာ တစ်လတောင် မရှိသေးပေမဲ့၊ ကျိရှုရန်က ဆုံးရှုံးမှုတွေ ဆက်တိုက် ဖြစ်နေခဲ့တယ်။ ဒီတစ်ခါမှာတော့ သူမအပေါ် အမြဲတမ်း ညှာတာထောက်ထားပေးတတ်တဲ့ သခင်မကြီးကျန်းတောင်မှ ဒေါသထွက်နေခဲ့တယ်။ ကျိရှုရန်ရဲ့ စိတ်ကလည်း စိတ်အနှောင့်အယှက် ဖြစ်လာခဲ့တယ်။