على قمة الحكيم ( الجزء الثاني )

البارت السادس والاربعون

فاروق : ابو جاسم اودعناك .. طلعنة اني ونزار الامة العربية كلها تباوع علينه

نزار : بس تحس رجليهم خفت وركضو ورانه نسوي Run

فاروق : لتنطي رد فعل نطلع للبوابة كبل فتح السيارة

_اخوية وين بعدة الدوام

نزار : هذا الحارس اصعد اني اروحله .. عميييي ابو سعاد الغالي

_ اسمي ابو رجاء

نزار : سعاد رجاء نفس المعنى هههههههه

_ هذا الدكتور ما شايفة كبل

نزار : جديد عندة تطبيق اليوم اول يوم ودكو علية امة وابو ممرودين بحادث سيارة

_ لا اله لا الله عمي توكلو توكلو

نزار : محتاج شي

_ سلامتك وسلامة الاهل

نزار : وين النخوة وين المروة بعمر الورد راحووو

فاروق : امي ماتت بالمستشفى اصعد

نزار : يله حجي مع السلامة ..

فاروق : صعد وطلعتة من كراج المصحه .. روح ويامن راحت ؟

نزار : مؤيد اخذها الهم

فاروق : يا ابن الزنا .. اطلع البيت نجاة

نزار : واذا فكس بينه حكيم

فاروق : اطللللع

نجاة : اندكت الباب بقوة رادت تتكسر علينة

مؤيد : يا مطي هيج يدك الباب

الهام : خاف تفتيش الحرس الوطني

مؤيد : لطلعن ابقن جوه .. منووووو

فاروق : عزائيل

نجاة : فتح الباب وصار صوت خافت وانسدت مؤيد ماكو

مؤيد : شتريد بالخير طلعت من المصحة

فاروق : روح وين

مؤيد : دور عليها مو يمي

فاروق : ضربته بوكس على خشمة نزف وكع ع البنيد

مؤيد : سم اهلها

فاروق : اخذه للسيارة

نزار : اصعد ليش اسحلك منا الجوارين

مؤيد : حسابكم عندي كبر

فاروق : بلا لغوة زايدة .. صعدنه بالسيارة وخليته ليورا وقفلتها عليه

مؤيد : المطلوب مني

فاروق : خابر محسن

مؤيد : ما احجي ويا ما اخابرة

فاروق : اندار عليك احوس بمصرانك

مؤيد : انت واحد بايع روحك وما حاسب تصرفاتك امري لله اخابر مو لجلك

فاروق : انزل جيبلي شي من البيت اريد ابدل