على قمة الحكيم ( الجزء الثاني )

البارت الثاني

_ الكاتبة : Duha_al amer 🦋

_ صوتو للبارت بنجمة

_ صلو على الحبيب محمد

_ بسم الله الرحمن الرحيم .

نَّ للآمالِ في أنفسِنا لذةً تنعشُ منها ما ذَبلْ لذةٌ يحلو بها الصبرُ على غَمَراتِ العيشِ والخَطْبِ الجللْ.

التنزيل بين يوم ويوم يعني احسبو يوم اكو ويوم ماكو 🤍🤍
_________________________________

نرمان : مشيت قريب علية .. سلمت باستغراب . السلام عليكم

_ بأبسامة .. وعليكم السلام نرمان شلونج

_ عفواً منو انت اعرفك ؟

_ هيج صارت مو الدم يحن !

_ كلبي دك سريع اول مرة اشوف وجها اخاف مصيبة جديدة يادم يابطيخ .. اخوية منو انتة اني ما اكدر احاجي غريب اعتذر منك .. درت وجهي راجعة استوقفني

_ اني احمد ابن عمج مصطفى ماعرفتيني

_ فتحت عيني على وسعها احمد ؟؟؟؟؟؟ اجة الف سؤال براسي بدون تردد كلت .. ليش جاي لهنا !

_ مو بت عمي عندي موضوع وياج تكدرين نطلع احاجيج

_ اطلع من الكلية ؟ لا اعتذر عندك شي كول واذا حاب خابر زوجي وتعال للبيت .. بس اني ممستوعبة انت شعجب جاي ليش وشلون عرفت اني اداوم هنا .. خالة كفاح بيهه شي 

_ جر حسرة .. والله امي زينة بس امج الموزينة واني جايج بهل موضوع

_ خير خوماكو شي

_ سالفة طويلة مو مال احجيها هنا حتلو نكعد بالنادي اي مكان

_ لا والله تعذرني ما اكدر زوجي مموجود .. ردت بس اعرف هوة شلون اندل مكاني وعرف وين اداوم رجعت سألتة .. مكلتلي شلون عرفت اني وين اداوم

_ اني ما ناسيج انت دوم على بالي واليسأل ميتوه

_ هواي تهرب من السؤال استحيت اسأل بعد .. تسلم اني عندي محاضرة اكملها وارجع للبيت ان شاءلله تجي البيت عيالي على الاقل اشرب جاي

_ لا اني ما اكدر اجي مو اكلج بس اسمعيني حك جيتي لتخليني واكف هيج

_ وكعت بحيرة بس الله يدري بيها .. اخاف اكعد احجي ويا ويجي احد وتصير مصيبة واستحي ارفض وهوة يتوسل .. قررت اتصل بحكيم واحجيلة واذا سمحلي اكعد احجي ويا .. طلعت مبايلي وكعدت على مسطبة قريبة اجة قرب مني وكعد بصفي وسأل بعصبية

_ ويامن تحجين ؟؟

_ اخابر زوجي .. نزل المبايل من ايدي استغربت وقاحتة وسكتت كعد منزل راسة