على قمة الحكيم ( الجزء الثاني )

البارت الثامن والثلاثون

_ الكاتبة : Duha_al amer 🦋

_ صوتو للبارت بنجمة

_ صلو على الحبيب محمد

_ بسم الله الرحمن الرحيم .

احبكم ❤️❤️

تابعوني بالانستا. duu_199  🎶

وتجلس مثلما كنا لتسمع بعض ألحاني ولا تعنيك أحزاني ويسقط كالمنى اسمي وسوف يتوه عنواني ترى.. ستقول يا عمري بأنك كنت تهواني؟!

___________________________________

_ اساومني

_ بكيفج اذا ذني يطبقن اخذج تشوفيها

_ هزيت راسي واخذت الفوط باوعتله اجتف يراقبني بعيونه .. اطلع

_ شتريدين اجيبلج ملابس

_ اريد دشداشة سودا

_ يجرالج بس تخلصين واطلعين تاكلين لكمة وتكعدين كبالي

_ هزيت راسي ولبست شال طلعت برا سمعت اصواتهم بالصالة فتت للحمام وقفلت الباب كعدت جسمي عاجز اسوي اي شي فركت راسي يوجعني شوية واندكت الباب .. حجيت بصوت تعبان شتريد

_ جبتلج ملابس

_ فتحت الباب واخذتهن منه دشداشة سودا وملابس داخليه خليتهن وفتحت الدوش عندي وجع والنزف كلش قوي وكفت جوه المي ودموعي تنزل وحدها ما ادري شكد طولت سديت الدوش ولزمتني الشهكة لبست ونشفت شعري بالخاولي وطلعت لكيته واكفلي بالباب

_ شبيهن عيونج تبجين !

_ لا .. دخلت للغرفة مسحت وجهي لزمت مشط وكفت امشط بشعري انتبهت هواي وكع منه خلصت ولميته فات فاروق بيدة صينية خلاها على السرير وكعد

_ اني كليت البيض

_ اكله انت بالعافية .. حط لكمة بحلكة ..

_ احسن حتى العصر اروح وحدي

_ كعدت على الجرباية وشلت لكمة اكلتها ساعة يله كدرت ابلعها سوه لكم صغار وكلني وحدة ورا الثانية

_ بالعافية هسه بيج حيل تمشين

_ راح جاب علاكة بيها علاجات حتى ما ادري مال شنو فتحهن وانطاني حبايتين بلعتهن بدون ما اسأل

_ علاجج متنسي وكت بوكت

_ شوكت اجيبها للبيت

_ شوية تتعافة ونطلعها

_ هزيت راسي ساكته اكو صوت برا مال سوالف وضحك جبرني اطلع ويا وكل حجاية وهددني بيها

نرجس : صباح الخير يمة تعالي كعدي هنا

روح : كعدت يمهم نرمان كاعدة وزوجها يصبغ بأيدها ابتسمت من شفتهم

نرمان : هاي شنو ايع