"အမေ"
လုဟန်ထျန်းက အမျိုးသမီးကြီးကို နှုတ်ဆက်ကာ ရထားလုံးပေါ်က ဆင်းဖို့ကူညီပေးလိုက်တယ်။ သခင်မကြီး ဆင်းဖို့ကူညီပြီး သူ့က နောက်မှာတော့ တခြားသော.အသက်ကြီးကြီးအမျိုးသမီးကို ဆင်းလာဖို့ရန် ဆက်လက်ကာ ကူညီပေးတယ်။ ဒီအမျိုးသမီးကြီးကလည်း သခင်မကြီးရဲ့ အသက်လောက်ပဲ။ဒါပေမယ့်လည်း နှိုင်းယှဥ်လိုက်ရင် သူမက သခင်မကြီးထက် အရွယ်ရင့်လို့နေတယ်။ဒီအမျိုးသမီးကြီးကတော့ မြို့စားကတော်ဟောင်းကြီး လက်ထပ်ကတည်းက လိုက်ပါရတဲ့ အစေခံတစ်ယောက်ပင်။ သူမငယ်ရွယ်စဥ် အစေခံဘဝကတည်းက သခင်မကြီးကို ခစားခဲ့သူလည်းဖြစ်တယ်။သူမက သခင်မကြီးနဲ့တူတူ အနိမ့်အမြင့်အခက်အခဲမျိုးစုံကို ဖြတ်သန်းလာခဲ့ပြီး ယနေ့ထက်တိုင် လက်မထပ်ဘဲ သခင်မကြီးကိုသာ ခစားတာကြောင့် လုဟန်ထျန်းက လေးစားရတယ်။
"ကျေးဇူးပါ သခင်မကြီး"
ကြီးကြီးလင်းက ပြုံးပြပြောဆိုကာ သခင်မကြီးဘေးနားမှာ ရပ်လိုက်တယ်။
"အဖွား"
လုထင်ချန်လည်း ရှေ့ထွက်ကာ အရိုအသေးပေးလိုက်တယ်။သူ့ရဲ့စိတ်အားထက်သန်နေတဲ့ မျက်နှာပေါ်က ပျော်ရွှင်မှုကို ဖုံးကွယ်ဖို့မဖြစ်နိုင်ဘူး။သူ့အဖွားကို သူနက်နက်ရှိုင်းရှိုင်းကို လေးစားမှန်း ထင်းထင်းလင်းလင်းတွေ့နိုင်တယ်။
ကြင်နာတတ်တဲ့ အပြုံးလေးက သခင်မကြီး မျက်နှာမှာ ပေါ်လို့လာတယ်။သူမ ဒီမြေးလေးကို တုန်နေရအောင်ကို ချစ်တယ်။လုထင်ချန်ကို ခေါင်းကနေ ခြေဖျားထိ စေ့စေ့စပ်စပ်ကြည့်ရင်း ပေါ်လာတဲ့ကြည်နူးမှုက ဖုံးကွယ်လို့ မရနိုင်လောက်အောင်ပဲ။သူမမြေးလေးနဲ့ နှုတ်ဆက်ပြီးနောက်တော့ သူမ လုဟန်ထျန်းကိုမေးပါတယ်။
"အမေမရှိတဲ့ အတောအတွင်း အိမ်တော်မှာ ဘာမှမဖြစ်ဘူးမလား"
"အမေ စိတ်မပူပါနဲ့ အားလုံးကောင်းမွန်ပါတယ်"
လုဟန်ထျန်းက ရိုးရိုးသားသားပြောလိုက်တယ်။
"ကောင်းတာပေါ့"
သခင်မကြီးက ခေါင်းငြိမ့်ကာ စိတ်သက်သာရသွားပါတယ်။
YOU ARE READING
ဦးရီးတော်ဧကရာဇ်ရဲ့ အသည်းအသက်လေး အဖြစ် ကူးပြောင်းလာတယ်
Historical Fictionအင်္ဂါနေ့တိုင်း Update ရှိပါသည်။ ကြာပန်းဖြူလေးများအဖွဲ့
Chapter 19 +20
Start from the beginning