رحت لولد صديقي ، هذا شيطان
وينطيك عذر من تحت الارض
كتله هاي السالفه وهاي السالفة واهلي قافلين كلش
كالي سهلة هاي ومالك علاقة
بقاني يمه يومين و غلق موبايلي
يوم ثالث راح لهلي
كالهم احمد صار فتره ما جاي النة
كالوله غير يمك!؟
كلهم لا عمي وين يمي
اهلي خابروني موبايلي مغلق
بقوا بقلق نوعاً ما
يوم خامس كالي انزع ملابسك ونطينياهن
كتله شلك بيهن
كال مالك علاقة واسكت
هذا كبل اخذ ملابسي وراح لبيتنه دك الباب
كلهم هاي ملابس ابنكم لكيتهن يم الشط يمكن انتحر!!!
اهلي هنا صار بيهم فلك
يدورون عليه بكل مكان
وجابو غواص يدور
لا بقى مركز شرطة لا بقى طب عدلي
ماكو مكان يعتب
واهل صاحبي يدرون بيه يمهم باقي
ويدورون وي اهلي
ويكولولهم لو خاطبيله هاي البنيه الي يحبها
جان ما انتحر
صار ١١ يوم اهلي ايسو حتى من رحمة الله
سوو اجتماع بالمضيف مالتنه
من عمام وخوال يريدون حل .
جان صاحبي كلي يلا هسه روح للمضيف وادخل عليهم.
رحت للمضيف
من شافون كلهم انصدمو
صاحلي الشيخ العام
كالي تعال
تعرف اهلها !؟
كتله اي
وحتى عندي رقمهم
انطيته الرقم
خابر ع البنيه
كالها انطيني والدج
السلام عليكم
شلون ابو فلان شخبارك
انه شيخ عام قبيلة (....)
حياك الله شيخ وكل الهلا
ابو فلان مو باجر عكب باجر
عنك مهره اصيله ونريد نمشي عليها
احسب احسابك
مع السلامة
يتبع.....
