"ဒီစိန်လက်စွပ်စျေးက ၃၄၈,၀၀၀ ပါ။ လက်ခံနိုင်မယ်လို့ ထင်လား။" အမျိုးသမီးဝန်ထမ်းက ပြောလိုက်ပါသည်။
"ထုပ်လိုက်ပါ။ ကျွန်တော် ကတ်နဲ့ ရှင်းမယ်" လင်းဖန်က ပြုံးကာ ပြောလိုက်ပါသည်။ သူ ဒီနေ့ စိတ်ရွှင်နေသဖြင့် စျေးတောင် မဆစ်ချင်တော့ပါ။ လည်ဆွဲနဲ့ စိန်လက်စွပ်တို့နှစ်ခုပေါင်း ၅၀၀,၀၀၀ အောက် ရှိသည်။
လင်းဖန် စိန်လက်စွပ်အတွက် စျေးမဖြတ်ချင်ပေ။ သူ့မိန်းမအတွက် ပြင်ဆင်ထားခြင်း ဖြစ်သည်။
ငွေနည်းနည်းလောက် ပိုသုံးရလည်း ကိစ္စမရှိပါ။ သူ ငွေဆုံးရှုံးသွားရင်တောင် အများကြီး မဟုတ်လောက်ပေ။
ထို့အပြင် အဆင့်မြင့် လက်ဝတ်ရတနာဆိုင်များတွင် ပုံမှန်အားဖြင့် အလိမ်ခံရမှာလည်း မဟုတ်ပေ။ လင်းဖန်က စိတ်မပူပါ။
"ကောင်းပါပြီ မစ္စတာလင်း။ ရှင်က ကျွန်မတို့ လက်ဝတ်ရတနာဆိုင်ရဲ့ မန်ဘာဝင် ဖြစ်သွားပါပြီ။ ကျွန်မတို့ ၁၀ ရာခိုင်နှုန်းလျှော့စျေး ပေးပါ့မယ်။ ဝယ်ယူအားပေးမှုအတွက် ကျေးဇူးတင်ပါတယ်ရှင်။"
"ပရိုပို့စ်လုပ်တာ အောင်မြင်ပြီး ကောင်မလေးနဲ့ တစ်သက်တာ ပျော်ရွှင်မှုကို ရရှိပါစေလို့ ဆုတောင်းပေးလိုက်ပါတယ်။" အမျိုးသမီးဝန်ထမ်းက တောက်ပစွာ ပြုံးလိုက်ပြီး လင်းဖန်အတွက် အားလုံးကို ထုပ်ပိုးပြင်ဆင်ပေးလိုက်ပါသည်။
"ကျေးဇူးတင်ပါတယ်" လင်းဖန်ကခေါင်းငြိမ့်လိုက်သည်။
ရှားဝမ်ချွေ့နဲ့ တစ်သက်လုံး ပျော်ရုံနဲ့ မလုံလောက်သေးပါ။
သူမနဲ့ ကလေး နည်းနည်းလောက် မွေးရပါဦးမည်။
သူ့မှာ ရွေးချယ်စရာ မရှိပေ။ သူက အလွန်ချောကာ ရှားဝမ်ချွေ့ကလည်း အလွန်လှပ၏။ သူတို့မွေးမည့် ကလေးများက သေချာပေါက် မိန်းမလှလေးလေးများ၊ သို့မဟုတ် ကောင်ချောလေးများ ဖြစ်လာနိုင်ပါသည်။
သို့သော်လည်း လင်းဖန်က သမီးလေး ပိုလိုချင်သည်။ ဘာပဲဖြစ်ဖြစ် သမီးများက အရင်ဘဝတုန်းက အဖေများ၏ ချစ်သူများ ဖြစ်ကြသည်။ သားတစ်ယောက်သာ ရလိုက်ပါက သားက သူနဲ့ ပြိုင်ပြီး သူ့မိန်းမကို လုနေနိုင်ပါသည်။
ŞİMDİ OKUDUĞUN
သန်းကြွယ်ခြေလှမ်း (လင်းဖန်)
Aksiyonစာစဉ်မိတ်ဆက် လင်းဖန်သည် နတ်ဘုရားအဆင့် အလွန်ချမ်းသာကြွယ်ဝသော ဘဝလမ်းကြောင်းပေါ်သို့ ပို့ဆောင်ပေးသည့် အကောင့်ဝင်ခြင်းစနစ်ကို ရရှိခဲ့သည်။ သူသည် အချက်အပြုတ်ပညာရပ်ကို ကျွမ်းကျင်သည်၊ ဆေးဖက်ဆိုင်ရာ ပညာရပ်ကို တစ်ဖက်ကမ်းခတ် ကျွမ်းကျင်သူ၊ သီချင်းနတ်ဘုရား၊ နာမ...
Ch-179/180
En başından başla