السلام عليكم ورحمة الله، حبيت اعتذر مقدمة عن جرأة بعض المشاهد مقدما، وحابة اقولكم اشوفكم على خير فى شظايا بامر الله، متنسوش الڤوت ⭐
꧁ماذا لو، يومًا ما꧂
في اليوم السابق لميعاد متابعة الحمل أمسك هاتفه ثم اتصل ببيجاد ثم أخبره أن يقابله فى مكان بعيد عن منزلهم، اتجه بيجاد إلى أمه وأخبرها:
سناء... الواد الشلحف جوز بنتك عايزني أقابله برة... بيقولى أمك عارفة... في إيه؟
فصفعت سناء فمه وتكلمت من بين اسنانها:
شــإيه؟... إيه يا ابني إنت بتقعد فى انهو بوليعة... ألفاظك يا حيوان...
-ياستى انتي هتاخديني فى دوكة.. طيب المبجل المحترم السيد كريم بيه باشا السويفى عايزنى أقابله... إيه الحوار؟
ابتسمت ثم تكلمت:
ماشي يا غلباوي... مفيش حوار ولا مشوار... روح قابله وتعالى ولما تيجي هحيلك..
꧁ماذا لو، يومًا ما꧂
في مساء اليوم التالى، اليوم الموعود لتنفيذ خطة زهرة الذهبية، كان قد نام ليلته بالكاد وعندما استيقظ كانت الوصايا المئة لها تلوح فى الهواء فوقه:
الوصية #1«حاول تكون شيك بطريقة هي متكونش متعودة عليها.. غيّر ستايل لبسك وشعرك»
فقلب خزانته رأسًا على عقب بحثًا عن أكثر ملابسه ملائمة لجسده الجديظ الذي نبتت فيه بعض العضلات، والذي أراد أن يظهرها أمام رقية كطاووس مختال فى موسم التزاوج.
فوجد قميص جديد قصير الأكمام من خامة قطنية أسود اللون، يلتصق بجسده ليظهر جذعه بمظهر مرغوب فيه، وبدأ فى تصفيف شعره بطريقة غير مرتبة نوعًا ما مستغل نعومة خصلاته التي جعلته يبدو أكثر جاذبية، وعندما كانت يمسد الخصلات بكفوفه لمع شيء من يسراه فهمهم:
آآه... كنا هننسى أهم حاجة...
الوصية#2 «دبلتك متلبسهاش اليوم ده.. وحاول تلبس اكسسوار جديد... ساعة.. خاتم.. المهم متكونش هي شافتهم قبل كدة ويا سلام لو من النوع بتاع هدايا الـcouples»
فتح علبة أنيقة كانت معه وأخرج منها ساعة جديدة بها بعض الخرزات الرخامية والتي تتناسب مع قلادة نسائية رفعها بعد ان وضع الساعة حول معصم يسراه وهمهم مجددًا:
أعمل بيك إيه!...-شرد ثم افتر ثغره بخبث- اه.. العربية... خليها تحس إن حد ركب معايا ونساه
لف القلادة حول يده ثم أكمل خطواته حتى الأسفل زحلقة على السلالم لا نزولا من التعجل، وعندما رأى والدته ابتسم وسألها:
قرّيتي سناء على الموضوع يا أمي...ولا تفهمني غلط؟
-عيب عليك... متقلقش..
ركبا السيارة بينما يراجعان الخطة سويا في حين ان خافقه يقرع كطبول الحرب المهترئة من القلق والتوتر، وصلا لمنزل الجوهري وبعد التحيات والهمسات والتوصيات بدأت تمثيلية من تمثيل ڤيڤيان أنها مريضة، فهمست سناء:
ها أناديها؟
YOU ARE READING
꧁ماذا لو، يومًا ما꧂
Romanceنصيبك بيتغير ومش ثابت حتى لو انت قلت عليه مش بيتحرك، هيحصل ايه لو قلت آه وهتعمل ايه لو اتحطيت فى اختيار سابق بعد الطلاق؟! بعد الخيانة؟ هتقدر تكمل هتقدر تعيش؟
