UnicodeShopping Centerရဲ့ပတ်ပတ်လည်ကိုလိုက်ကြည့်ပြီးဟိုငေးဒီငေးလုပ်နေသောပိုးသားအားကောင်းကင်သခင်က
''ဘာဖြစ်နေတာလဲ ခပ်တည်တည်နေစမ်းပါ သူများမြင်ရင်ခုမှရောက်ဖူးတယ်ထင်နေဦးမယ်''
''တစ်ကယ်လည်းခုမှရောက်ဖူးတာပဲလေဦးရဲ့''
''ဘာပဲဖြစ်ဖြစ် လူတွေမရိပ်မိအောင်တော့နေမှပေါ့ ဟိုငေးဒီငေးလုပ်မနေနဲ့ ရှက်ဖို့ကောင်းတယ် မင်းမရှက်ပေမယ့်ငါရှက်တယ်''
အရင်စိတ်နဲ့သာဆိုပိုးသားသူ့အားဆွဲလုပ်ပစ်မိမှာပါ။အခုတော့အန်တီမိုးမျက်နှာကြောင့်ပိုးသားငြိမ်နေရ၏။
ဒီလူကြီးကိုတဖြည်းဖြည်းနဲ့ပိုးသားကြည့်မရတော့ပါ။စကားပြောတာမာရေကျောရေနဲ့ ကြီးကျယ်လိုက်တာလည်းသူ့အပြင်နှစ်ယောက်မရှိဘူး ဦးကြီးကျယ်ကြီး။
''သမီး''
''ဟုတ်ဦးကြီးကျယ်''
''ဟင်''
''အယ်''
ပိုးသားကိုယ့်ပါးစပ်ကိုလက်နဲ့ပိတ်ပြီးမျက်လုံးလေးဝင့်ကာသူ့အားခိုးကြည့်တော့သူကပိုးသားအားအမှုန့်ကြိ-တ်ချင်နေနဲ့အကြည့်ကြီးနဲ့ကြည့်နေလေသည်။
အန်တီမိုးကလည်းရယ်ကာ
''ငါ့သမီးကတော့လေ စိတ်ထဲကစကားကအပြင်ကိုလျှံထွက်လာရတယ်လို့ ကဲလာ ဟိုရှေ့ကဆိုင်မှာသမီးအရွယ်ဝတ်လှလှလေးတွေရှိတယ်''
''ဟုတ်''
အန်တီမိုးကပိုးသားတွေ့ဖူးသမျှထဲမှာသဘောအကောင်းဆုံးပင်။ပိုးသားကိုအဝတ်အစားတွေဖိနပ်တွေဝယ်ပေးတာမနည်းမနော။
အန်တီမိုးတော့မသိပေမယ့်ပိုးသားကတော့ပိုက်ဆံတွေနှမြောမိသလိုထိုပစ္စည်းတွေကိုလက်ခံရတာလည်းအားနာမိသည်။👑👑👑
''ဘာရယ်အစ်မ ပိုးသားကိုသမီးအဖြစ်အမွေစားအမွေခံမွေးစားမယ်ဟုတ်လား''
''အင်းလေ ဘာလို့လဲ''
''အစ်မရူးများသွားပြီလားလို့ပါ သူအိမ်ကိုရောက်တာတစ်ပတ်မပြည့်သေးဘူးနော်အစ်မ''
''ဘာဖြစ်လဲအဲဒီတော့''
''သူ့အကြောင်းအစ်မဘယ်လောက်သိပြီလဲ''
![](https://img.wattpad.com/cover/364339292-288-k908251.jpg)