سكت عزام يرمش بتكرار ومثل ما نطق بهاج لكنه ما كانت مستوعب وللحظه حس بالندم والخوف من التجربه مره اخره وهل هي مشاعر حقيقيه او ليبعد حبه عن عائشه هو فعلاً وقع بحبها ؟!! ما استوعب حركته وانه يرسل لها الا الان رفع نظره ل بهاج وعزام ونطق بصوت مهزوز : هو صدق انا احبها ؟؟!
صرخ عليه سعود : عزام لا تستهبل انت تحبها اكيد اعرف الي بداخلك تطمن انه مو لها
مد بهاج يده يضعها على كتف عزام وينطق : عزام لا تخاف ويخوفك الماضي وعيش حياتك ولا توقف على شي فات وراح ومايرجع وانت بكرا تروح تخطب البنت وبس ما من كلام زياده
ابتسم عزام بهدوء ونطق بلحظه مقتنعه : احبك واحبها
-
الصباح
صحت بنشاط غير العاده وطاقه عاليه وداخلها شعور جميل وان اليوم راح يكون رائع وبعد ما اخذت لها شور سريع
نزلت تحت ل تساعد امها و جدتها ب تجهيز الفطور ، دخلت المطبخ وكان فيه امها وجدتها يجهزون الفطور توجهة تقبل راس جدتها وامها ، ثم تنسد يدينها على الطاوله تنطق : اساعدكم محتاجين حاجه؟
ضحكت ام سلطان عليها بستغراب : غريبه صاحيه ذا الوقت ؟!
ابتسمت شموخ بخفه تنطق : مادري لكني صحيت نشيطه ومروقهه
اخذت ام سلطان الصحن تقدمه ل شموخ : دامش ودش تساعدين اخذيه ودي الفطور للمجلس
اكملت جدتها تنطق : وانتبهي يوقع منش
ضحكت بخفه تنطق : افا جَدِّه تشكين بقدرات حفيدتك ، مدت يدها تاخذ
الصحن من امها وتتجه للمجلس ، دخلت وما كان متواجد الا عزام الي
من امس ما نام تقدمت تضع الصحن على السفره وتنطق : اوهه صاحي
بدري غريبه
ابتسم عزام يعدل جلسته وينطق: ما نمت
جلست بجانبه ونطقت بستغراب : ليشش ؟!!
ضحك ببتسامه و يغزم لها : تعرفين اليومم
عبست بوجهها تنطق بنبرة خذلان : افاا افاا صار بيننا اسرار قول ليي
هز راسه بالنفي : لا مستحيل اخرب
نطق بتغير للموضوع : اقول يا ام قميص روز اطلعي عشان ولد عمش يبي يجي يفطر معي يلا يلا
كشرت بتضجر تنطق : اففففف ، صدت وجهها عنه : مابطلع
رفع كتوفه بعدم اهتمام : كيفش
وما ان انهى كلمته فزت بخرشه من سمعت صوت ينادي عزام وعرفت تميز صاحب الصوت ومن غيره هزاع التفت لعزام بخوف ونطقت بخفوت : وشش اسويي، التفت عزام يدوره حاجه يغطيها فيه وهي تدور معه ما اسعفهم الوقت يلقون دخل هزاع وماكان منتبه لها نطق : عزام ياحيوااااا... سكت من لحظها تحاول تختبي ورا ظهر عزام بلع ريقه يصد وجهه عنهم يطلع بسرعه ويتركهم
التفت عزام عليها يضربها بخفه : انقزي اطلعي يا كلبه عشان ما اعلم ابوش
رفعت راسها تبعد شعرها عن وجهها ونطقت : طيب ، طلعت تحط يدها على صدروها وصوت دقات قلبها واضحه تنطق بهمس : وجعاه هذا بس طالع علي
نزلت نظرها ل قميصها الروز تضحك بخفه : ولا لبسه قميص روز امس بالكشخه واليوم هههههههههه
-
عند عزام بعد ما طلعت شموخ طلع هو يدور على عزام يخرج برا البيت يشوفه واقف متكي ظهره على الجدار ومجمع يديده وواضح عليه الشرود
توجهه له يضربه مع كتفه : ولدد
صحى هزاع يلتفت ل عزام ونطق بتألم من الضربه : هاه
ضحك عزام ونطق يسكر الموضوع ولا يفتحهه معه : تعال تعال داخل
-
بيت سالم
جالسه تناظر فيه بستغراب من صحى ما تكلم معاها ولا يرد عليها من امس
من اتصل عليها وهو متغير وقفت تتوجه تجلس بجانبه تنطق بهدوء : سالم
مارد عليها من كان يناظر للارض يفكر ، مدت يدها ترفع فكه وتلفه لها
نطقت : وش فيكك من امس منت معجبني ؟!!
ناظر فيها والتفكير شاغله التفكير اهلكه طول اليل مانام يفكر بالموضوع
مد يده ينزل يدها من على فكه ونطق : مافيني شي
هزت راسها بالنفي تصر على رايها : فيك شي عيونك تقول لي
اخذ نفس عميق سكت ياخذ جواله يفتحهه ويدخل على الرساله و يوريها
سحبت الجوال منه بصدمه توسعت عيونها بصدمه من المكتوب
نطق سالم بهدوء : لا تفهمين غلط انا ماشكيت فيش لكن......
قاطعته صرختها بغضب : انت تشك فيني؟!!!! ماتوقعتها منكك عشان بس كم كلمه صدقتتت انا وش سويتتت ماسويت ، رمت الجوال على الارض
ونطقت: ياشكاك من امس وانت تفكر وتشك فيني!!!
سالم سحبها من معصمها بقوه ونطق بعد ما نفذ صبره : انا ماشكيت فيشش انا بس وريتش الكلام ويحق لي افكر دامه اخوي الي مرسل لي مو اي احد اقدر اكذبههه فهمتي!!!!!
دموعها انهالت ما توقعت ولا واحد
بالميه انه راح يفكر ويشك فيها انها تخونه ولا بعد مع اخوه مدت يدها ضربه بقوه من صدره : اكرهك اكرهك ياشكاك
مد يدينه يمسك يدينها ويثبتهم ويشد عليهم بقوه ونطق بعصبيه : عشان كذا ما قلت لش على طول تكبرين الموضع وتألفين فيه افهمي يابنت انا ماشكيت بس مصدوم من كلام اخوييي عنش بس لاتفكرين ولا واحد بالميه بذا الكلام اني شكيت فيش او شي ابد انا واثق سامعهه!!!
هزت راسها بانفي تنهال الدموع اكثر ونطقت بصوت مهزوز : يدييي عورتها
فك يدينها يتنهد بتعب ومد اصبعه يمسح دموعها ونطق : انتِ مافهمتيني تكفين افهميني افهميني ولا تفكرين من راسش
نزلت عيونها للارض تصد وجهها عنه وتنطق : ابي اروح ل اهلي
عض على شفته بقهر ولانها مافهمت يعرف كل ماصارت بينهم هوشه او شي تطلب تروح ل اهلها حاول يتماسك ويمسك اعصابه ومد يده لفكها ويلف وجهها ناحيته ونطق بهدوء وتركيزه على عيونها الي تتهرب من مقابلة عيونه : شيخه حبيبتي افهميني مو تتهربين مني انا اسف اسف لكن انتِ فهمتي غلط انا ماشكيت فيش واثق فيش اصلا لكني ساكت ومنصدم من اخوي بس
سحبها له و يحضنها ويمد يده يمسح على ظهرها بحنان ونطق: انا احبش ما انسى يوم وقفت بوجه امي عشانش عشان اتزوجش وياما انضربت من عمي حسين عشان اشوفش اخر شي تقولين اكرهك!!!
ابتسمت من تذكرت ايامهم القديمه ومان ضحكت بخفه بذكرياته مع ابوها وكيف كان يهاوشه ويضربه
ابتسم سالم من سمع ضحتها ونزل يقبل راسها ويشد على حضنه لها
-
صحى من نومه بنزعاج على صوت جواله مد يده ياخذه يشوف من الي متصل عليه رد ونطق بخمول : خيرر
غيث : خيرات ولد شفيك نايم للحينه صحصح قوممم
نطق حسام من كان مغلق عيونه : هاه؟
صرخ غيث بوقه: اصحىىىىىى
فز حسام من صرخت غيث يبعد الجوال عن اذنه ونطق : طيب طيب
فقعت اذوني يلا
اغلق المكلامه ورمى جواله على السرير وتوجه ل دورة المياه يغسل وجهه
وياخذ له شاور على السريع ، وبعدما نتهى طلع ياخذ جواله وقبل يخرج
اسوقف يفكر هل يصحيها او يتركها نايمه وقف يفكر لثواني ثم رجع لها
يصحيها ويقف بجانب السرير ما يعرف كيف يصيحها ل اول مره يصحي شخص بهدوء انحنى بظهره يمد يده يهز كتفها بخفه : حنينيٍ حنينيٍ قومي يلا الساعه عشره حنينيٍ قوميي
تحركت حنان ب انزعاج لكنها ماصحت
مد يده يبعد البطانيه عن عنقها وابتسم بخفه من لاحظ السلسال للان بعنقها
و ما فكته وضل واقف كيف الاقدار جمعتهم ماكان متوقع بيوم من الايام
تصير زوجته كان يشوفها كثير بحكم انها بنت خالته ولا طرت به فكره عنها ولا حاجه لكن الان!! الان صار يفكر فيها كثير ويهتم لها مايرضى عليها الغلط ومال قلبه لها مال كله لها وهذا نصيبه معاها
فتحت عيونها ببطى تناظر حولها لكنها تفاجئت وفزت مفجوعه منه ومن نظراته واقف قريب لها ومنحني ، وسعت عيونها بصدمه اكثر من نطق بخوف وقلق عليها : بسم الله عليش شفيش؟!
وضعت يدها على راسها بصدمه ونطقت بعصبيه : مافيني شي انت وش فيك تطالع لي كذا؟!!
ابتسم بخفه ونطق وهو يعرف انه راح ينرفزها بكلامه : اتأمل زوجتيي شفيشش؟؟ ( و شدد على كلمة زوجتي )
صدت نظرها عنه بقهر ونطقت : طيب ابعد
ابتعد وترك لها مجال وهو لا يزال مبتسم ويناظر لها
وقف تناظر فيه بستغراب من نظراته : خلاص قمت شفيك تطالع؟!!!
ضحكك بخفه ونطق : انزلي انزلي ترى حطو الفطور انزلي افطري يابعدي
-
الظهر
عند غيث صحى من نومة بعد الفطور غسل وججه وطلع متجه للمطخ من حس بشويت جوع دخل المطبخ يتجه على طول للثلاجه كشر بقهر مافيها شي ياكله بسرعه سكر باب الثلاجه بقوه ثم لف لجواهر الي كانت واقفه عند الفرن
ونطق وهو يتقدم عندها : وش تسوين؟
ردت عليه جواهر : اسوي شاي حبق
ابتسم غيث ونطق : الله كاسه ولا ابريق ؟؟
نطقت جواهر وهي تضيف السكر : ابريق ماتشوفه!!
ضحك غيث بخفه ونطق : كفو كفو ذي السناعهه
ضحكت جواهر والتفتت له : اقول شرايك تكمل السناعه وتروح تجيب بسكوت موز من البقاله
ابتسم غيث بستغراب وبانت بملامحه ونطق بستغراب: موز!!!!
عقدت حواجبها بستغراب منه : ايوه موز شفيك؟!!!!
كشر بوجهه ونطق : عشان كذا مثل القرود تاكلين موز كثير
رفعت حواجبها بذهول والتفتت بقهر تأخذ الملعقه تريمها عليه : انقلعع روح جيب بسس
ركض غيث طلع من المطبخ وصوت ضحكاته عاليه
-
بالصاله
كان فيها حمد الي منثر اوراق وصور للقضيه وجالس يحاول يحلها
ونيال الي تنتظر جواهر تجي وكل شوي تاخذ ورقه وتحاول تحل
~
نيال سحبت احد الاوراق ونطقت : وش ذي ليش مافيه صورهم عشان نختار
حمد اغمض عيونه ومد يده يضعها عليها بتعب وصداع منها ومن تدخلتها المتكرره : وش اختياره صاحيه انتِ لازم ندرس القضيه
كشرت بملامها ورمت الورقه تنطق : صح لكن لو كان......
صرخ حمد بنفاذ صبر من كثرت كلامها : مافيه لو كان اسكتي
فزت تبعد من صرخته و ابتسمت بوهقه تنطق بهمس : يخوف
دخلت جواهر وبدينها صحن فيه الشاي و الاكواب وتحطه بالارض
التفتت على نيال ونطقت بتسأل : وين شموخ وحنان ؟
بوزت نيال من تذكرتهم ونطقت بزعل : فوق طردوني من الغرفه يعنني اسرار
وكذا
حمد رفع ناظر لها ونتطق : الا من كثر هرجش
ناظرت فيه نيال من تخزه ثم تصد وجهها عنه
نطقت جواهر : يوهه غيث تاخر كل هذا عشان بسكوتت
و تبدت تصب لهم الشاي وتعطيهم ثم جلست بجانب نيال ونطقت : الا عزام
من اليوم وهو مبتسم وحالته حاله والحينه ماسك يمه نوره فيه شييي
نيال بدت تفكر وبعدها : ايه والله حتى انا احس كذا لازم نشغل تحقيقاتنا ونعرف
جواهر بحماس : ايوهه لازم!!!
سكتت نيال تاخذ لها رشفه من الشاي ورجعت تاخذ ورقه من اوراق حمد
وتنطق : احس القاتل هو ليونارد !!!
سحبت جواهر الورقه منها ونطقت: ايه ايه واضح انه هو
حمد حاول يمسك اعصابه من تصرفاتهن ولا يهاوشهن سحب الورقه من يد جواهر بقوه وكانت ان تنقطع ، ينطق بحده : مابه واحد اسمه ليونارد
ومالكم شغل ......
جواهر ونيال ناظرو لبعضزثم ابعدو عنه بكملون سوالفهم
~
دخل غيث المسرع يتوجه على طول عندهم يجلس يرمي الكيس على جواهر
ونطق لحمد : الله الله شاهي وقضيه عشان تمخمخ
نطق حمد : اص انت الثاني ابي اركز
سحبت جواهر الكيس تفتحه وكان فيه بسكوت الموز الي طلبته ابتسمت بخفه ما تنطق بحاجه تفتحه وتبدا تاكل
اما نيال عقدت حواجبه ونطقت بزعل : خير خير بس جايب موز انا ابي فروله
ابتسمت غيث بورته يرفع كتوفه بعدم معرفه : ماقلتي لي يابعدي ولا كان جبتلش
كشرت نيال ونطتق بزعل : ان ان ان ان انقلع
-
بغرفة الجده نوره
كانت جالسه الجده نوره بهدوء تقراً وردها اليومي من القران
طرق الباب يدخل عزام يجلس بجانبها ينتظرها تخلص القرايه
وبعد همس دقايق اغلقت الجده نوره المصحف ونزلته على الطواله ثم التفتت
ل عزام تنطق : تبي شي ؟
تردد يقول لها او لا وكان يهز رجله بتوتر وتفكير خاف يقول لها و ترفض الفكره بحجة المره الاولى ما نجحت بلع ريقه بتشتت وعيونه كانت للاسف لكنه رفعها لها من حطت يدها على كتفه تنطق : قول ياولدي وش بك وانا اساعدك
تنهد يمد يده يحك راسه ينطق بتردد : ااا بقول لش موضوع مهمم! بس لا ترديني طلبتش
استغربت الجده نوره تنطق : قول قول مابردك وبساعدك
عزام مد يدينه يمسك يدين امه يقبلهن ويضل ماسكها ينطق : يمه انا ابي اتزوج
ابتسمت الجده نوره ونطقت بفرحه وحماس : اخيراً تبي تفرحنا الحين ادور لك على اجمل عروسه تناسبك
ابتسم عزام وهذا الي كان يخافه لكنه حاول يقوي نفسه ونطق : يمه انا ابي وحده بس ولا ابي غيرها قبل غلطت اني ماكلمتش بسرعه ولا قلت لش ومشيت بدرب غلط لكن الحين مابي اغلط مثل قبل...
سكتت الجده نوره خافت على ولدها يصير له مثل الاولى تعب عليهم
بعد ماتركها والحينه يرجع يطلب لها ومثل قبل عن حب!!
نطقت بتردد : من الي تبيها ؟!
ابتسم عزام بفرح ماتوقع راح توافق وتسأل ونطق بصوت واضح فيه الفرح و اللهفه : بنت ال فهـد اديم ...
سكت بستغراب من تغيرت ملامح امه : فيش حاجه؟
هزت راسها بانفي وحاولت تكون ملامحها طبيعيه: لا مابه انا اكلم ابوك بالموضوع لا تخاف لكن ما تحس انها صغيره ؟!
عقد حاجبه بستغراب من كلمة امه وهز راسه بالنفي : لا ، وبعدين مو لازم بسرعه عادي نجلس سنه سنتين ما عندش مشكله اهم شي نبعد عن الحرام
ابتسمت بفخر بعد كلامه وانه تعلم من غلطه الاول ونطقت : خلاص انا اشوف ابوك واقول له لا تشيل هم
ضحك بخفه و السعاده ارسمت على ثغره وقفز بسرعه قبل راس امه اكثر من مره ويدينها وينطق : الله لا يخليني منش يابعدي الله لايخليني
ضحكت الجده نوره من ردت فعله : ولا يخليني منك ياحبيبي يلا
-
وبأحد شوارع الديره كانت راجعه من البقاله و كلعاده تمشي من طريقها
المعتاد وقفت من طرت على بالها فكره و اللوحات و توجهة للمكان الي تشوف فيه دايم اللوحات و الاوان وامنيتها انها للان فيه ومحد شالها ومن وصلت ابتسمت بفرح انها موجوده وتوجهة على طول لها تشيل الشرشف عنها حبها للالوان و الفرش كبير نزلت الاغراض الي بيدها واخذت لوحه مو مكمله واخذت بعض الاوان وتضع منهم على خشبت الالوان وبعدها الفرشه وبدت تكمل اللوحه
وما ان مرت عشر دقايق ابتسمت تناظر للوحه بعد ما اكملتها بفكرتها الخاص
و حطت لمساتها نزلتها على الارض التفتت بخوف من سمعت صوت
خلفها : هيه وش تسوين ب اغراضيي؟؟
فزت بخوف ترمي اللوحه من يدها رجفت يدنها وكان جاها هبوط ماقدرت تتحرك من مكانها من الخوف والقلق وما ان شافته مشى بتجاها يقرب منها بلعت ريقها بخوف وقف بعد عنها شوي وناظر للرسمتها ماكان من نوع الرسم الي يحبه والي يرسمه كشر بوجهه ونطق : زود ما انش سارقه اغراضي ورسمش خايس
خف الخوف عندها من شعرت بالغضب ونطقت : من زين رسمك عاد
، نزلت يدينها تاخذ من الرمل وترميه عليه قم وقفت بسرعه تركض تنحاش من عنده ، اما بهاج حت التراب الي عليه بغضب : وجععع حيوانه ماتستحي
ثم تقدم ياخذ اغراضه ويجمعهم : والله ما اخليهم هنا وتجي ذي الوقحه ثاني مره
-
العصر
عند الجده نوره و الجد محمد بالحوش
جالسين لوحدهم وفقط عزام الي موجود يصب لهم قهوه والابتسامه شاقه
وجهه و نظره كله ل امه يغمز لها لتبدا النقاش مع ابوه
ضحكت للجده نوره بخفه ثم نطقت تمثل الجديه : ابو عبدالعزيز بكلمك بموضوع
نزل فنجاله الجد محمد ونطق بستغراب : وش هو ؟
ناظرت الجده نوره لعزام ونطقت : موضوع يخص الدلخ الي قدامنا
ابتسم عزام من نطقت الدلخ
رفع الجد محمد نظره ل عزام واستغرب ابتسامته ونطق وهو يهز راسه : ايه والله انه دلخ ...اسلمي ؟
الجده نوره : ولدك الدلخ شوي ويصك الثلاثين وانا من زمان كنت ادور له عروسه تعرف مايصير كذا ما يتزوج والصدق لقيت بنت الحلال الي تناسبه
رفع الجد يده للحيته يمسح عليها ويفكر ونطق : ماتوقع هذا حق مسؤليه
وقف عزام والابتسامه مو مفارقه ثغره من البدايه : انا ارواح واتركم احسن
وقبل يمشي وقفته الدجه نوره من نطقت : ولد اجلسس
بلع ريقه ونطق : سمي ، وجلس قدامهم
لفت الجده نوره تناظر للجد محمد ونطقت : انا ولدي مزوجته اليوم قبل بكرا ما تدري وش تصير بالدنيا بعدين وابي اشوف عياله قبل اموت
نطق عزام بسرعه : بسم الله عليشش يابعدي
سكتت الجد محمد الي كان مو مقتنع كثير وماوده يخوض ولده بتجارب ثانيه
لكنه نطق باستفسار: ومنهي ذي البنت ؟؟
ابتسمت الجده نوره حست انه راح يوافق من سؤاله ونطقت : انا دورت وتعبت مابي لولدي الا الزين والسنع والاحترام وبنت نعرفها ونعرف اصلها
حفيدة فهد خويك الكبيره اديم
ابتسم الجد لطاري خويه فهد ونطق : بنت الأجاويد والله ودامها هي انا موافق اعرف فهد وتربيته ما فيها شك
وسع عيونه عزام بفرح وما توقع انه راح يوافق ابتسم ب وساعه وبلحظه كان يبي يقوم يحضن ابوه ويقبل راسه لكن ركد من لمح نظرات امه له يبلع ريقه ويجلس مكانه وعيونه على الارض وهذا الظاهري لكن من داخله عكس قلبه ينبض بقوه من شدت الفرح وكانه يتراقص
ابتسمت الجده نوره ونطقت : دامك موافق نشوف راي المعرس اذا موافق ؟!
ناظرت ل عزام وهي تغمز له : شرايك ؟
رفع نظره عزام يعصر يدينه يحاول يتمالك نفسه ونطق : دامش يالغلا ما تدورين الا الزين و ابوي موافق ما اخلف رايكم وانا موافق
وقف يقبل راس ابوه ثم راس امه وهمس لها : احبس يا قلب محمد
ضحكت الجده نوره تقرصه من كتفه بخفه
وقبل يروح نطق الجد محمد : شرايكم اليوم نروح لهم دامني مشتاق ل فهد
ومره وحده نخطب بنتهم
ابتسم عزام بواسعه وما توقع ذي السرعه ونطق بدون تردد : موافقينن
ضحكو الاثنين عليه وعلى استعجاله ونطقت الجده نوره : دامه وافق تمام
ابتسم عزام ناظر ل امه ببتسامه ونطق : بس يايبه انتبه لخويك فهد لا تشوفه امي و تضربه ترى غيرتها عليك ، ضحك بخفه من ملامح امه ومشى بسرعهه يدخل للداخل والفرحه ماليته و توجه بسرعه يحضن شموخ الي كانت قدامه
وينطق : اخيرا اخيراً قولي مبروك
ابتسمت شموخ لفرحته ولو ما تعرفها ونطقت بستغراب : مبروكك بس على ويشش؟
نطق عزام : بخطب بخطبب
ضحكت شموخ بفرحه ورجعت تحضنه : الله الله مبروككك
ابتسم عزام : الله يباركك فيشش عقبالش عقبالشش
وقبل تنطق شموخ التفتو من دخل الجد محمد وينطق : قولو لهم يتجهزون بسرعه الليله ماشين لهم ان شاءالله وبدق على عبدالعزيز يجي معانا
هزت راسها شموخ بالاجابه تناظر ل عزام الي كانت الفرحه واضحه من ملامحه يأشر على انفه وينطق : ابشر على خشمي
-
بالفعل ماهي الا ساعتين والكل جاهز وبدو يتوزعون
اقترب حسام من الجده نوره ينزل ويهمس لها : ضبطيني وخليني معاها لحالنا
ابتسمت الجده نوره ونطقت بنفس الهمس : تمام
ومشت تتركه وتروح عند الجد محمد تنطق : ليش مانخلي الاغراض الباقيه بسيارة حسام عشان باقي يكون فيه مكان يجلسون
استغرب الجد طلبها وليش بسيارة حسام بذات لكنه هز راسه بالاجابه : تمام
وما ان بدو يركبون وبقيت شموخ الي توها طلع وكانت متأخره
وقفت عند ابوها الي واقف مع عمها عبدالعزيز : يبه مافيه مكان بالسياره
ناظر لها حسين ونطق : مع حمد ؟
هزت راسها بالاجابه ونطقت : ايوه مافيه
سكت شوي حسين ونطق : زين شويه واجي اشوف لش
ابتسم عبدالعزيز ونطق : ليش ماتجين معنا يابنتي
ابتسمت شموخ بهدوء ونطقت : لا عادي مايحتاج
عبدالعزيز مد يده يمسك يدها : الا والله لتركبين لا تستحين ولا ياحسين ؟!
هز راسه حسين ونطق : كيفها اذا تبي تروح تروح
سحبها عبدالعزيز معه وهو يضحك : تعالي معنا واسحبي على ابوش
ضحكت شموخ بخفه ونطقت : هذا الغالي ما اسحب عليه
ابتسم عبدالعزيز ونطق : يلا معليه اعديها لش ذي المره ... تبين تركبين عند البنات؟
نطقت شموخ : عادي ، نادا عبدالعزيز غزيل ونطق : شموخ تبي تركب معكم
ابتسمت غزيل بفرح تتقدم تحضن شموخ بحماس وتنطق : الله الله يبي يصير وناسه ، ثم سحبتها مع يدها ونطق : يلا يلا نركب بسرعه
ابتسمت شموخ وتوجهت تركب ومعاها ، وكان ترتيبهم العنود عن الباب خلف كرسي السائق وغزيل بالوسط وشموخ عند الباب بالجهه الثانيه
وقدام كان جالس سيف بجوار كرسي السائق والسائق هزاع ، اول ماركبو
نطقت غزيل بفرح : عندنا ضيف عندنا ضيفف شموخ بنت عمي حسين معانا
فز قلبه من سمع اسمها شذي الصدف الي ماتنتهي والصدق ماوده تنتهي
حاول يتمالك نفسه و مايعطي ردت فعل يمد يده يشغل السياره ويتوجه اول شي قبل يطلعون من الديره للبقاله يجيب شويت تصبيرات للطريق
ينزل وينزل معه سيف ، التفتت العنود لشموخ. تنطق : الله شموخيي معنااا
ابتسمت شموخ لها ونطقت : عيوني
نطقت غزيل الي كانت عيونها على الشخص الي واقف عند البقاله ويسلم على عزام ويضحك معه هو نفسه الي قابلته اليوم : من هذا ؟!! وليش يسلم على عزام!!!
ناظرت له شموخ ثم نطقت مجاوبه على سؤال غزيل : هذا بهاج خوي عزام
رفعت غزيل حواجبها بصدمه : اما خويه يعع من ثقل النفس شنوح عمي يخاوي ذي الاشكال
ضحكت العنود بستغراب تنطق : وانتِ شعرفك انه ثقيل نفس
ابتسمت غزيل برتباك ماودها تعلمهم بالي حصل ونطقت : حسيت حسيت
فتحت شموخ شنطتها تدور على بندول من حست بصداع براسها ولكن ماحصلت التفتت للبنات تنطق : حبايبي عندكم بندول ؟
هزت العنود راسها بالنفي ، ونطقت غزيل : لا مامعي بس عادي نوقف عند الصيدليه اذا ودس
ابتسمت شموخ تهز راسها بالنفي : لا عادي مايحتاج صداع خفيف ويروح
ابتسمت غزيل من طرت بباله فكره ، وما ان ركبو هزاع وسيف
ناظرت لشموخ وهي تبتسم بخبث ثم تقدمت للامام ونطقت : هزاع عادي تنزل
للصيدليه شموخ تبي بندول مصدعه
فتح هزاع عيونه بقلق و هز راسها ينطق : ابشري ، نزل من السياره من كانت الصيدليه قريبه من البقاله اللي واقفين عندها
رجعت غزيل ظهرها لورا وتحركت بعشوائيه بعدما مدت شموخ يدها تقرصها بخفه وتنطق بهمس خافت : قلت لك مابي ياحيوانه
ضحكت غزيل عليها وعلى ردت فعلها واقتربت تهمس لها ب اذنها : عادي يابعدي بالمستقبل ... سكتت من ركب هزاع ومعه البندول
بلع ريقه بهدوء يهدي نفسه ويمد يده للخف ينطق : ماتشوفين شر
YOU ARE READING
أنتِ الشموخ الزين وأنتِ مهابهـ..
Randomلا تبالغ بـ المحبه وتصدمك الظروف ولا تعمّق بـ المشاعر وخلك واقعي . - حساب الانستا : 8rewei44
