أنتِ الشموخ الزين وأنتِ مهابهـ..

Part 6

-
العصر
كالعاده مجتمعين بالحوش يتقهون
الجد محمد: ومتى يجون؟
ابو محمد(عبدالعزيز): اليوم ان شاءالله واحنا بعد شوي نروح نشوف اذا فيه غبار شي ننظفه
حز راسه : ان شاءالله عادها مو تحسبون علينا
ضحك عبدالعزيز : ابد يالغالي كل عصريه عندكم 
الجد محمد ابتسم : زين انك تعرف
-
نزل من السياره يوقف قدام بيت جده يوزع نظره للشوارع   الديره ماتغيرت كثير  يتذكر الماضي يتذكر الذكريات الحلوه الي عاشاها هنا مضارباته هو والعيال هواش جده له مصايبه هو وسلطان حن قلبه لذي الايام ايام البساطه
صحى من صوت اخوه: هذا بيت جدي ماكنه متغير شوي
محمد: ايه بيته
نزلت اريج من السياره: يووه ياقدم بيته
ابتسم محمد : يلا خلنا ندخل
-
ببيت سالم
جالسه بتعب تحس بخمول مو قادره تسوي اي شي
التعب ماكلها هاد حيلها صداع ارهاق
دخل عليها يجلس بجنبها وهو يمسك كفوفها  : هاه شيوخ تعبانه
طالعت فيه بكل تعب : فيني خمول وتعبانه
سالم بخوف عليها : تبين اخذش للمستشفى
هزت راسها بانفي : لا مايحتاج تعب حمل طبيعي
طالع بعيونها واضح عليها التعب الشديد لكن مابيده شي
:مو تعب طبيعي ياحياتي لازم نروح للمستشفى
شيخه: زين روح لدوامك بعدين توديني للمستشفى
سالم: والله ماودي اتركك كذا تبين اوديش ل امي او ل اهلش
شيخه: مو لازم ببقى للبيت ماراح تتأخر صح؟!
سالم: ايه ياعيوني ماني متأخر لكن لازم اخاف يصير فيش شي ماراح اسامح نفسي
تنهدت بتعب : زين اجل ودني بيت اهلي
وقف : اجل يلا قومي البسي عباتش
-
ببيت حسين
جالسن يتقهون بعد ماسلمو عليهم
الجد: هاه يا محمد كيف الاخبار
محمد : الحمد الله بخير
الجد : اقول ياعيال انتم وش شغلكم؟!
غيث بهمس لحمد: يبي يشغلهم معه
حمد بنفس النبره: انطم لاتفضحنا
محمد: انا دكتور بالجامعه
الجد: ماشاء الله عليك ياولدي وانت ياعايض
عايض : دكتور ياجدي
الجد: وراك طيب ماتشتغل
ضحك عايض بفشله: شهر اجازه
غيث بضحك  : شكل مسوي غلط وفصلوك
عايض رمى عليه علبت المنديل : اسكت بس
الجد خز غيث : احسن منك جالس لاشغل ولا مشعله
عبد العزيز بضحك : والباقين بدون شغل
الجد بصدمه: تيام مايشتغل؟!
تيام: لا ياجدي تو قبل ماجي قدمت على سركه وان شاءالله يقبلوني
الكل: ان شاءالله
-
عند الحريم
الهنوف: يابنتي اروج هنا ان شاءالله
اريج ابتسمت : لا ياعمتي بس جايه زياره تشوفني مامعي
عيالي
ساره: السفره بدون العيال احلى
الهنوف : ايه لكن ينقصها طعم هم ملح الحياه
اريج : ايه والله انهم ملح الحياه لو تشوفيني كل شوي متصله عليهم
الجده نوره: وهي صادق تحاتينهم حتى وهم كبار  ومتزوجين والله كنت احاتي عبدالعزيز وكل يوم اشوف اخباره
ام سلطان: ايه قلب الام دايم كذا مايرتاح الا وعيالها حوليها
دخلت عليهم شيخه : سلام عليكم
الكل: وعليكم السلام
الهنوف : اجلسي  يا شيوخ ،جلست بتعب : اخخخ يا لتعب
الهنوف : تبين اجيب لش شوربه حليب شي
شيخه: لا يا حبيبتي مابي شي اجلسي استريحي
كملو الحريم سوالفهم المعتاده
بوسط السوالف حست بألم فضيع مسكت بطنها ماتقدر تتحمل الالم  قالت بهمسه  مسموع : اخخخ
فزو كلهم الموجودين وتجمعو عليها  ام سلطان بخوف : شيخه فيش شي ، راحت الهنوف بسرعه تجيب لها ماء : اشربي يابنتي اشربي وتعوذي من إبليس
مسكت الماء تشربه جغمه وحده بعد ما انتهت مسكت بطنها بألم: اه اه موت من الوجع ،فزت سلمى: ليكون تبين تولدين توك بالسابع ، الجده نوره : ايه بتولد نادي احد اخوانش ،الهنوف لفت عليها : بسرعه قومي نادي احد منهم  يودها المستشفى مافيه وقت ، قامت بسرعه تدق على سلطان تعلمه يشغل السياره ويطلعها
~
وصلو المستشفى مكان معها الا عمتها الهنوف وامها
دخلوها غرفت للولاده بسرعه لان حالتها كانت شوي صعبه  جلسو هم برا يستنون و طلع سلطان يدق على سالم
رد عيله : الو
سلطان وهو ياخذ نفس يحاول يهدا شوي لانه كان مختبص : سالم وينك فيه
دق قلب سالم بخوف من نبرت صوته: بالدوام ليش وش فيه شيخه فيها شي ؟!
سلطان: اهدا مافيه الا كل خير بس تعال المستشفى***** شيخه بتولد
سالم انصدم :كيف تولد توها بالشهر السابع
سلطان: ايه ولاده مبكره انت بسرعه تعال لاتتأخر
سالم وهو يجمع اغراضه بسرعه: زين يلا خمس دقايق وانا عندكم ، انهى المكالمه دخل يشوف امه وعمته
الهنوف: والله كنت حاسه يوم شف وجهها
ام سلطان: الحمدالله الحمدالله كله بيد الله ان شاءالله تطلع بخير
دق جوال الهنوف تاخذه تشوف الاسم: يووه ياذي النشبه من يوم طلعنا وهي تدق
ام سلطان: منهي ؟!
الهنوف بقل حيله: من غيرها سلموه ازعجتني
ام سلطان تنهدت : لا اله الا الله طبقي بوجها  ولا اعطيني اخرشها ، طبقت بوجهاا: لا خليها بعدين تزعجنا اكثر
-
نرجع للبيت كانو كلهم مجتمعين
نيال بحزن : يووه شيوخه المسكين تعبانه مره
شموخ: يارب تتسهل عليها ولادتها
الجده نوره: بخير ان شاءالله
سلمى: بس ياجده وش تولد بالشهر السابع
ساره: عادي يابنتي هذي انا جبت حنان بالشهر الثامن والحمدالله الحين هي وش ناقصها
نيال: انتي ب الثامن هي توها بالسابع
ريم: عادي فيه كثير يولدون بالسابع عادي ماراح يصير لها شي
-
بعد خمس دقايق
جاهم سالم : هاه وينها
سلطان: داخل اجلس ارتاح "ومد له علبة صحه"واشرب ماء
ام سلطان: مافيها الا الخير
جلست بتعد وهو ياخذ الماء يشربه : من متى وهي داخل
سلطان: تقريباً نص ساعه كذا ان شالله ماتطول
سالم: ان شالله
~
بعد ساعه كامله طلعت الممرضه "كانت فلبينيه "
فزت ام سلطان من مكانها: هاه كيفها؟!
ابتسمت الممرضه  : بخير الحمدالله كلو بخير ماما وبيبي
ام سلطان: الحمدالله ، ابتسم سالم من الفرح وسجد سجود شكر لله: الحمدالله الحمدالله نقدر ندخل نشوفهم
الممرضه: ايوه بس هذا ماما كتير تعباد بس خمسه دقيقه ثم اطلع ، ماصدقو انها قالت لهم كذا ودخلو كام لها
سلمو عليها يباركون لها ام سلطان: الف مبروك ماجاكم يتربا بعزكم ، شيخه بتعب : الله يبارك فيش
الهنوف : نبي نروح نبشر ابوك وخواتك ونرجع اذا فتحو الزياره انتبهي على نفسش ، طلعو من عندها  مابقى الا سالم الي قرب لها باس جبينها وقال بهمس : مبروك ماجانا
ابتسمت بحب : الله يبارك فيك هاه شفته
جلس على طرف السرير يمسك يدها : لا والله تو يقولون شوي اهم شي وش تبين تسمينه؟!
قالت بتفكير : مدري دور انت معي اسم حلو
طالع بعيونها : انتِ الي جبتيه ف سميه انتِ
طارت عيونها بصدمه: والله طلع معي اسم حلو انت ابوه بعد
ابتسم من ردت فعالها ويبوس يدها: شرايش بعنتر حلو صح؟!
سحبت يدها منه :سالمم خير وش عنتر  لا تستهبل
ضحك : امزح معش يالغلا شرايش ب عبدالرحمن ؟!
هزت راسها بالنفي : لا معيود كثير
سالم : اجل وش تبين طيب صقر؟!
مسكت كفوفه وقالت: شرايك يابو صقر تسألهم متى
نشوف ولدنا
ابتسم ابتسامه عريضه حس بفرح من كلمة ابو صقر مو قادر يستوعب انه صار اب : من عيوني الحين اسألهم
دخلت عليهم الممرضه تقول انه انتها الوقت واصلاً المفروض مايدخل الا وقت الزياره
سالم: تبين شي ؟
شيخه: لا سلامتك
اقترب منها يحضنها : مع السلامه يا ام صقر ، طلع
شيخه ابتسمت وارتمت على السرير بتعب مو مصده الي يصير
-
ببيت حسين
بهد مارجعو وقالو لهم انها ولدت بالسلامه
جواهر: ليش ولد يكفي فايز نبي بنت
ام سلطان: انتي وش عليش وش دخلش
نيال: صادق نبي بنت كيوت اكثر
الهنوف: اسكتي انتِ بعد
ضحكت الجده: خلاص يابناتي بنت ولد مايفرق اهم شي تفرح
قامت ياره تلبس عبايتها: بسري انام قبل موعد الزياره الا متى هم قالو
ام سلطان: اتوقع العشاء ساعه بالكثير ويطلعونا
وهي تعبانه قلت نجيها بكرا ومره وحده
-
العشاء بالمستشفى
بعد ما انفتح موعد الزياره جاء سالم مع امه واخته
سحر: واي كيوت ياربي ودي اكله
ام سالم: وش راح تسمونه
سالم ببتسامه : صقر
ام سالم : حلو الاسم اكيد انت مختاره
اول ماقالت الكلام طالع بشيخه خاف انها تكبر لكن هي ساكته وماردت كأنها ما سمعت سكت لثواني : كلنا اخترناه
ام سالم قامت تبي تطلع : يلا انا بروح معزومه مقدر اطول
شيخه بهمس : فكه ، لفت عليها : وش قلتي ؟!
ابتسمت بتسليك : مع السلامه
ام سالم: على بالي ،اول ماطلعت لف سالم لشيخة بزعل : شيخه الله يهديك
شيخه: وشو ماتشوف وهي بس جالس تقط علي الكلام
سحر نزلت صقر بسريره: ماعليك مع الايام راح تسكت
شيخه: مدري انا وش مسويه لها عشان تعاملني كذا
سالم: ماعليه ان شاءالله تتغير  تبين شي انا بطلع اودي سحر للبيت
شيخه: سلامتك
-
نوقف شوي نتعرف على سالم واهله
ابو سالم : سعد  عمره 60
ام سالم : مزنه عمرها 53
فارس : عمره35 اخو سالم الكبير متزوج من ريما وعنده توام بنات جوري و جود
سالم: عمره 30
سحر : اخت سالم الوحيده عمرها 27 عندها بنت لطيفه
-