أنتِ الشموخ الزين وأنتِ مهابهـ..

Part 23

الساعه 6 المغرب دخل البيت بعد يوم متعب مره عليه توجه للحديقه وفيه امه جالسه لحالها وكانت تكلم اختها جلس على الكرسي واخذ الدله ويصب لنفسه القهوه وبدا يشرب بروقان ،
نطقت ام هزاع (اسماء) قبل تقفل الخط : اجل جاين بكرا لكم نخطب
شرق هزاع بالقهوه من كلمتها والتفت عليها بسرعه و اول ما اغلقط الخط نطق بستعجال : وشش وش خطبته يمه !!!!
ناظرت فيه ونطقت بسخريه : خطبت لك بنت خالتك
سكت مصدوم عجست الحروف تطلع منه نزل راسه وقبل يوقف
نطقت امه بضحكه: وش فيك قمطت امزحح امزح بس شفتك داخل قلت امقلبك
رفع راسه بسرعه يناظر لامه ونطق بجديه : يمهه هذا موضوع يمزح فيهه تكفين
صدت عنه ورفعت فنجال القهوه : انقلع يالنفسيه الجيل ذا دمهم ثقيل
لف يمشي وهو مجلوط من امه ومزحها الثقيل لكنه مب ضامن كل مره مقلب
-
بخيمة سعود
جالس بينهم ولا كانه معهم وكل تفكيره فيها صحى على نفسه من ضربه بهاج مع كتفه : ورعع صحصح وش فيك لي سا عه اكلمك ما ترد
ابتسم عزام : هلا وش كنت تقول  ؟؟
كشر بهاج وهو يبعد : انقلع زعلت عليك ساعه اتكلم اخر شي وش تقول!!؟؟
سعود ابتسم بضحك : ييووه الولد مب يمك يهوجس بخيالته
بهاج عقد حواجبه بعدم فهم : وش خيالته؟!!!
نطق سعود : الي سرقت قلبه
التفت عزام بسرعه سحب سعود مع شعره : يا كذوب يا كذوب
نطق سعود بصراخ : لا تمعطط ياحيوانن ، تركه عزام و رجع يجلس وسعود يعدل شعره
بهاج صغر عيونه ونطق : اها يعني فيه سالفه ما اعرفها ،عدل جلسته يتربع ونطق : هيا علموني مني متحرك من هنا الا اذا قلتو
صد عزام : مامن سالفه
سعود ناظر لعزام ثم نطق : السالفه يا طويل العمر ان خويك طايح ومحد سمى عليه والي هي بنت سياف ال فهد
نطق عزام بعصبيه : لا تكذبي وش طاح ومحد سمى عليه ماطحت واصلا ما توقع راح احب بعد الي صار
ابتسم بهاج ونطق بحماس: ياشيخ اهجدد وانت كملل وش صاررر وكيف عرفتتت؟!!!!
سعود : ابد والله كل مايشوفها يبتسم وتتغير نفسته ولا بعد صاير يدربها ويسحب على الباقي
بهاج بصدمه : اححح اححح اححححح كل هذا يطلع من يا عزيمو صدق طحت طيحه قويه
ضحك عزام بخفه : ياخي وش فيكم ماطحت ماطحت بس باقي متمسك بالعامود عشان ما اطيح
تنهد بهاج ومد رجوله يضعها فوق رجول عزام وحط راسه على رجول سعود ونطق : ياخي يازينكم ياعيالي
سعود مد يده يقرص اذن بهاج : و ياحليلك ياجدتنا
ضحك عزام : جدتنا حليله
بهاج : الا اقول متى ترحون ابها ؟!!
رد عزام : بكرا ان شاءالله ليش؟!!
بهاج ببتسمامه : شاركة بمسابقة رسم وفالي الفوز
ضحكو عزام وسعود بفرح وسحبو بهاج يحضنونه
نطق عزامم بفرح واضح على نبرت صوته : ياشيخخخ يابهوجيي يلا المركز الاول لك
اكمل سعود بذات النبره : ه الله ه الله بارسم السنع بهوجنا وفالك الفوززز واعرفك فنانن ياوحشش
ضحك بهاج بفرحه تملى قلبه لكن سرعان ما اختفت من سأله عزام
:ابوك راح يجي؟!
صد بهاج وجهه يحاول يتماسك وما تنزل دموعه نطق : لا عنده مؤتمر ب فرسنا ومايقدر
سكت عزام من ادرك انه جاب العيد وناظر لسعود بورطه مير سرعان ما غير سعود الموضوع بأرتباك : الا هو لازم بطايق ولا اي احد يدخل؟
ابتسم بهاج لكن بقلبه غصه نطق : ايوه لازم بس انتم معي راح تجون ف مابيقولو شي ، وقف يتوجه لعد غترته يطلع من تحتها ظرفين تقدم وهو يمدها ل عزام : اهبهن لاي احد يبي يجي للمعرض
هز راسه عزام بالاجابه ومد يده ياخذهم منه : يعطيك العافه بهوجي
-
ببيت حسين
كان الجوء غائم والهواء البارد الخفيف مجتمعين الكل بالحوش
نطقت جواهر بملل : اففف وش ذي العيشه مابقى الا القليل
ناظرت لها حنان بستغراب : انتِ وش فيش من اليوم ذي الحياه نشوفش بعدها متزوجه وتطلعين من هنا
ابتسم الجد محمد ونطق : عاد الي يبي ياخذ جهير يبتلش فيها
التفت جواهر لجدها صغرت عيونها بشك : وليش!!؟
ضحك حسام ونطق : فيها شك لانش بلشه وعله على القلب
نطق الجد وهو يدعي الحده : الا جهير لا تغلط عليها تفهم
كشر حسام وصد ، ضحكت جواهر ووقف بسرعه تتوجه عند جدها وتجلس بجانبه ومدت يدها تمسك يد جدها ونطقت: ياحبيبي يايبه وياقلبي وشرايني ياجديدي
ضحكت شموخ ونطقت : جواهر ترى فيه وحده اسمها نورههه تعاين لش
ابتسمت جواهر وناظرت ل جدتها : افاا ياجديده تغارين!؟
ونطقت الجده نوره بلا مبالات : من زينه ذا الشايب
ردت الجد محمد مباشره وهو يوجه الكلام ل احفاده : انا شكلي برجع شبابي واتزوج شرايكم !؟
نطق حمد الي كان بجانب جدته : ما توقع تقدر على يمه نوره
الجده نوره ل حمد : خله خله الشايب هذا
ضحك الكل وكانت هذي عاداتهم اذا تهاوشو
الا عيون حسام الي كانت كل انظارها لها وعلى اي حركه تسويها وكان واضح عليها البرد من رجفت يدينها ، التفت لها ونطق بهمس :بردانه؟
عيونها على كوب الشاهي الي ببن اصابعها ونطقت بذات الهمس: ايه
ناظر فيها بهدوء وتمعن وبعد ثواني نطق بهمس : قربي
عقدت حواجبها بستغراب وتوتر من طلبه الغريب و ماتحركت تتركه يضحك عليها بخفه من خوفها الشديد ونطق مره أخره : قربي
بلعت ريقها بتوتر وخوف واضح على ملمحها واقتربت منه شوي لتجلس بجانبه مباشرةً ، رفع نظره يوزعها بسرعه على المكان  اذا احد انتبه او لا ثم رجع نظره لها مد يدينه يبعد فروته عن كتفه ويضعها عـلـى كتفها ،استغربت من حركته المفاجئة لكن حاولت ما تبدي اي اهتمام وهي تقرب كوب الشاهي وتأخذ جغمه ،ورجعو يسمعون لسوالفهم
-
ب الرياض
و صلو للبيت وادخلو السياره لداخل البيت
استوقفت بجانب اخوها وهي تشد على يده بتوتر
نطق عبدالرحمن: يلا ادخلو البيت بيتكم
التفتت ل غيث الي كان وجهه جامد ولا يبدي اي اهتمام ومشى ورا ابوه دخلو للداخل وكان اشبه بالقصر الكبير كان فيه شخص واقف عند الباب ابتسم اول ما دخلو وتوجه لهم وكانت الابتسامه بثغره ونطق : يامرحبا فيكم ، ناظرت فيه بصدمه كان يشبه غيث كثيرر اقتربت ل غيث تشد على يده بتوتر وخوف وهي للان ما شالت نقابها ، اما غيث الي كان مظهر الهدوء وهو بداخله اعاصير قويه ، ضحك عقاب على اشكالهم ونطق موجه الكلام ل عبدالرحمن: شكلك ماقلت لهم يالغالي ، ابتسم عبدالرحمن والتفت على غيث ونيال : نيال غيث هذا اخوكم عقاب، تغير وجع غيث من سمع اسم وعقاب وابتسم بفرح وهو يقترب يسلم عليه بحراره ،ناظر عقاب ل نيال : ماودس تسلمين !؟
بلعت ريقها بتوتر واقتربت تصافحه فقط ،شهقت من مد يده يشيل النقاب عن وجهاا ،ونطق ببتسامه : شيلي النقاب مابه هنيا الا اخوانس
امتلت الدموع بمحاجرها بمجرد ما رفع النقاب من خوفها
ضحكو عليها اقترب عبدالرحمن يحضن نيال ونطق : وش فيك خوفت بنيتي هاه؟!!
ميل راسها وعيونه عليها ونطيق : وش اسوي اذا بنيتك تخوف من اخوانها ، ابتسمت نيال ومدت يدها تمسح دموعها بكم عبايتها تقدمو يتوجهم للصاله ويجلسون فيها
وقف عبدالرحمن يسأذنهم : انا بروح انادي الباقين وطلع للدرج متوجه للاعلى
ناظر عقاب ل غيث ونطق : اخباركم اعلومكم كيف الديره معكم ؟
غيث : بخير ولله الحمد اخبارك انت ؟
عقاب وهو يعدل غترته : الحمدالله ، سكت يمسح على كفوفه بعد ما عم الصمت
~
وبعد مده نزل عبدالرحمن وخلفه اثنين توجهو يسلمون بهدوء جلسو نطق عبدالرحمن: هذولا اخوانكم فيصل ومشعل
ابتسمو بهدوء ثم جلسو
التفتت نيال على ابوها ونطقت بهمس مسموع : بابا هذولا ثلاثه وين الباقي
هز راسه عبدالرحمن : انتظري ياماما انتِ الليل يجون
ضحك عقاب ووقف يتوجه يجلس بجانب نيال : ثلاثه وقمطتي ام العافيه كيف لو كلنا مره وحده
كشرت بوجهها وصدت : كرهتك
ضحك عقاب ،واتسأذن عبدالرحمن ليرتاح ويتركهم لحالهم
التفت فيصل على نيال ووقف بسرعه يجلس بجانبها ونطق بحماس : اففف اخيراً عندنا اخت ولا حلوه بعد
ضحكت نيال بخفه ،فيصل مد يده يقرص خدها ونطق : اافف يازين اختي
مد عقاب يده يبعد فيصل ونطق : ذي اختي انقلع انت شفتها قبلك
هز راسه فيصل بالنفي ونطق : تعقب اختي ذي يلا انت انقلع
وبدو هوشتهم الهاديه و ملينانه ضحك . نيال كانت تناظر لهم بفرح مغتمرها ، اما غيث صحيح فرحان من فرح اخته لكن ما اضره ،
وقف مشعل ونطق : عن الخبال انت وهو اتركو البنت وتوجه يطلع ويتركهم ، التفت فيصل ل عقاب ونطق : شفيه هذا !؟
عقاب رفع كتوفه بمعنى ما اعرف ورجع يجلس بهدوء
~
نزلت بهدوء وبخفه وكان بيدها طفل صغير مقارب ل سن الثانيه (جمال )
و طفل يمشي معاها مقارب للعاشره (نواف) ، طاحت عيونها على نيال وابتسمت بخمفه لحبها للبنات ونطقت بصوتها الانوثي : السلام
ردو السلام بهدوء ،تقدمت تضع طفلها على الاريكه وتوجة لنيال تمد يدها لها وقفت نيال بسرعه وتوتر وسلمت عليها ما تعرف من ذي
نطقت : اهلين نيال نورتي بيتك 
ابتسمت نيال : النور نورك ، وضعت يدها على كتف نيال والتفت تناظر للموجودين ونطقت بهمس : وينه اخوكِ غيث؟!
استغرب نيال من سؤالها لكنها اشرت عليه : هذا غيث
ابتسمت وهي تبعد تتوجه تسلم على غيث الي وقف مصدوم يسلم عليها وهو مب عارفها ، ضحكت بخفه من شافت ملامح الصدمه عليهم وتوجهت تجلس واخذ تطفها تضعه بحضنها واما الاخر الي توجه ل عقاب بسرعه يجلس جانبه
سرعان نطق عقاب : غيث نيال مرت ابوي امل
تنهد غيث بهدوء عرف من تكون ، اما نيال الي كانت مستغربه واضح انها صغيره بالعمر
امل : نواف روح سلم على اخوانك يلا لا تستحي ترى نفس عقاب وفيصل
نواف الي يفرك يدينه بتوتر وخوف ،نطق عقاب : لا خليه اكيد مستحي يشوي ويتعود
ناظرت امل  للمكان ونطقت بستغراب : وين مشغل طلع!؟
هز راسه فيصل بالاجابه وهو ساكت ضل السكوت مقتحمهم  ومتوترين من وجودها
ناظرت ل نيال ونطقت : نيال حبيبتي تعالي جنبي واتركي العيال مع بعض ،هزت نيال راسها وتوجهت تجلس بجانبها
-
نزلت جوالها بعد ما انهت مكالمتها مع اختها وتوجهت تصحي عايض
الي غارق بنومه ، مدت يدينها تهز كتوفه  : افف كل حياتك نوم قوم يلا قوم ، فتح عيونه ببطى من الضوء ونطق بصوت ناعس : خليني انام بكرا عندي دوام
تنهدت بتضجر : نايم من العصر ولحد الحينه ماشبعت نوم اهبد
رجع ينسدح يمد يده يغطي وجهه بالبطانيه : يلا يلا طفي اللبه واطلعي ولا اهجدي ونامي
كشرت وهي تصد وجهاا عنه وتجلس على السرير بملل و ما اغلقت النور
بعد دقائق ابعد البطانيه عن وجهه وكانت للان جالسه وتناظر
لاظافرها ، وقف يستغفر ربه ويتوجه يطفي الضوء ويرجع ينسدح
نطقت بخوف: افف خير تطفي النور ما اشوف قوم شغل النور
نطق بهدوء : اذا تبيه قومي شغليه
زاد خوفها ونطقت بحده : عايض بلا استهبال قوم شغله ما اشوف شي
مد يده يسحبها لقربه ويحضنها ويدفن وجهه ب عنقها
ارتعش جسمها من قرب انفاسه بلعت ريقها وبدت تحرك يدينها لمحاولت ابعاده ونطقت : ابعد
شد عليها كي لا تتحرك ونطق بهمس : نامي ولا يصير شي ثاني
هجدت وسكت من خوفها وغمضت اعيونها بهدوء
-
وقف بعد ما جمع الاوراق المنثوره على مكتبه واخذهم معه يطلع كان اغلب الموضفين خارجين بحكم اننهو اشغالهم توجه لمكتبها قبل يطلع ليعطيها الاوراق لكنه عقد حواجبه بستغراب من الي سمعه
~
بالداخل
لميس: طيب يا فجل عادي تطلعين بلا!
فجر قلبت عيونها بملل وطفش : افف منك يا لميس تعلمي تنطقين
تنهدت لميس بقل حيله كل ماتتكلم يطقطقون عليها وعلى لدغتها
حاولت تمسك دموعها ونطقت : فجل اطلعي خلاص بقفل المكتب
ضحكت فجر واقتربت للمكتب تضع يدينها عليه تتكي وناظرت ل لميس : انطقي اسمي صح واطلع ياعسوله
امتلت جفونها بالدموع ولكنها تحاول ما تنزلها وقفت بغضب وضربت المكتب بقوه ونطقت بعصبيه : خلاص عاد اطلي مني ناقصه
فجر ضحكت بصخب ومشت وقبل تطلع التفت عليها ونطقت : ترى فيه دكاتره يدربون او سوي عمليه يلا سيوو ،طلعت و ناظرت بستغراب من شافته واقف قريب من الباب لكنها مشت وطنشته
اما عند لميس
اول ماطلعت فجر رمت نفسها على كرسي وهي تنزل دموعها وصوت شهقاتها واضح ، سرعان ما وقفت من البكاء و مدت يدها تمسح مدموعها من سمعت صوت الباب نزلت راسها للاسف كي لا يلحظ دموعها وبهدوء مد الاوراق يضعهم على المكتب ونطق : ذي الاوراق كلها اذا تقدرين تعطينها المدير بكرا
هزت راسها بالاجابه واخذت الاوراق بهدوء : ان شاءالله
اخذ نفس بهدوء ونطق قبل يطلع : لا تبكين ترى لدغتك تميزك
وسعدت عيونها بذهول وصدمه هل سمعاها !! بلعت ريقها بخوف شديد
-
بببت عبدالرحمن
بعد جلسه مليئه بالحياه والسوالف بين الاخوان توجه كل شخص لغرفته لينامون ويصحون بدري
وقفت نيال ماتعرف وين تتوجه او غرفتها او وين تنام ناظرت بتشتت من كبر البيت التفت من حست بيد توضع على كتفها بنعومه
امل : نيال حبيبتي تعالي اوريك غرفكم انتِ وغيث
هزت راسها بالاجابه وبدو يمشون وراها وتوريهم غرفهم اولا غرفت غيث  ،امل : غيث ذي غرفتك وقدامها على طول غرفة نيال وبجنب غرفة غيث غرفة عقاب والي هناك الجهه الثانيه فيصل و مشعل ونواف ، هز راسه غيث بدون رد وتوجه يدخل غرفته ويغلق الباب
واما نيال دخلت غرفتها وخلفها امل تدخل وراها
ابتسم نيال بهدوء كانت الغرفه مربته وجميله ووسيعه وهذا اهم شي عندها ، ابتسمت امل من لحظت الابتسامه بوجه نيال ونطقت : الصدق ماعرفت ذوقكك اتمنى تعجبك لانها من اختباري واذا تبين تغرينها عادي
التفت نيال عليها بفرح : لا حلوه حلوه مشكورهه
تقدمت امل تمسك كفوف نيال وتشد عليهم ونطقت بحنان : نيال حبيبتي اعرف انك ممكن تتضايقين من كلام او تحزنين لكن اعتبريني مثل امك او مثل اختك الكبيره لا تعامليني كاني مرت ابوك وتحقدين
من زمانن وانا اتمنى بنت تجي وتفرحني احب البنات لكن ربي ما كتب والحينه انتِ عوض من ربي
ابتسمت نيال بدموعع من تذكرت امها وسحب يدينها تغطي وجهها تكتم شهقاتها ماقدرت تمسك دموعها لانها للان ما تشافت من الجرح ، امل خافت و نطقت بتوتر وهي تضع يدينها على كتوف نيال وتسحبها تحضنها : اسفهه اسفهه ما قصدي ماقصدي بس كنت ابيي ابيي ...