نجهل الوعد و نحقق الاماني

البارت 17

وهي راجعه عذاري جاها اتصال فتحته بدون م تشوف المتصل توقعت انه عمر ولا ريم ولا لينا لكن انصدمت من الصوت الي سمعته .
سلطان : عذاري
عذاري الي ضربت راسها انها م انتبهت و نطقت : نعم
سلطان : يقولون هلا
عذاري : وش تبغى ! انا الحين مشغوله
سلطان بحنية : م تتفضين لي
رق قلب عذاري لكن نطقت : لا
سلطان : م احسها من قلبتس
عذاري : بالله
سلطان بأبتسامة: طيب أحبتس
ضاعت علوم عذاري من الكلمة رق قلبها م تحملت و ابتسمت و سكتت م ردت اما سلطان الي ضحكته اعتلت و نطق : ترى حسيت بالابتسامة
عذاري بصدمة : شلون !
سلطان : العصفوره قالت لي
عذاري : ي ذا العصفوره الي تقولك كل شيء
سلطان بغزل : موصيها على قلبي تنتبه لتس
عذاري الي استحت و قالت : بقفل تبي شيء
سلطان : انتي
عذاري بحدة : سلطان !
سلطان : و انا صادق م قلت شيء غلط تراتس زوجتي
عذاري : بقفل ترى
سلطان : لا تخليني اجي بيتكم الحين
عذاري : يرحم والديك لا تجي
سلطان : عشان العصفوره ولا كان جيت
عذاري بضحكة : مع السلامه
قفلت عذاري من سلطان و دخلت داخل تضحك عليه ، اما سلطان الي غصب عنه اتصل عليها م تحمل م يسمع صوتها ولا يسمع ضحكتها او يحس ب ابتسامتها .
-
-
~~~~~~~~~~~~~~~~~~~~~~~~~~~~~~~~~~~
بالجانب الثاني الي نزلت ريم من السيارة و عمر معاها و دخلوا البيت و اول م دخلوا استوقفهم صوت عزيز و عذاري ،
انصدموا لكن سرعان م حضنت عذاري زيم و عزيز حضن عمر و جلسوا يسلمون على بعض
عذاري : الحمدلله ع السلامة
عمر : الله يسلمتس
عزيز : نورت الرياض والله
ريم : بوجود اصحابها
عمر : وين الباقين
عذاري : امشوا ندخل كلهم ينتظرونكم
ريم : يلا
دخلوا داخل و اول م دخلوا سلموا على ريم و عمر و قعدوا يسولفون معاهم عن السفره و يضحكون سوا و بعدها بساعه و صل الغداء و تغدوا الحريم لحال و الرجال لحال و اول م خلصوا راحوا ام ريم و ابو ريم ،
اما ريم و عمر صعدوا للدور الثالث عشانه قسمهم و عزيز و عذاري طلعوا للحوش اما ام عمر و ابو عمر اخذوا قيلوله العصر ،
-
بالجانب الثآني الي عذاري تسولف مع عزيز مثل دايم .
عذاري بضحكة : علمني متى بتخطب
عزيز : و ان قلت لك قريب
عذاري بصدمة : تكذب !!
عزيز : افا انا م اكذب
عذاري : من هي ؟ معك بالمستشفى
عزيز : اي معاي و لا تحاولين اقولتس مين
عذاري : خييير !! انا اختك علمني
عزيز : اقول مع السلامة ب ارجع للمستشفى عندي عمليه اليوم
عذاري بضحكة: اوك هج هالمره لكن مصيري ب امسكك
عزيز : يلا بااي
طلع عزيز من بيتهم متوجه للمستشفى مثل اي يوم يمر عليه لكن هاليوم بيقلب حياته رأساً على عقب ! اما عذاري الي اخذت جوالها و ارسلت ل ريم تنزل لها .
-
-
~~~~~~~~~~~~~~~~~~~~~~~~~~~~~~~~~~~~
بالمركز عند كتيبة سلطان ، مجتمعين على قضية سلطان مع المحامي توفيق و كان مترأس المكتب سلطان و على يمينه توفيق .
علي : طيب و بعدين
توفيق : مثل م قلت لكم المحامية عذاري ذكية و جدا و عندها خبره انتم مثل م شفتوا بالمحكمة دارسه تحت يد القاضي عبدالعزيز و هذا كفيل ب انه يعطيها الامل
نواف : يعني القاضي بيصير معاها !
سلطان : اضن يقصد توفيق انه عذاري متعلمه و دارسه من طريقه عبدالعزيز ولا
توفيق : بالضبط هذا الي اقصده و زودن على ذا تطمنوا من ناحية القاضي ف هو شحص مع الحق م يهم اذا يعرف الشخص او لا
خالد : اشوى ارتحت
سلطان : بما انه عرفنا طريقة المحامية عذاري و فهمنا اسلوب القاضي الحين نحط أملنا كله لله ثم توفيق
يوسف : ان شاء الله
سلطان : انتهى الاجتماع ب امكانكم الخروج
طلعوا كلهم بقى بالغرفة سلطان و توفيق ، لف توفيق على سلطان و سأله بفضول : سلطان بسألك
سلطان : سم
توفيق : لا تفهمني غلط بس بينك شيء انت و عذاري
سلطان بضحكة : زوجتي
توفيق بصدمة : هاه !
سلطان : شفيك اي والله زوجتي
توفيق : عذاري تتزوج ! و مين انت ! وفوقها اعداء بالقضية
سلطان بغيرة : و انت شلون تعرف عذاري
توفيق : كانت تدرس معاي و درّسنا ترم كامل سوا لكن ارتاح م بينا شيء
سلطان : لا تفهمني غلط
توفيق : ي رجال عيونك بتطلع و انت تقول لا تفهمني غلط
سلطان بضحكة : والله عاد لا تلومني
توفيق بضحكة : فعلا و الله يوفقكم يارب
سلطان : امين
توفيق : يالله عن اذنك ب اطلع
سلطان : اذنك معك
خرج توفيق و سرعان م دخل نواف و جلس و نطق : شعنده
سلطان وهو يتكي على الكنب : ابد يسألني عن عذاري
نواف بسخرية : م سمعنا صراخ
سلطان بنظرة : ترى فاهم وش تقصد
نواف : طيب وش يبي عرفت يسأل عن عذاري لكن وش نوع الاسئله
سلطان : يقول وش بينكم قلت له زوجتي
نواف : حبيت السطاوه
سلطان : متغدي ؟
نواف : لا والله جوعان
سلطان : اجل امش عازمك على الغداء
نواف : يا سلام انتظرني بالمواقف
سلطان : زين
-
-
~~~~~~~~~~~~~~~~~~~~~~~~~~~~~~~~~~~~
بالمستشفى بغرفة العمليات اللي طلع منها عزيز هو و طاقمه ب استثناء بيان اللي م كانت موجوده معاهم ،
ب ساحة المستشفى كانت بيان جالسه على الكراسي و جلس بجانبها شابّ بالعشرينيات من عمره و كان يتخرش ببيان بالكلام !
الشاب : يا جعلني مريض
رمقته بيان بنظره حاده و تجاهلته لكن سرعان م قال الشاب : وراتس متكبره عطيني وجه
بيان : فاضي انت ؟ اذلف بس
قرب الشاب و مسك يد بيان و خاف بيان من الموقف و صارت تدفه و هم بالوضع ذا شافهم عزيز الي غضب من الموقف و تقدم يضرب الشاب ! رفع بعلو صوته ينطق : ياللي م تستحي
الشاب : وخر بس
بيان الي كانت ماسكه كتف عزيز نطقت : دكتور يكفي
عزيز : وخري بيان و انت يالقذر جاي مستشفى مكان مرضى تتحرش ببنات الناس
الشاب : وانت شدخلك وش لقفك
عزيز الي مسك يد بيان : ذي خطيبتي
انصدمت بيان من كلامه لكن الصدمه الكبرى الي كانت تحت انظار احمد اخو بيان الي شاف عزيز ماسك يد اخته و يقول خطيبته ! م تحمل الموقف و سحب بيان جهته و نطق : وش تقول انت ي عزيز بيان خطيبتك !
الشاب بتوتر : أ أ انا برروح
م احد اهتم له و هج بدون لا يلتفت لهم اما بيان الي مسكت اخوه و قالت : احمد اسمع انت فاهم غلط
احمد بغضب : اسكتي انتي لك تفاهم بالبيت لكن انت ي عزيز
عزيز : يخي شفيك معصب ! لا تفهم غلط
احمد : اسمع انا عندي كلمة وحده ي تجي تخطب اختي مثل م قلت و سمعك الكل ي نتبرأ من بيان
بيان بدموع : احمد انا اختك !
عزيز : انجنيت انت صح ؟
احمد : اضن سمعت الي قلته تطبقه ولا نتبرأ!
بيان بترجي : عزيز تكفى
احمد : عزيز حاف بعد !
عزيز : حسبي الله و نعم الوكيل انا م ادري وش مسوي عشان يصير لي كذا
احمد : يومين ان م جيت تقدمت لأختي تسمع خبر نتبرأ من بيان و تراهي بذمتك ي عزيز و انا بسكت منب قايل شيء
عزيز بغضب : الله ياخذك
بيان بدموع : ليه ياربي لا م ابي
احمد: تاخذين شنطتك و تجين الان و يومين منتي رايحه للمستشفى لين م يجي ذا يتقدم لتس
عزيز : وش بتسوي لها ؟ بتضرب ترى المرجلة مهي كذا
احمد : مهو انت الي بتعلمني و اختي اتفاهم معاها
بيان : خلاص كفاية اسكتوا و احمد امش معاي
احمد بعصبيه : يلا امشي قدامي
لفت بيان تعطي نظرة اخيره لعزيز الي عيونها تشرح كل شيء  اما عزيز الي كان خايف عليها و بنفس الوقت يفكر بندى اذا عرفت عن الي صار !
-
رجع عزيز لمكتبه قفل الباب و جلس على كرسيه يفكر باللي صار ! بيان بيدين اخوها المجنون م يدري وش بيصير فيها و راح تنحرم من كل شيء بسبب كلمته الي قالها انها خطيبته بس عشان يبعدها عن المتحرش تنهد بضيق وهو يتذكر ابتسامه ندى له و ضحكاتها و سوالفها معاه زفر بغضب يلعن و يشتم الشاب المتحرش صار يفكر ببيان و ب ندى ! قفل عيونه يرتاح و كل م قفلها يتذكر نظرات بيان له ! ضرب يده بالمكتب قام من مكانه يطلع من الغرفه يلهي نفسه بالطوارئ
-
-
~~~~~~~~~~~~~~~~~~~~~~~~~~~~~~~~~~~~
بمكان بعيد " بمزرعه محمود "
كان محمود جالس فجأة رفع جواله يتصل على عذاري اتصل عليها انتظر دقيقه و فتحت الاتصال عذاري نطقت : هلا محمود
محمود : هلا والله شخبارتس
عذاري : كويسه لكن علمني ليه متصل
محمود : قلت بتأكد من القضيه م تكلمنا عنها اخر مره بالمحكمة
عذاري : بكرا الصباح تعال عندي بالمكتب انت و مصعب
محمود : زين ان شاء الله و طيب متى الجلسة نسيت
عذاري بضحكة: بتقنعني انك نسيت ؟ عموما تونا باقي شهر
محمود : يخي نسيت اوك اوك زين بكرا لنا لقاء
عذاري : يلا باي
قفل محمود منها و نزل جوالها و اول م نزل جواله جلس جنبه مصعب ينطق : الي كلمتها عذاري
محمود : اي ليه
مصعب : اشوف الابتسامات
محمود : مسوي قافط
مصعب : ترى كاشفك ي محمود لا تنسى عذاري مخطوبه و من سلطان
محمود : و من قال اني مهتم لها بكيفها هي و سلطان اهم شيء اطلع من ذا المشكله
مصعب : والله ماني مرتاح لكن وش نسوي
محمود : تتيسر
مصعب : اجل انا بروح مشوار و اجي
محمود : لا تتاخر بس
مصعب : طييب
خرج مصعب من المزرعه لكن محمود جلس يفكر بكلام مصعب و توتر لكن م اهتم و قام يخلص اشغاله .
-
-
~~~~~~~~~~~~~~~~~~~~~~~~~~~~~~~~~~~~
ببيت ابو فهد بالمطبخ ام فهد و سعاد و رهف يجهزون للمزرعه الي يوم الخميس بعد اربع ايام !
رهف : وش الاغراض الي بتحطينه يمه
ام فهد : ب اخذ الزمزميه الفضيه و الصحون و الملاعق كلهم فضي
سعاد : الحلا نشتريه من برا احسن
رهف : اي والله عشان نقضي بسرعه
ام فهد : خلاص قبلها بيوم ب احجز للحريم و للرجال عشان كل شيء يصير جاهز
سعاد : اي والله
رهف : حلو يعني تقريبا خلصنا كل شيء الحمدلله طيب يمه عمي ابو احمد م راح يجي ؟
ام فهد : والله كلمه ابوك و للحين م رد عليه
سعاد : يارب يجون
رهف : يارب عشان نسولف و ننبسط
سعاد : ان شاءالله
ام فهد : امشن للصاله احسن من قعدتنا بالمطبخ
سعاد : يلا
رهف : انا بصعد لغرفتي
-
صعدت رهف لغرفتها و اول م انسدحت على سريرها اخذت جوالها تتصل على لينا !
لينا : هلا والله ب رهف اخبارتس
رهف : طيبه ياعيوني و انتي
لينا : جعله دوم يارب و انا بخير والله
رهف : الحمدلله و علميني وش صار اليوم بالجامعه ؟
لينا : انتي اول شيء ليه غايبه تتركيني لحالي
رهف : قمت متاخر مره و فاتتني محاظرتني
لينا : اف منتس ليتس جيتي
رهف : بكرا بكرا ان شاء الله
لينا : قهوتس علي بكرا عشانتس بتداومين
رهف بابتسامة : و فطورتس علييييي مو من الجامعه بس بنطلب
لينا : تم ياعيني و الحين بقفل امي تناديني
رهف : مع السلامه
قفل لينا من رهف و نزلت لأمها اللي تصوت لها تنزل
ام محمد : ي لينا انزلي
لينا : هلا يمه وش بغيتي
ام محمد : اتصلي على محمد شوفي وينه المهبول ذا
لينا : الاكيد انه عند عدنان ولا مع الشباب
ام محمد : اتصلي طيب
لينا : ابشري
اتصلت لينا على محمد م يرد و نزلت لامها تقولها .
لينا : يمه م يرد شكله مشغول
ام محمد : بيجنني هالولد
لينا : يمه ترى مو بزو هو كبير
ام محمد : منب سأله عن عمره لكن ابوه يبي يروح معاه لعشاء معزومين عليه و اخوتس تأخر
لينا : ياويله من ابوي عاد
ام محمد : انا بريت نفسي اتصلت م يرد وش اسوي عاد
لينا : يجي يجي م عليتس
دخل محمد عليهم مسرع متجه لغرفته ينطق : يوه تأخرت على ابوي ينتظرني برى
ام محمد بصدمة : احسن وينك من اليوم
لينا : اي والله وينك
محمد : اقول انتن بتضيعن وقتي بالاسئله ب اروح اجهز بس
لينا بضحكة : استعجل استعجل
ام محمد وهي تضرب كتف لينا : اتركي اخوتس و روحي سىي لنا قهيوه نتقهوى انا و انتي
لينا : من عيونييي و عاد طالبه حلا يجنن بذوقتس اياه
ام محمد : كفو بنتي السنعه
لينا : اعجبتس انا
-
-
~~~~~~~~~~~~~~~~~~~~~~~~~~~~~~~~~~~~
بالبر عند نواف و سلطان الي يتكلمون عن بعض !
نواف : سلطان تحبها
سلطان : مين ؟ سيارتي
نواف بسخرية : سيارتي ! تعرف مين اقصد
سلطان : عذاري ؟
نواف : اي حبيبة القلب م غيرها
سلطان : دامك تعرف الاجابه ليه تسأل
نواف : ابي اسمعها
سلطان : اي احبها و قلبي م ينساها ولا لحظة لكن
نواف : لكن ايش
سلطان : م تحملت خيانتها لي مع محمود عجزت اتخطى منظرهم بالمحكمة
نواف : انت شاك فيها
سلطان : لا
نواف : اجل
سلطان : قلبي يحبها و اي انسان يحب م راح يتقلب فكرة انه شخص تحبه يروح مع عدوك صح ولا لا
نواف : صح عليك بس بتقنعني انه عذاري راحت مع محمود برضاها ؟
سلطان: هذا الي ابي اعرفه هو وش مهددها فيه عشان تصير معاه او ماسك عليها شيء
نواف : شرايك نعرفه بطريقتنا
سلطان : وش تقصد !
~~~~~~~~~~~~~~~~~~~~~~~~~~~~~~~~~~~~
-
-
انتهى ، لاتنسون تعطوني رأيكم بأحداث البآرت🫣❤️‍🔥❤️‍🔥