نجهل الوعد و نحقق الاماني

البارت 14

حاولت عذاري ترسّل لاخوها الموقع و قدرت ترسله لكن سرعان م طاح الجوال من يدينها و فقدت وعيها ! .
-
~~~~~~~~~~~~~~~~~~~~~~~~~~~~~~~~~~~~
بالمستشفى كان عزيز يركض بممرات الطوارئ متجهة للباب الرئيسي عشان يطلع ل اخته لكن سرعان م طلعت بوجهه بيان انصدمت من شكله و حست فيه شيء ركض عزيز بدون م يقولها شيء لفت عليه بيان تلحقه و اول م استدعى سيارة اسعاف ركب و ركبت معاه بيان !و حركت سيارة الاسعاف للموقع ، انصدم منها عزيز لكن سرعان م نطقت بتوتر : وش صار شفيه
عزيز بربكة : اختي اختي عذاري صار لها حادث و الحين رايح لها
بيان بصدمة : اح الله يستر
عزيز : يارب تحفظ اختي ياااارب
حطت بيان يدها على كتف عزيز و نطقت : لا تخاف ان شاء الله انها بخير
ابتسم عزيز لها و نطق : ان شاء الله
ابتسمت بيان له ، لكن سرعان م حسوا بالسيارة وقفت و نزلوا على طول منها و شاف المنظر قدامه سيارة عذاري يطلع منها دخان و الناس متجمعة بسرعه ركض عزيز و المساعد لعذاري يطلعونها اما بيان الي نزلت السرير و اخذته عند مكانهم ، سحب عزيز اخته و حاول يصحيها لكن كانت مكتومه و مغمى عليها بسرعه رفعها على السرير و ركبوا سيارة الاسعاف، و بالسيارة كانت بيان تقيس ضغط و اوكسجين عذاري ، رفعت راسها لعزيز تنطق : دكتور ، ضغط عذاري كويس لكن الأوكسجين منخفض عندها
عزيز بصراخ : بسرعه اسرعوا
بيان بخوف و جراءة: عزيز ! اهدئ مو كذا تنقذ اختك
عزيز بحدة : أوكسجينها منخفض !
بيان بتفاؤل : بس اختك بخير الحمدالله م فيها شيء ولا فيها اي خدوش ، و اول م نوصل راح نسوي لها اشعه لانه اشك انه يدها فيها شعر او كسر
عزيز بنظرة : اكيد ي بيان
بيان : اذا تثق فيني سلم اختك لي و ان شاء الله م يصير الا كل خير
عزيز : اثق فيتس و اختي لتس
بيان بابتسامة : وصلنا يلا ننزل
نزلوا للمستشفى و اول م نزلوا اتجهت بيان للطوارئ شافتها ندى و بسرعه جت تساعدها لكن انصدمت يوم شافت البنت عذاري نطقت بتوتر : عذاري !
بيان : ندى مو وقت توتر تساعديني ولا نادي كوثر و زيد
ندى : بساعدتس بساعدتس
كانت تصرفات بيان القيادية و حرصها على عذاري تحت انظار عزيز الي لفتت انتباهه ب اول م ساعدت على رفع اكسجين عذاري و نطقت بيان ب صوت مرفوع ل كوثر : خوذوها للأشعة ابي اشعة لجسمها كامل عشان لو فيها كسور او شعر
كوثر : م عليتس عندي
بيان : و انتبهوا اذا انخفض أوكسجينها لانها عندها تضاعفت
زيد : تمام
اخذوا عذاري للأشعة اما بيان راحت تجلس ترتاح و عند عزيز الواقف متوتر شافته ندى و راحت عنده .
ندى : دكتور اذا خايف على اختك ارتاح بيان قالت انها احسن و م فيها شيء الحمدلله و طلبت تصوير اشعة
عزيز : الحمدلله ، بس وين راحت بيان ؟
انصدمت من كلامه و نطقت : م ادري بس شفتها راحت ترتاح
عزيز : تمام شكرا ندى
راح عزيز يدور بيان ، اما ندى الي انصدمت و حست كلام الممرضات عنهم صدق ، انجرحت مشاعرها من عزيز وهي كانت تبي تطمنه فجأة يسألها عن بيان ! حست الدنيا تدور فيها جلست على كرسي الانتظار ب خذلان ، انقهرت من تصرفات عزيز بالبدايه كان يتقرب منها و يحاول يكلمها و الحين مو مهتم لها ! تنهدت ب زعل و راحت للطوارئ.
-
-
~~~~~~~~~~~~~~~~~~~~~~~~~~~~~~~~~~~~
اما عند بيان الي كانت طالعه بحديقة المستشفى جالسة على الكرسي تستنشق هواء ، شافها عزيز وهي جالسه اتجه لها و اول م وصل عندها نطق بابتسامة: بيان
زفرت بيان بخوف تنطق : يمه خوفتني دكتور
عزيز بضحكة : بسم الله عليتس
بيان بفضول : م عليك عادي ، لكن وش بغيت
جلس عزيز جنبها و نطق : حبيت اشكرتس م راح انسى موقفتس هذا معاي ابداً ومهما صار بالدنيا بيجي يوم ب تحتاجيني فيه و راح ارد لتس الموقف ب احسن صوره
بيان ب احراج : لا والله م يحتاج م سويت شيء هذي وظيفتي و اختك اختنا
عزيز : انبسط ان فيه ممرضه مثلتس معاي بفريقي محظوظ فيتس والله
بيان بأبتسامة : شكرا دكتور كلامك اعتز فيه
عزيز بنظرة : العفو عين..
كان بيكمل كلمته لكن لفت بيان على الصوت الي يناديها و استأذنت من عزيز تروح .
بيان : اسمح لي دكتور
عزيز : روحي عادي
رجعت بيان داخل ، اما عند عزيز الي لحقها و دخل للطوارئ
-
-
~~~~~~~~~~~~~~~~~~~~~~~~~~~~~~~~~~~
طلعت اشعة عذاري و شافها عزيز و فعلا طلع بيدها اليسرى شعر و بيضطر يجبسون يدها ، اخذوا عذاري و حطوها بالملاحظات ترتاح عشان اذا صحت يجبسون يدها ، راحت ندى تتطمن على عذاري عشان تعلم سلطان و بسرعه راحت عند كوثر بدل عزيز .
ندى : ها كيف المريضه عذاري
كوثر : كويسه حطيناها تحت الملاحظه ترتاح و عقبها بنجبس يدها
ندى : كسر ولا شعر
كوثر : لا شعر
ندى : اشوى طمنتيني
طلعت ندى تتمشى بالممرات و اخذت جوالها تتصل على سلطان استجاب لها سلطان و رد على اخته .
سلطان : هلا ندى
ندى : فاضي ؟
سلطان : عندي اجتماع بعد شوي
ندى : مهم ؟
سلطان: انتي م تسألين هالاسئله الا وراتس شيء
ندى : طيب جاوبني مهم ولا لا
سلطان : اجتماع مع كتيبتي بس عادي مو ب ذاك المهم نقدر نأجله ساعه ساعتين ليه وش فيه ي ندى
ندى : طيب اسمع ، شفت عذاري زوجتك
سلطان بحدة : وش فيها
ندى بربكة : صار لها حادث
سلطان بخوف : نعم ! وش تقولين
ندى : اهدئ اهدئ سلطان
سلطان : شلون اهدئ وانتي تقولين عذاري صار لها حادث
ندى : الحمدلله هي بخير و م فيها شيء تطمن بس شعر
سلطان بتوتر : بيجبسون يدها ؟
ندى : اي
سلطان : طيب وينها هي الحين
ندى : م صحت للان ولا جبسنا يدها
سلطان : طيب اسمعي انا عشر دقايق و انا عندتس
ندى : طيب انتظرك
سلطان : تمام
-
-
~~~~~~~~~~~~~~~~~~~~~~~~~~~~~~~~~~~~
أجل الاجتماع سلطان لبعد ساعتين و استأذن لظرف و طلع متجه للمستشفى و اول م وصل للمستشفى توتر م يدري كيف يواجه عذاري لكن ارسل لندى تطلع له و اول م شافها نطق سلطان : ندو تعالي
ندى : يا سعد عذاري الي سلطان مستحيل يأجل شيء له الحين أجلته عشان تشوفها
سلطان : اقول لا يكثر و علميني هي صحت ولا باقي لا
ندى : لا م صحت لسى
سلطان : اجل وديني لها م ابي أشغلها اذا صحت
ندى : طيب
اخذت ندى اخوها و ودته لغرفة عذاري و اول و م وصلوا دخل سلطان لحاله اما ندى كانت واقفه برى ، تضايق سلطان يوم شاف حال حبيبته كذا ، تنهد و قرب منها يُقبل خدها سحب الكرسي و جلس عليه مسك يدها و صار يقبلها نطق بهمس مسموع : اخاف عليتس ي بنت عبدالله من نفسي حتى وشلون اول م اسمع هالخبر م اجي اشوفتس ! انا سلطان تتغير موازيني كلها لأجلتس ي ساكنة القلب ، م ودي ازعلتس ولا ابي اصير ضدتس لكن انتي اجبرتيني على هالشيء م ادري وش سبب سكوتس لمحمود ولا ادري وش حاصل لكن م ردي ب اعرف السبب ، و صدي لكن مو يعني م احبتس ! انا احبتس و م ابيتس إلا لي لكن الشيء الي صار و منتس عجزت اتقبل الشيء ذا ! كبريائي م سمحت لي اتنزل اكثر من كذا ، ابي يوم من الايام تدرين اني جيت و شفتس بس مو الحين ي ساكنة القلب ، زفر سلطان بزعل و رجع يقبل خدها و رجع الكرسي لمكانه و طلع .
اول م طلع شاف ندى سحبها عند و قال لها : تعلمين عذاري ولا اي احد اني جيت شفتها يا ويلتس مني ي ندى
ندى : وليه م تبيها تعرف شدعوه تراها زوجتك
سلطان : اسمعي الكلام الي قلته تفهمين ي ندو
ندى : خلاص ابشر والله م اقول شيء لكن ليه صاير شيء
سلطان : اي هذي ندى الي اعرفها ، و لا م صار شيء و الحين ب اروح تبين شيء
ندى : لا سلامتك بس م راح ترجع مره ثانيه
سلطان : لا و لا تكثرين كلام
طلع سلطان ، اما عند ندى الي دخلت تشوف عذاري الا تشوفها صحت ابتسمت ندى و نطقت : الحمدلله على السلامه
عذاري بتعب : وش صار وش فاتني
ندى : الحمدلله م فاتس الا الشر و انتي الحين واضح بخير
عذاري الي كانت بتقوم لكن يدها عورتها : اح يدي
ندى : اجلسي اجلسي ارتاحي ب انادي عزيز لتس
عذاري : اوك
طلعت ندى تدور عزيز صادفته بالمصعد دخلت المصعد و نطقت : دكتور ترى اختك صحت رح لها
عزيز بفرح: صدق !
ندى : اي والله
عزيز بعفوية : ياعمري ي ندى ! م تجيبين الا الاخبار الزينه
طلع عزيز من المصعد لكن بقت ندى فيه انصدمت من كلمة عزيز لها تأثرت منها انها طلعت بعفوية م طلعت بقصد ! زفرت ب زعل و رجعت تنادي كوثر عشان يبدون تجبيس يد عذاري .
-
-
بغرفة عذاري الي دخل عزيز و على طول حضنها ، نطقت عذاري : انتبه يدي
عزيز : اخ الحمدلله الحين ارتحت
ابتسمت عذاري و نطقت : خفت علي
عزيز : تستهبلين! اختي انتي اكيد مت خوف عليتس
عذاري : يا حبيبي عزيزو الله يخليك لي
عزيز : امين يارب ، اسمعي بيجون يجبسون يدتس الحين و عقب نطلع للبيت
عذاري : زين
-
-
بعد ساعه الي كملوا تجبيس ل يد عذاري و انتهت كل شيء طلعت مع اخوها متجهين لبيتهم .
~~~~~~~~~~~~~~~~~~~~~~~~~~~~~~~~~~~
المغرب ببيت ابو عبدالله الي جالسين مع بنتهم يتطمنون عليها بالجانب الثاني عند لينا الي درت بالخبر من رهف بسرعه راحت لبيت عمها و اول م وصلت نزلت و فتح لها الباب السواق ، دخلت البيت و شافت عذاري جالسه مع ابوها و امها ، ارتمت بحضن عذاري و هي تصيح من خوف عليها نطقت : كم مره قلت لتس لا تسرعين كم مره
عذاري بحنية : ليونه ليه الصياح هذاني بخير
ابو عبدالله : يازينتس ي لينا
لينا ببكاء : ردي علي كم مره اقولتس لا تسرعين !! تدرين يوم دريت بغيت اموت ! احسب فيتس شيء
ام عمر : بسم الله على بنتي تطمني ي ليونه عذاري بخير
عذاري : والله بخير الحمدلله شوفيني م فيني الا العافيه
لينا : و يدتس !
عذاري : بس شعر اسبوعين و يفكونه الجبس
لينا : الحمدلله
-
-
بالجانب الثاني بيت ابو عمر ، كان عزيز بغرفته يتروش و اول م طلع لبس بدلته و جلس يفكر ب ندى ! معقول انا حبيتها ولا بس عشانها اخت زوج اختي ؟ بس اذا شفتها ارتاح ليه م اعرف ، و هي تبادلني بنفس الشيء ولا بس انا ! اخ ي ندى .
زفر ب تعب و طلع من بيتهم راح عند العيال .
-
~~~~~~~~~~~~~~~~~~~~~~~~~~~~~~~~~~~
من بكرا العصر اتصلت رهف على عذاري تتطمن عليها و كانت جالسه بالصاله ، اتصلت عليها و استجابت لهّ عذاري .
رهف : السلام عليكم
عذاري: هلا والله و عليكم السلام
رهف : الحمدلله على سلامتس إخر الأوجآع يارب
عذاري : الله يسلمتس ياعيني ، امين يارب
رهف : ها طمنيني عليتس ان شاء الله احسن
عذاري: اي الحمدالله ، لكن م عطيتيني اخبارتس شلونتس و شلون ندى و خالتي ام فهد
رهف : ابد كلنا بخير ، و امي تتحمد لتس بالسلامه
عذاري : ياقلبي هي الله يسلمها يارب
رهف : اقول عذاري
عذاري : سمي
رهف : ولا خلاص بعدين
عذاري : وشو قولي عادي
رهف : بقولتس بس بعدين
عذاري : اف منتس ي رهف حمستيني
رهف : كل شيء بوقته حلو
عذاري : اوك
رهف : يلا مع السلامة
عذاري : مع السلامة
-
-
تنهدت رهف ب ابتسامة ، لفت عليها ام فهد تنطق: وشلونها
رهف : بخير اشوى ، و تسلم عليتس و سألت عنتس
ام فهد : ادب ادب هالعذاري
رهف : اي والله
ام فهد : اقول رهف شرايتس نعزمهم بالمزرعه هالاسبوع
رهف : قدام يمه اي تكفين
ام فهد : خلاص ب اكلم ابوتس و اشوف
رهف بحماس : زين زين
~~~~~~~~~~~~~~~~~~~~~~~~~~~~~~~~~~~
بالليل " ببيت سلطان " الي خلف بيت اهله بالتمام و كان بينهم باب يقدرن يدخلون و يطلعون لكن كان سلطان مقفله هالمره ، و كان عنده نواف و جايب اكل له و لسلطان ، نطق نواف بهدوء : تعال ي سلطان كل من العشاء
سلطان : م ابي
نواف : قسم بالله م ان م اكلت ي سلطان ل اروح و اتركك
سلطان : تكفى لا تجبرني
نواف : يابن الحلال ارحم نفسك من تهاوشت معاها و انت لا ليلك ليل و نهارك نهار
سلطان بحقد: ابي اعرف السبب بس ابي افهم وش السبب الي خلاها تسوي كذا
نواف : الاكيد انه الظروف جبرتها ولا شيء كايد
سلطان : عشان كذا اتسأل ليه ليه ي عذاري
نواف : تعال تعش و يصير خير
زفر سلطان بتعب : طيب
نواف : طيب قلي وش بتسوي بكرا
سلطان : منب مسوي شيء
نواف بنظرة : اكيد ترى بكرا حنا بمحكمة
سلطان : وش شايفني تراني عميد و اعرف اتصرف
نواف : بس بتتهور ان شفت محمود
سلطان : ارتاح مهو حاصل شيء
نواف بفضول : و عذاري طيب ؟
سلطان بحدة : وشفيها
نواف : م كلمتها تتحمد لها على السلامة
صد سلطان و نطق : لا
نواف بغضب : يا بردك ي سلطان ي بردك !
سلطان : زوجتي مهي زوجتك
نواف : بس لها حق عليك انك تسأل عنها و تتطمن عليها ، مهما حصل بينكم بس تضل زوجتك
سلطان : بس هي خانتني او بالاصح غدرت فيني
نواف : و انا وش قلت لك قبل شوي اكيد فيه سبب
سلطان : مهما كانت الاسباب بس خيانتها لي م تنعوض بشيء
نواف : انت تحبها صح
سلطان : الحُب مو كل شيء
نواف : جاوبني بالاول انت تحبها
سلطان : وش بيفيد اذا جاوبت
نواف : من مماطلتك ب الجواب واضحه تحبها
زفر سلطان بغضب : و بعدين يعني
نواف : بسكت لكن تعش
سلطان : ازين شيء قلته
نواف بضحكة : اوك ي سلطان
-
تعشوا كلهم و قام سلطان يغسل و نزل دبلته يغسل لكن فجأة اول م رفع يده ب ياخذها طاحت و ضاعت منه دورها بكل مكان م لقاها ! جاء نواف مستغرب من قروشه سلطان نطق : وش سالفتك متقروش
سلطان : دبلتي ضاعت دورها تكفى
نواف : يوه مو وقتها
سلطان : عارف
نواف : اعترف متعمد تضيعها
سلطان : ي ولد اقولك ضاعت و انت تقول متعمد
نواف : اجل وين بتختفي
سلطان : م ادري ، بس دور دور معي
دوروا العيال لكن م لقوها ، زفر سلطان بغضب : خلاص خلاص ادورها بكرا
نواف : اجل انا ب اطلع
سلطان : قفل باب الشارع
نواف : لا بخليه فاتح
سلطان بضحكة : انا اقوله دايم ي شينك ان روقت
نواف : اقول سلام بس
-
-
~~~~~~~~~~~~~~~~~~~~~~~~~~~~~~~~~~~
-
-
-
لاتنسون تعطوني رايكم بأحداث البآرت❤️‍🔥❤️‍🔥😣!!