ဒိုင်လူကြီးက ခါးကိုင်း၍ No.17 ကို မေးခွန်းမေးနေဟန်။ No.17 က ခေါင်းယမ်းပြပြီး ဆန်ခါကွက်စည်းရိုး၌ လက်ချောင်းတွေကို အားပြုဆုပ်ကိုင်ကာ မတ်တပ်ထရပ်လိုက်သည်။နှာခေါင်းသွေးများကမူ တစက်စက် ကျနေမြဲ။ No.17 က နှုတ်ခမ်းထောင့်နှင့်မေးစေ့ရှိသွေးများကို ခပ်ကြမ်းကြမ်း ပွတ်သုတ်လိုက်၏။ထို့နောက် ခေါင်းငိုက်စိုက်ချလျက် အဋ္ဌဂံလှောင်ချိုင့်အပြင်သို့ ထွက်လာခဲ့သည်။
" စိတ်ပျက်စရာကြီး "
ဟယ့်ဝေ့ အတော်လေး မချင့်မရဲဖြစ်နေသည်။
" No.17 က လက်ရည်ပိုသာတာ အသိသာကြီးကို ဒီလိုပုံစံနဲ့ ရှုံးပြရနေတယ်။ ဒီကြားထဲ No.17 သရုပ်ဆောင်တာက ညံ့လိုက်တာလွန်ရော "
" သူ ဒီနေ့ အရမ်းအာရုံပျံ့နေတယ် "
ကုယွင်ချီက မှတ်ချက်ချသည်။
တစ်ချိန်လုံးနီးနီး နှုတ်ဆိတ်နေခဲ့တဲ့ လုဟယ့်ရန်က ရုတ်ခြည်း မေးလာသည်။
" သူ ဒီကို ဘယ်တုန်းက စလာတာလဲ "
" မနှစ်က စလာတယ် ကြားတယ် "
ကုယွင်ချီက ရေတစ်ငုံသောက်လိုက်သည်။
" သူ တခြားထိုးကွင်းတွေမှာ ကစားခဲ့သေးတယ်တဲ့ "
No.17 ၏ ကျောပြင်က ဥမင်စင်္ကြန်လေးအတွင်းသို့ တစ်စတစ်စ တိုး၀င်ပျောက်ကွယ်သွားခဲ့သည်။လုဟယ့်ရန် အကြည့်ရုတ်လိုက်ပြီး ဖုန်းကို ဖွင့်လိုက်၏။လက်ချောင်းများက ဖုန်း screen တွင် ပြေးလွှားနေသည်။အကြင်သူက message တစ်စောင်အား ခေတ္တ ဖတ်လို့ ဖုန်းပိတ်လိုက်သည်။
" ငါ အပြင်ထွက် ဖုန်းပြောလိုက်ဦးမယ် "
ဟယ့်ဝေ့က ပြောင်စပ်စပ် ကျွတ်စုပ်သည်။
" ဘယ်သူနဲ့ပြောမှာလဲ ၊ အိုမီဂါလား ? "
လုဟယ့်ရန်က အေးအေးလူလူ ထရပ်သည်။
" ဟုတ်တယ် "
Underground club ၌ ပတ်လျှောက်ရင်း ဖုန်းပြောကောင်းမည့် တိတ်တိတ်ဆိတ်ဆိတ် နေရာတစ်နေရာမျှ လုဟယ့်ရန် ရှာမတွေ့။ဘယ်နေရာက ဘာမှန်းလည်း မသိသည့်အလျောက် အရှေ့တွင် ဓါတ်လှေကားတစ်ခု မြင်သည်နှင့် ခလုတ်နှိပ် ၀င်စီးလိုက်သည်။ပထမထပ်သို့ ရောက်သောအခါ ဓါတ်လှေကားတံခါး ပွင့်လာခဲ့သည်။လုဟယ့်ရန် ဓါတ်လှေကားပေါ်က ဆင်းကာ စင်္ကြန်လမ်းတိုလေးတစ်ခုကို ဖြတ်လျှောက်အပြီး ၊ အဆောက်အအုံအပြင်ဘက်ဆီ ထွက်ခဲ့၏။
ESTÁ A LER
ယွိ့ယန်နန်ကျစ် {မြန်မာဘာသာပြန်}
Romanceမူရင်းဝတ္ထုအမည် - ယွိ့ယန်နန်ကျစ် မူရင်းစာရေးသူအမည် - မိုက့်ရှန်းကျီးနာ Alpha × Alpha လုဟယ့်ရန်(လေတပ်ဗိုလ်မှူး) × ရွှီကျယ်(စစ်ဆေးဆရာ၀န်) Both Gong and Shou are Alpha .
